Namba 2 leta po Sos blo Tesalonika 3:3 - Torres Strait Creole (Yumplatok)

³ Da BosLod em i diskain, yu ken trase em. Em go meke yupla strong ane em go stanap raun po lugaut yupla prom Satana.

Namba 2 leta po Sos blo Tesalonika 3:3 ပူးပေါင်းရင်းမြစ်များ

Zenasis - Stat blo ebriting 48:16

ane da einzel uda bin lugaut mi prom ebri badting, em i go blese demtu boi pikinini ya tu. Ane tru demtu, laue neim blo mi po mata stap poeba, ane neim blo ate blo mi Eibram, ane papa blo mi Aizak. Ane laue demtu boi pikinini po gad prapa plenti pamlelain, wea dempla stap ebriwea wea ert.’

Matiu tokbaut Zizas 5:37

Ip yu wande tok demkain, mata spik, “Wa, ai go mekem”, o mata spik, “No, ai nogo mekem.” Ip yu go yuze olkain promis wod po meke yuselp strong, den dem wod i kamaut prom Satana.’

Matiu tokbaut Zizas 6:13

Pliz elpe mipla so mipla nogo gibap ane meke ol nugudting, bat elpe mipla prom no pole dat nugudwan. Da ples wea yu ruloba ebribodi, da prapa bigpaua blo yu, ane prapa big preiz, i mata blo yu poeba. Amen.

Luk tokbaut Zizas 11:4

Pogibe mipla po ol dem nugudting mipla bin mekem, seimkain wase mipla pogibe ol dem nada pipol uda bin meke nugudting gense mipla. Pliz elpe mipla so mipla nogo gibap ane meke ol nugudting.’

Zon tokbaut Zizas 17:15

Ai no prea po yu dat yu go teke dempla go ausaid prom dis wold, bat ai prea po yu dat yu go prapa lugaut laip blo dempla prom Satana.

Namba 1 leta po Sos blo Korint 1:9

God i go prapa meke ol samting wea em spik em go mekem, bikoz God ebritaim mekem wanem em spik ane em da wan uda bin singaut yumpla po bi pren blo Boi blo em, Zizas Kraist, yumpla BosLod.

Namba 1 leta po Sos blo Korint 10:13

Bat tingbaut dem nugud samting wea i kam po meke pipol sin gense God, i kam po ebri pipol tu. Bat God em ebritaim de po lugaut yupla. Em i go stape dem nugud samting po kam nadakain strong gense yupla dat yupla kan pait gense dem nugudting. Wen demting go kam po yupla, em go soe yupla da wei po paite demting.

Namba 1 leta po Sos blo Tesalonika 5:24

God uda i bin singaut yupla po bi pipol blo em, em go meke ebriting wanem em bin promis em i go mekem po yupla.

Namba 2 leta po Timoti 4:18

Wa, da BosLod i go lugaut mi prom ebridem nugudting wea i go apen po mi ane em i go teke mi go po eben. Ol truglori ane ona i mata gobaik po God poeba ane eba. Amen.

Namba 1 leta prom Pita 5:10

Apta wen yupla i bin gad atso prom dem trabol po sotwail, God i go meke yupla gudgen. Em go elpe yupla ane meke yupla kam nadakain strong lo bilib wea em. Bikoz prom dat prapa gudpasin blo God, em i singaut yupla po stap lo da sainilait, dat truglori blo em wea i mata go poeba bikoz prom mata bilib lo Zizas Kraist.

Namba 2 leta prom Pita 2:9

So yupla luk nau, God i prapa sabe wiskain po seibe ol pipol uda bilib lo em prom ol trabol. Ane em sabe tu wiskain po panis dempla uda meke rongting. Em go kip panis dempla antil da lasdei wen em go zaze ebri pipol po wanem dempla i bin mekem.

Leta prom Zud 1:24

Ane nau, mata ol ona ane paua i stap wea God, uda i ken stape yumpla prom poldaun, ane uda i go teke yumpla kam insaid po dat brait sainilait blo em, wea yumpla nogad no sin ane gad prapa nadakain apipiling.