Namba 2 leta po Sos blo Tesalonika 3:16 - Torres Strait Creole (Yumplatok)

¹⁶ Wagar! Da BosLod blo pis i gibe yupla pis nomata wanem apen. Mipla prea God go oltaim stap wea yupla.

Namba 2 leta po Sos blo Tesalonika 3:16 ပူးပေါင်းရင်းမြစ်များ

Matiu tokbaut Zizas 1:23

‘Luk! Da oman uda prapa no sabe slip lo man em go gad pamle! Em go bone boi pikinini, ane demtu i go neim em Imanuel. Dis neim i min “God i ya midel lo yumpla”.’

Matiu tokbaut Zizas 28:20

Tise dempla ebriting wanem ai bin soe yupla, po pole ebridem lo ai bin gibe yupla. Ai gobi lo yupla ebritaim antil da taim blo dis wold i go pinis.’

Luk tokbaut Zizas 2:14

‘Preize da AntapGod uda stap wea eben, ane pis wea ebriwan uda plize em.’

Zon tokbaut Zizas 14:27

‘Wen ai gowei ai go gibe yupla pis. I no seimkain wiskain dem pipol blo dis wold i mekem, wa, i dipren. Yupla mas no lete yupla at gad trabol prom ol adting wea i apen ane yupla mas no prait.

Zon tokbaut Zizas 16:33

Demting ya wea ai spik yupla, i solong yupla i mait stap wea kuaiatwei. Bikoz yupla i stap wea dis wold yupla go gad prapa big atso prom olkainting. Bat yupla mata stap strong bikoz ai bin pinis bos oba ebriting blo dis wold.’

Leta po Sos blo Rom 1:7

God prapa labe yupla ane em i singaut yupla po bi ol pipol blo em. Wa. Ai prea po PapaGod blo yumpla ane Zizas Kraist, BosLod blo yumpla, po soe yupla spesilpeiba ane gibe yupla kuaiatwei.

Leta po Sos blo Rom 15:33

Ai prea po God po stap de wea yupla ane gibe yupla ebriwan pis. Amen.

Leta po Sos blo Rom 16:20

God uda gibe pis em i go smase Satana nadakain. Em i go mekem poldaun andanit wea leg blo yupla. Ane da spesilpeiba blo yumpla BosLod Zizas bi de wea yupla ebriwan.

Namba 1 leta po Sos blo Korint 14:33

God i God blo pis, em no God blo meke samting mesap. So i mas gad pis wea ebridem sos blo God.

Namba 2 leta po Sos blo Korint 13:11

Ol mai labing bala ane sisi, ai go yawo yupla diskain. Mata stap wea apiwei. Seinze wei blo yupla. Elpe wananada. Stap wea wanwei po meke ol samting ane stap wea pis. Den da God uda blo gibe lab ane pis blo em, em go stap wea laip blo yupla.

Leta po Sos blo Episis 6:23

Ai prea po God uda i PapaGod ane da BosLod Zizas Kraist po gibe pis ane strong lab po yupla ol amenpamle, ane gibe yupla da sabe blo mata bilib wea Kraist.

Namba 1 leta po Sos blo Tesalonika 3:11

Wagar! Miplatri prea po God blo yumpla. Em i PapaGod blo yumpla ane yumpla BosLod Zizas po meke da rod stret po mipla po kam po luk yupla.

Namba 1 leta po Sos blo Tesalonika 5:23

Miplatri prea po God, da God blo pis go meke yupla laip ane bodi klin ane nogad no bleim, solong yupla go mata stap lo em. Miplatri prea dat inaman blo yupla, ane sens blo yupla, ane bodi blo yupla i go stap seip, i go gad nating rong wen BosLod blo yumpla Zizas Kraist i go kambaigen.

Namba 2 leta po Sos blo Tesalonika 3:18

Ane da spesilpeiba wanem da BosLod Zizas Kraist i bin soem, mata stap wea yupla.

Namba 2 leta po Timoti 4:22

Ai prea po da BosLod po stap wea spirit blo yu ane po da spesilpeiba blo God po stap wea yupla ebribodi.

Leta po Pilemon 1:25

Lete da spesilpeiba blo da BosLod Zizas Kraist i stap lo laip blo yupla.

Leta po Ibrupipol 13:20

Ai prea solong da God blo pis, i go gibe yupla ebridem gudting yupla i go nidem, solong yupla i ken meke demting wanem em i wandem. God i da wan uda i bin meke da BosLod Zizas kambaik laipgen prom ded. Zizas, em i da BosLod blo yumpla uda i da prapa bigbos blo dem sip. God i bin mekem kamlaipgen bikoz prom blad blo em wen em i bin ded, ane dat blad blo em i bin meke niu strong griment midel wea God ane ol pipol blo em. Dis strong griment i go mata go poeba i kan pinis. Ane dat paua, da truglori blo God i go mata stap lo Zizas Kraist poeba ane eba. Amen.

Leta po Ibrupipol 7:2

Den Eibram i bin gibe em wanten blo ebridem samting wea em i bin win prom pait gense dem nada plenti king. Da neim Melkizadek i min ‘king blo mata meke raitting ane pis’, ane king blo Salem i min ‘king blo pis’.

Buk baut Rut 2:4

Wail Rut i bin wok, Boaz i bin mangi prom Betliem. Em i bin grite ol wokman blo em diskain, ‘Da AntapGod i de wea yupla.’ Dempla ansarem, ‘Da AntapGod blese yu tu.’