Namba 2 leta po Sos blo Korint 5:19 - Torres Strait Creole (Yumplatok)

¹⁹ So nau bikoz God i stap wea laip blo Kraist, em i meke ebri pipol po kam ol pren blo em. God i nomo kaunte aumas nugudting ebri pipol bin mekem solong po panis dempla. Ane dis prapa gud mesiz, God i bin gibem po mipla po pris po ol pipol so ol i ken kam ol pren blo God.

Namba 2 leta po Sos blo Korint 5:19 ပူးပေါင်းရင်းမြစ်များ

Matiu tokbaut Zizas 1:23

‘Luk! Da oman uda prapa no sabe slip lo man em go gad pamle! Em go bone boi pikinini, ane demtu i go neim em Imanuel. Dis neim i min “God i ya midel lo yumpla”.’

Zon tokbaut Zizas 14:20

Wea dat dei bambai, yupla i go sabe ai wea PapaGod blo mi ane yupla wea mi ane ai wea yupla.

Zon tokbaut Zizas 17:23

Ai wea dempla ane yu PapaGod wea mi. Yumpla ebriwan i wan. I diskain ya solong ebridem pipol blo dis wold i go prapa sabe yu bin sane mi kam, ane dempla i go luk yu prapa labe dempla seimkain wiskain yu labe mi.

Leta po Sos blo Rom 11:15

God i bin tanewei prom Izrael bikoz dempla nomo bin wande pole em. God i bin meke ol nada pipol blo da wold uda i bin ol enami blo em de pas, nau kam ol pren blo em. Wel tingk nau wiskain wen God i go teke Izrael kambaigen po emselp. I gobi demkain wase ol ded pipol i kambaik laipgen prom ded.

Namba 1 leta po Sos blo Korint 13:5

Lab i soe rispekt po ebribodi, lab i no mata meke samting po emselp, lab i no wail kuikwan ane lab i no sabe kipe ol rongting insaid.

Leta po Sos blo Kolosi 2:9

Bikoz ebriting blo God i stap wea Kraist ane ebriting blo Kraist i stap wea God.

Namba 1 leta po Timoti 3:16

Diswan i mina trutok. Dis sikret blo da trutok wanem yumpla i mata bilib wea Zizas Kraist, i diskain ya: Zizas bin soe emselp wea bodi blo man ane da Spirit blo God i bin prubem, Zizas i da Boi blo God. Ol einzel i bin luk em, ane plenti pipol bin prisbaut Zizas po ol neisin. Pipol prom ebri kantri bin bilib wea em ane den God bin soem ona wen em bin tekem gobaik antap po eben.

Namba 1 leta prom Zon 4:10

Mining blo prapa lab i diskain ya. Nomata ip yumpla i no labe God, bat God i prapa lab yumpla, daswai em bin sane Boi blo em kam po ded lo da kros, diswan i da sakripais po tekemaut ol sin blo yumpla.