Namba 2 leta po Sos blo Korint 4:18 - Torres Strait Creole (Yumplatok)

¹⁸ Wa. So yumpla mas no woribaut dem trabol wea yumpla ken luk nau. Nono! Yumpla mas luk go po demting wea yumpla no luk yet lo ai blo yumpla. Bikoz dem trabol wea yumpla ken luk lo ai, i mata stap po sottaim. Bat dem gudting wea yumpla no luk yet lo ai, i go stap poeba.

Namba 2 leta po Sos blo Korint 4:18 ပူးပေါင်းရင်းမြစ်များ

Matiu tokbaut Zizas 25:46

‘So nau God i go panse dempla poeba. Bat dem rait ane stret pipol blo God i go mata gede longlaip poeba.’

Namba 2 leta po Sos blo Korint 5:7

Yumpla i meke ol samting bikoz prom bilib wea Kraist, no bikoz yumpla bin luk wea ai pas, ane den bilib wea em apta.

Namba 2 leta po Sos blo Tesalonika 2:16

Miplatri prea da BosLod Zizas Kraist emselp ane PapaGod i go kese yumpla klostu ane meke yumpla strong wea ebridem gudting wea yumpla i mekem ane spik. God labe yupla ane wea dat spesilpeiba blo em, em i go gibe yupla ol gudting poeba ane em go inkariz yupla poeba.

Leta po Ibrupipol 11:1

Wanem i min po bilib wea God? I min diskain, yumpla mas sabe dem gudting wea yumpla i go lukpowad po, i go prapa apen. God i go gibe yumpla dem gudting wea em i bin promis po yumpla. Yumpla i kan luk ol demting nau, bat i go apen bambai.

Leta po Ibrupipol 11:13

Ol dem pipol uda bin bilib lo God raitap antil dempla i bin ded, dempla no bin gede ebridem samting wea God i bin promis. Bat ol i bin mata lisenbaut dem promis blo God longtaim bipo, dat dem promis i go apen ane dempla bin prapa glad. Ane ol i bin gri dat dempla i bin ol streinza ane bizita ya wea dis ert.

Leta po Ibrupipol 9:11

Wea nadawei nau, Kraist i bin pinis kam Bosprist oba ol dem rait ane gudting wanem i de antap lo eben. Em bin go insaid lo da prapa Olitent wea eben wea i no bin mekem wea an blo man ane i no pat blo dis wold. I bin olredi stap de oltaim.

Namba 1 leta prom Zon 2:25

Ane dis pelosip i wanem PapaGod i bin promis po yumpla, diswan i longlaip poeba.