Buk baut Rut 2:7 - Torres Strait Creole (Yumplatok)

⁷ Em bin aske mi dis moning ip em ken pole dem wokman biain solong em ken pikemap dem leptoba sidkaikai. Em wok prapa ad. Em i mina gudwoka. Em bin wok prom elimoning, ane em stil wok nau. Em mata bin gad sot spel, lo smolseid de.’

Buk baut Rut 2:7 ပူးပေါင်းရင်းမြစ်များ

Matiu tokbaut Zizas 5:3

‘God i blese demwan uda i louklas pipol uda i sabe God, bikoz da ples wea God i ruloba ebriwan i gobi blo dempla.

Leta po Sos blo Rom 12:11

Yupla mas no sidaun leiziwan, bat mas mata ebritaim meke wok blo da BosLod.

Leta po Sos blo Galasia 6:9

Yumpla mas kipgo meke gudwok, no taiat, bikoz yumpla i go gede plenti blesing lo da raittaim, ip yumpla no go gibap.

Leta po Sos blo Episis 5:21

Wa, yupla i mas rispekt amenpamle blo yupla bikoz i prom dat prapa nadakain rispekt wea yupla i gad po Kraist.

Buk baut Rut 2:2

Wandei Rut i bin spik po Nomi, ‘Plizgar mama, lete mi go po dem gadanples. Maitbi i gad sambodi de po lete mi pikemap dem leptoba sidkaikai blo bali ol i bin libem biain.’ Nomi bin spik, ‘Orait mai gel. Yu trai go.’

Buk baut Rut 2:21

Den Rut i bin ansarem, ‘Nadating em i bin spik, ai mas gobaik ebridei po wok lo da gadanples antil ebri wok blo da gadan i go pinis.’

Buk baut Rut 2:6

Dat bosman i spik, ‘Dis oman, em no blo ya. Em bin kam wea Nomi. Em i oman blo kantri blo Moab.

Buk baut Rut 2:8

Boaz bin go ane spik po Rut, ‘Lisen po mi mai gel. Stap ya ane wok ya lo dis gadanples blo mi. No go po dem nada gadanples. Yu zoine dem oman uda wok po mi. Yu pole dempla biain ane pikemap dem leptoba kaikai.