Namba 2 leta po Sos blo Tesalonika 1:5 - Torres Strait Creole (Yumplatok)

⁵ God i bin luk ol dem adting ane dem trabol wea yupla i bin go tru ane demting go soe da gud zazmentwei blo God. Ane God i go soem dat yupla bin prapa prube yuplaselp dat yupla gudnap po go insaid da ples wea em go ruloba ebriwan.

Namba 2 leta po Sos blo Tesalonika 1:5 ပူးပေါင်းရင်းမြစ်များ

Luk tokbaut Zizas 20:35

Bat wen ebribodi go kambaigen laipwan, dempla uda go gede dat gud niulaip nogo maret.

Luk tokbaut Zizas 21:36

Yupla lugaut ane kip prea po God po gibe yupla strong, sole yupla ken kipgo tru ol demting wanem i go apen. So apta demting, yupla ken stanap stret, prant wea mi, da Truwan blo Man.’

Pas misnare wok 13:46

So Pol ane Banabas i bin spik prapa strong. Demtu bin spik, ‘Mitu sabe mitu mas pas spik dem wod blo God po yupla ol Zuwispipol. Bat yupla ol Zuwispipol no wande bilib diswan i tru. Yupla zaze yuplaselp dat yupla i nugud. So yupla nogo gad longlaip poeba wea eben. Wel orait. Mitu go go nau, go po dem pipol uda Nozuwispipol.

Pas misnare wok 14:22

De wea ol dem ples wea demtu i bin go, demtu i bin inkariz ol dem biliba de po mata pole Zizas. Demtu bin spik, ‘Yumpla mas go sapa ol prapa adting po da BosLod, bipo yumpla go insaid dat ples wea God i ruloba ebriwan.’

Leta po Sos blo Rom 2:5

Bat bikoz prom yupla i stronged, at blo yupla i no sabe stap prom kip meke sin. Yupla i go gede nadakain nugud bigpanis po yuplaselp lo zazmentdei wen God i go zaze yupla wea rait ane stretwei lo ebriting yupla bin mekem.

Leta po Sos blo Rom 8:17

Ane i tru, yumpla ol pikinini blo God. Yumpla go sere ol gudting blo em ane dem blesing tu tugeda wea Kraist, bikoz ebridem ona em bin gibe Boi blo em, i blo yumpla tu. Ane ip yumpla i wande sere dat nadakain bigpaua blo em, yumpla mas go tru dem trabol tu seimkain wiskain Kraist i bin go tru.

Leta po Sos blo Episis 4:1

Ai ya insaid zeilaus. Ai sebant blo Kraist ane ai mata mekem wanem em wandem. Bikoz prom diswan, ai bege yupla po stap wea dat seimwei wea God wen em bin pas seibe yupla.

Leta po Sos blo Pilipi 1:28

Yupla mas no pil akan prom dem enami. Bikoz ip yupla no soe akan, diswan i gobi sain po dempla dat dempla go smas, ane God i go meke yupla win ane yupla gobi seib.

Leta po Sos blo Kolosi 1:12

Ane yupla mas eso PapaGod, bikoz em nau bin meke yupla rait wea em ane em go gibe yupla dem gudting wea em bin promis ol oli pipol blo em uda stap wea dat lait blo em.

Namba 1 leta po Sos blo Tesalonika 2:14

Ane nau ol amenpamle, kantriman blo yupla de wea Tesalonika i bin trite yupla wea prapa nugudwei. Wa, dem trabol wea yupla i bin gedem i bin dem seimkain trabol wiskain dem amenpamle wea sos blo God lo Zudia i bin gedem. Bikoz ol i bilib wea Zizas Kraist, dempla ol i bin gad trabol tu prom kantriman blo dempla, dem Zuwispipol.

Namba 2 leta po Sos blo Tesalonika 1:11

Wa, miplatri kip prea po yupla solong yupla go mata pole wei blo God ane yupla gobi gudnap po em. Ane mipla prea tru paua blo God, yupla go kip bilib ane meke ol gudting.

Namba 2 leta po Timoti 2:12

Ip yumpla go tru olkain trabol, wa, yumpla go rul tugeda wea em. Ip yumpla i spik yumpla no sabe em, wa, em go spik em no sabe yumpla tu.

Rebaleisan - end blo ebriting 15:4

AntapGod, mata yuselp yu oli. Ebribodi prapa rispekt yu ane liptemap neim blo yu. Ebri kantri lo dis wold i go kam ane wosip prant lo yu, bikoz ebribodi i bin luk dem rait ane stretwei blo yu.’

Rebaleisan - end blo ebriting 16:7

Ane gen ai bin lisen bois i kam prom olta diskain: ‘Wa! Yu LodGod, da Strong AntapGod. Wei blo yu po zaz, i tru ane stret ebritaim!’

Rebaleisan - end blo ebriting 19:2

Demwei blo em po zaz, i ebritaim tru ane stret. God bin pinis zaze dis strong nugudoman ya uda i slipraun wea olkain man po mani. Dis oman bin spoile dis wold wea ol dem nugud sekssin blo em. God em i bin panse dis oman ya bikoz em i bin kile dem wokman blo God.’

Rebaleisan - end blo ebriting 3:4

‘Bat i gad sam yupla de lo Sadis uda i no meke nugudting, uda stil stap klin wea mi. Dempla mata go were wait kaliko ane ol i go wagbaut tugeda wea mi. Dempla gad dat rait.