Namba 2 leta po Sos blo Korint 5:8 - Torres Strait Creole (Yumplatok)

⁸ Yumpla i gad strong bilib ane prapa wande diswan ya, po no stap wea dis bodi ya, bat yumpla prapa pil api po go ane stap wea dat ples wea da BosLod i stap.

Namba 2 leta po Sos blo Korint 5:8 ပူးပေါင်းရင်းမြစ်များ

Matiu tokbaut Zizas 25:21

‘So da bos i bin spik po em, “Yu bin meke prapa gudting ane yu prapa sabe po meke ol smol samting kam big. Nau, ai prapa trase yu. Yu go lugaut ol prapa big samting nau blo mi. So nau kam, yumi go meke pisting.”

Matiu tokbaut Zizas 25:23

‘Den da bos i bin spik dem seimtok po em wanem em bin spik po da pas wokman.

Luk tokbaut Zizas 2:29

Em bin spik: ‘AntapGod, bos blo ebriting, yu bin kipe yu promis po mi. Yu ken lete mi ded nau wea pis.

Zon tokbaut Zizas 12:26

Enibodi uda i wande mekem wanem ai spik, mas mata kam ane pole mi. Ane wea ai stap, ol sebant blo mi i go stap de wea mi tu. Ip enibodi i mekem wanem ai spik, PapaGod i go gibe dempla spesil ona.

Zon tokbaut Zizas 14:3

Wen ai go pinis meke dat ples stret po yupla ebriwan, ai go kambaik ane teke yupla. Wea ai go stap, yupla i go stap de tu wea mi.

Zon tokbaut Zizas 17:24

PapaGod, ai prapa wande ebri demwan wea yu bin gibem po mi, po stap wea ai go stap, solong dempla i go luk da big ona wea yu bin gibem po mi, bikoz yu bin prapa labe mi de pas bipo i bin gad dis wold.

Pas misnare wok 21:13

Bat Pol i bin spik po mipla, ‘Ei, wanem yupla krai po. Yupla meke mi prapa nadakain sore. Yupla mekem ad po mi. Nomata, ai wiling po go po zeilaus po da BosLod Zizas. Ai redi po ded wea Zarusalem po em.’

Namba 2 leta po Sos blo Korint 5:6

So nau yumpla mata pil strong nomata yumpla i stil ya wea dis bodi wea dis wold, ane stap ausaid prom dat ples wea da BosLod Zizas i stap.

Namba 2 leta po Sos blo Korint 5:9

So yumpla mas wok ad po plize em nomata yumpla i stap ya wea dis bodi o no stap wea dis bodi.

Namba 1 leta prom Zon 3:2

Wa mai amenpamle, yumpla ya nau ol pikinini blo God, ane yumpla no sabe wiskain yumpla gobi. Bat yumpla sabe dat wen Kraist i go kambaigen yumpla gobi prapa wase em.

Rebaleisan - end blo ebriting 22:3

Bat demting wea God i no laik, em i no lau po stap insaid lo dis siti ya. Da tron blo God ane blo da Smolsip, em i go stap nau insaid lo dis siti ya. Ane ebridem wokman blo God go mata wosip em.