Namba 2 leta po Sos blo Korint 6:18 - Torres Strait Creole (Yumplatok)

¹⁸ Ai gobi PapaGod blo yupla ane yupla i gobi ol boi ane ol gel pikinini blo mi. Ai da Strong AntapGod ya spik demkain.’

Namba 2 leta po Sos blo Korint 6:18 ပူးပေါင်းရင်းမြစ်များ

Zenasis - Stat blo ebriting 17:1

Wen Abram bin kese 99 iya oul, da AntapGod i bin kam ane soe emselp po em. Da AntapGod i bin spik po em, ‘Ai da Strong AntapGod. Yu mas meke ebriting wea i rait prant lo mi ane no meke eni nugudting.

Zenasis - Stat blo ebriting 48:3

Ane Zekop i bin spik po Zosep diskain, ‘Strong AntapGod i bin soe emselp po mi lo da ples blo Luz lo dat lan blo Kanan, ane em bin blese mi de.

Zon tokbaut Zizas 1:12

Bat po ebridem pipol uda i bin teke em insaid lo at ane i mata bilib wea neim blo em, wa, em i go gibe dempla da rait po kam ol pikinini blo God.

Leta po Sos blo Rom 8:19

Ebridem samting wea God i bin mekem wase san, mun, sta ane ol nadating, i de weit po da taim wen God i go soe demting po ol dem pikinini blo em.

Leta po Sos blo Rom 8:29

God i bin sabe uda ol dem pipol blo em de pas, ane em bin suze demwan ane meke dempla kam, seimkain wase Boi blo em Zizas Kraist. Em bin wande Boi blo em, Zizas po bi da pasbon pikinini blo em, prom ol nada big pamle blo em bikoz Zizas em da prapa nambawan boi blo God.

Leta po Sos blo Galasia 3:26

I prom bilib blo yumpla lo Zizas Kraist, yumpla i nau kam pikinini blo God.

Leta po Sos blo Episis 1:5

God bin meke plan de pas bipo em bin meke da wold po adopte yumpla kam ol prapa pikinini blo em, tru da laip blo Zizas Kraist. God i bin meke diswan prom da prapa glad blo em wiswei em bin wandem.

Rebaleisan - end blo ebriting 1:8

Da LodGod em i spik, ‘Ai da paswan bipo ebri samting ane ai da laswan biain ebri samting ya. Ai da wan uda i ya nau, ane da seimwan i bin de pas ane da seimwan uda i go kam, da Strong AntapGod.’

Rebaleisan - end blo ebriting 21:22

Bat ai no bin luk eni tempol insaid lo dis siti, bikoz da LodGod, da Strong AntapGod ane da Smolsip, demtu i da tempol blo da siti.

Rebaleisan - end blo ebriting 21:7

Dempla uda i win ane obei mi, dempla i go gede ebridem gudsamting prom mi, ane ai gobi God blo dempla, ane dempla i gobi pikinini blo mi.’