Namba 2 leta po Sos blo Korint 6:16 - Torres Strait Creole (Yumplatok)

¹⁶ Wiskain diswan nau, da tempol blo God i go zoin wea dem laigod? Nono, i kan! Ai tok diskain bikoz yumpla i da tempol blo da God uda i blo gibe laip. Bikoz God bin spik lo Baibol diskain: ‘Ai go stap wea dempla ane meke ol samting seimkain wiskain dempla i mekem. Ai gobi da God wea dempla i wosip ane dempla i gobi ol pipol blo mi.

Namba 2 leta po Sos blo Korint 6:16 ပူးပေါင်းရင်းမြစ်များ

Matiu tokbaut Zizas 16:16

Saiman Pita i bin ansa, ‘Yu da Promiswan uda God i bin sanem, Boi blo da God uda i laip.’

Matiu tokbaut Zizas 6:24

‘Nobodi i ken meke wok po tu bos. Bikoz em go laik da wan bos, ane em no go laik da nadawan. Ip yupla wande kam wokingman blo God, wel, i seimkain tu. Yupla kan meke wok blo God ane meke mani bos blo yupla da seimtaim tu.

Luk tokbaut Zizas 5:36

Den Zizas i bin yan dempla dis stori wea i gad mining. ‘Nobodi teke niu kaliko po pasem wea oul kaliko, bikoz yupla sabe da niu kaliko go brok tu. Dat pis prom da niu kaliko, em no gobi seimkain wase da oul kaliko.

Zon tokbaut Zizas 14:23

Zizas spik demkain po em, ‘Ip enibodi i labe mi den dempla i go mekem wanem dem mesiz blo mi i spik ane PapaGod blo mi i go labe dempla tu. Ane mitu go kam po dempla ane go mata stap ya wea dempla.

Zon tokbaut Zizas 6:56

Ebriwan uda i kaikai mit blo bodi blo mi ane dringk blad blo mi, i wea mi ane ai wea dempla.

Leta po Sos blo Rom 8:11

So da Spirit blo God uda i bin meke Zizas kambaik laipgen prom ded, em i stap insaid yupla tu. Ane dis seim Spirit uda i bin meke Zizas kambaik laipgen prom ded, i go gibe laipgen po dem bodi blo yupla apta wen yupla i ded.

Leta po Sos blo Rom 8:9

Bat yupla nomo stap wea diskain nugudlaip nau. Yupla nomo pole dem nugud ubi blo yupla. Yupla pole da OliSpirit nau bikoz da Spirit blo God i stap insaid laip blo yupla. Dempla uda i nogad da Spirit blo Kraist, dempla no blo Kraist.

Leta po Sos blo Rom 9:26

Ane prom da seim buk blo Ozeia: ‘Ai God ya spik po yupla, “Yupla uda i no pipol blo mi”, ai bin pinis spik po yupla nau de lo dat ples, disting go apen wea dat seim ples nau, “Yupla kam nau. Yupla ol pikinini blo mi. Ai da prapa trulaip God.” ’

Namba 1 leta po Sos blo Korint 10:21

Yupla kan wantaim dringk prom da kap blo da BosLod ane dringk prom da kap blo ol debolspirit. Yupla kan wantaim kaikai prom da teibol blo da BosLod ane prom da teibol blo ol debolspirit.

Namba 1 leta po Sos blo Korint 6:19

Yupla sabe a, bodi blo yupla i aus blo da OliSpirit uda i stap insaid yupla ane God i bin gibem po yupla. God i bos blo yupla

Leta po Sos blo Episis 2:20

Yupla laip i wase aus wea i bildem antap wea dat paundeisan blo dem misnareman blo Zizas ane dem spesilmesizman blo God. Ane Kraist Zizas emselp i da meintimba wea em meke da aus stanap strongwan.

Leta po Sos blo Episis 2:22

Bikoz prom Kraist, yupla ol Nozuwispipol, yupla nau i ol pipol blo Kraist. Yupla laip i kam nau wase wan aus wea i bin meke yupla po gro tugeda po kam wan aus blo God, dat ples wea da Spirit blo God i stap.

Leta po Sos blo Episis 3:17

Ai wantaim prea po God dat Kraist i go mata stap wea at blo yupla bikoz yupla i mata bilib wea Kraist. Ane ai prea dis lab yupla gad i go kip gro kam mostrong kese da biglab blo God.

Namba 1 leta po Timoti 3:15

bikoz ip ai teke longtaim ane stil no kam de po luk yu, yu go sabe wiskain ol pamle blo God mas mekem. Dem amenpamle i da sos blo God. Ane dem pamle blo God i da strong post wanem i mata kare da trutok baut Zizas Kraist.

Namba 2 leta po Timoti 1:14

Wea da elp blo da OliSpirit uda stap insaid laip blo yumi, prapa lugaut dem gudsamting wea God i bin gibem po yu po lugaut.

Leta po Ibrupipol 3:6

Kraist nau em i da tru wokman blo God. Em da bos blo yumpla ebribodi. Ip yumpla i kip bilib ane mata stap strong po Kraist, den yumpla i go stap ol pamle blo God.

Leta po Ibrupipol 8:10

Da AntapGod i bin spik: Diswan gobi niu strong griment wea ai go mekem wea dem pipol blo Izrael, apta dat dei de i go kam. Ai go pute dem tising blo mi lo sens blo dempla, so dempla go sabe. Ane ai go raitem lo at blo dempla so dempla go meke demting. Ai gobi God blo dempla ane dempla i gobi pipol blo mi.

Leta prom Zemes 4:5

Wa, yupla tingk dem wod ya blo God i kasa, nono. Dem wod i spik, ‘Da OliSpirit, wea God i bin mekem po stap insaid yumpla, em prapa wande yumpla po stap mata po God.’

Namba 1 leta prom Pita 2:5

Lete God zoine yupla wase ston wea i gad laip, po kam tugeda wase tempol blo God. Ane zob blo yupla i po bi oli prist blo em ane po meke spesil opring prom spirit blo yupla po meke em api bikoz prom Zizas Kraist.

Namba 1 leta prom Zon 4:12

Nobodi i bin luk God. Bat ip yumpla i lab wananada, God i stap insaid lo laip blo yumpla, ane laip blo yumpla i go mata pulap soe dat lab blo God.

Namba 1 leta prom Zon 4:15

Ebri demwan uda i spik prant dat Zizas i Boi blo God, demwan i gad God stap lo laip blo dempla, ane dempla tu stap tugeda lo God.

Rebaleisan - end blo ebriting 2:1

Dis man em i kip spik, ‘Raite dis leta po einzel blo sos de lo Episis. Dis mesiz i kam prom da man uda i kare dem seben sta lo raitan blo em, da seimwan uda i wagbaut melen lo dem seben gold lampstan:

Rebaleisan - end blo ebriting 21:3

Nau ai bin lisen bois i singaut kam prom dat tron, ane em bin singaut laudwan diskain, ‘Luk, God em i stap wea ebridem pipol blo em nau. Em i go stap lo dempla ane dempla nau i gobi pipol blo em. God emselp, em i go stap wea dempla ane em nau gobi God blo dempla.

Rebaleisan - end blo ebriting 21:7

Dempla uda i win ane obei mi, dempla i go gede ebridem gudsamting prom mi, ane ai gobi God blo dempla, ane dempla i gobi pikinini blo mi.’