Namba 2 leta po Sos blo Korint 13:11 - Torres Strait Creole (Yumplatok)

¹¹ Ol mai labing bala ane sisi, ai go yawo yupla diskain. Mata stap wea apiwei. Seinze wei blo yupla. Elpe wananada. Stap wea wanwei po meke ol samting ane stap wea pis. Den da God uda blo gibe lab ane pis blo em, em go stap wea laip blo yupla.

Namba 2 leta po Sos blo Korint 13:11 ပူးပေါင်းရင်းမြစ်များ

Zenasis - Stat blo ebriting 37:4

Bat wen dem bala blo Zosep bin luk papa blo dempla i bin mina laik Zosep moden dem ebri bala blo em, dempla bin prapa no laik em, ane kan tok naiswei po em.

Zenasis - Stat blo ebriting 45:24

Zosep bin yawo dem bala blo em, ane bin tok strong po dempla diskain, ‘No graul lo wananada lo da ran.’

Matiu tokbaut Zizas 1:23

‘Luk! Da oman uda prapa no sabe slip lo man em go gad pamle! Em go bone boi pikinini, ane demtu i go neim em Imanuel. Dis neim i min “God i ya midel lo yumpla”.’

Matiu tokbaut Zizas 5:48

Bat yupla mas bi prapa nadakain klin, seimkain wase PapaGod blo yupla de antap lo eben uda i nogad not wan dati.’

Mak tokbaut Zizas 10:49

Wen Zizas bin lisen em, em bin stap prom wagbaut ane em bin spik, ‘Singaut em kam ya!’ So dempla bin singaut diskain po da blainman, ‘Ei yu, Batimas! Gedap kam ya. Zizas i singaut po yu.’

Mak tokbaut Zizas 9:50

Solt i gud antap wea kaikai, bat ip da solt i luze tes i gobi nugud. Laip blo yupla mas bi wase gud solt, gud. Bat ip yupla no kip da gudwei, yupla go luzem wase solt i nogad tes. So yupla mas pole da gudwei ane meke pis wea wananada.’

Luk tokbaut Zizas 9:61

Nadawan bin spik, ‘Wa, ai go pole yu BosLod, bat yu lete mi go pas po yawo pamle blo mi.’

Zon tokbaut Zizas 17:23

Ai wea dempla ane yu PapaGod wea mi. Yumpla ebriwan i wan. I diskain ya solong ebridem pipol blo dis wold i go prapa sabe yu bin sane mi kam, ane dempla i go luk yu prapa labe dempla seimkain wiskain yu labe mi.

Pas misnare wok 15:29

No kaikai eniting ol i bin opa po dem kabing blo ol dem laigod bikoz i no oli. No kaikai eni animal demwan bin strangol ane no kaikai mit i gad blad. No meke olkain sekssin wase slip wea pikinini, man wea man, oman wea oman, o slipraun nomata yupla maret o no maret. Ip yupla lisen po demting, den ebriting i gobi gud po yupla. Mipla spik blesing blo God i stap wea yupla nau. Yawo.

Pas misnare wok 18:21

Em bin spik dempla em mas kipgo, bat em bin spik diskain po dempla, ‘Ip God i go laue mi, ai go kambaigen po yupla.’ So em bin libe Prisila ane Akila de ane em bin go wea bot.

Pas misnare wok 23:30

Ai bin paindaut sam Zuwisman i bin meke plan po kile em. So ai bin sane em go po yu stretwei. Ai bin spik dem Zuwisman uda gad samting gense Pol po go ripot wea yu baut demting.

Leta po Sos blo Rom 12:16

Wa, yupla mas trite ebribodi seimkainwei. Yupla mas no tingk yupla i mobeta den ol nada pipol. Yupla mas miks wea olkain pipol nomata dempla i impotant o no impotant, ane yupla mas no tingk yupla sabe ebriting.

Leta po Sos blo Rom 12:18

Yupla mas kipe da pis midel wea ebribodi.

Leta po Sos blo Rom 14:19

Yumpla mas prapa meke pis wea ebribodi insaid lo sos ane meke ebriting wanem i go elpe dempla po meke bilib blo dempla kam strong.

Leta po Sos blo Rom 15:13

Ai prea aske God po elpe yupla so yupla go gad strong bilib ane gobi prapa nadakain api. Ane yupla go stap wea pis bikoz yupla bilib wea em. Den da OliSpirit i go gibe yupla prapa strongpaua po mata bilib so yupla nogo gad daut dem gudting i go apen.

Leta po Sos blo Rom 15:33

Ai prea po God po stap de wea yupla ane gibe yupla ebriwan pis. Amen.

Leta po Sos blo Rom 16:20

God uda gibe pis em i go smase Satana nadakain. Em i go mekem poldaun andanit wea leg blo yupla. Ane da spesilpeiba blo yumpla BosLod Zizas bi de wea yupla ebriwan.

Namba 1 leta po Sos blo Korint 1:10

Nau mai sospamle, ai tok po yupla wea da neim blo yumpla BosLod Zizas Kraist. Yupla ebriwan mas no graul gense wananada. Yupla mas meke pis solong yupla nogo splitap wananada. Ai bege yupla gar, pliz yupla mas gad wan sens, wan tingking ane wan ubi.

Namba 2 leta po Sos blo Korint 1:4

Em meke yumpla at gud prom atso prom ol dem trabol yumpla i gad. Ane i diskain solong yumpla tu i ken meke dem pipol at gudgen prom olkain trabol dempla i gad. Wen dempla i gad trabol, yumpla i ken meke dempla at gud wea da seim gudwei wea God i bin gibem po yumpla.

Namba 2 leta po Sos blo Korint 13:14

Lete da spesilpeiba blo da BosLod Zizas Kraist blo yumpla, ane da lab blo God, ane da pelosip blo da OliSpirit, i mata stap wea laip blo yupla.

Namba 2 leta po Sos blo Korint 13:9

Nomata mipla i slaik, bat mipla i gad apipiling wen yupla i strong. Mipla i prea aske God dat laip blo yupla i go gro po mekem wanem da trutok baut Kraist i spik po mekem.

Leta po Sos blo Episis 4:12

Kraist i bin mekem demkain ya solong dem pipol wea em i bin gibe dempla gipt, dempla go lane dem nada pipol blo God po meke wok wanem God i wandem, ane meke bilib blo ol pipol kam mostrong uda i pat blo da bodi blo Kraist.

Leta po Sos blo Episis 4:3

Yupla i mas ebritaim trai po meke ol samting tugeda wea da paua blo da Spirit blo God, ane yupla i mas mata stap tugeda wea gudwei.

Leta po Sos blo Episis 6:23

Ai prea po God uda i PapaGod ane da BosLod Zizas Kraist po gibe pis ane strong lab po yupla ol amenpamle, ane gibe yupla da sabe blo mata bilib wea Kraist.

Leta po Sos blo Pilipi 1:27

Bat nomata wanem i apen po mi, yupla mas stap oli po da wei wiskain da Gudniuz baut Kraist i spik, wase dem pipol blo eben. Ip ai go kam po yupla, o no go kam, o lisenbaut wiswei yupla stap, ai go sabe yupla i prapa elpe wananada po stanap strong po da Gudniuz.

Leta po Sos blo Pilipi 3:16

Yumpla mas obei da truwei wea God i bin pinis lane yumpla.

Leta po Sos blo Pilipi 4:2

Nau ai spik po demtu oman de wea Pilipi, Yuodia ane Sintiki. Bikoz yutu blo da BosLod, yutu mas meke pis wea wananada.

Leta po Sos blo Pilipi 4:4

Ebritaim mata stap api bikoz yupla blo da BosLod. Wa, ai spik gen po yupla, mata stap api.

Leta po Sos blo Pilipi 4:9

Kip meke demting wea yupla bin lan, luk ane lisen wanem ai bin mekem. Ane God uda gibe pis blo em, em go stap wea yupla.

Namba 1 leta po Sos blo Tesalonika 3:10

Naittaim ane deitaim miplatri i prea po God po yupla prom at blo mipla. Mipla wande luk yupla gen ane po tise yupla mo ting po elpe yupla po mata bilib wea Kraist Zizas.

Namba 1 leta po Sos blo Tesalonika 4:1

Mai lastok ya ol amenpamle! Miplatri spik yupla wea da neim blo da BosLod Zizas po prapa pole da wei blo plize God wiskain mipla bin lane yupla. Ane yupla pinis meke diswan. Mipla inkariz yupla po meke diswan gen ane gen.

Namba 1 leta po Sos blo Tesalonika 4:18

Prapa tru, yupla i kip meke wananada pil strong wea dem wod ya ai bin spik.

Namba 1 leta po Sos blo Tesalonika 5:13

Ane yupla mas prapa gad obamak rispekt po dempla ane gibe dempla olgeda lab blo yupla bikoz prom dem wok wea dempla i mekem. Ane yupla mas gad pis melen yuplaselp.

Namba 1 leta po Sos blo Tesalonika 5:16

Ebritaim yupla mas mata stap api.

Namba 1 leta po Sos blo Tesalonika 5:23

Miplatri prea po God, da God blo pis go meke yupla laip ane bodi klin ane nogad no bleim, solong yupla go mata stap lo em. Miplatri prea dat inaman blo yupla, ane sens blo yupla, ane bodi blo yupla i go stap seip, i go gad nating rong wen BosLod blo yumpla Zizas Kraist i go kambaigen.

Namba 2 leta po Sos blo Tesalonika 2:16

Miplatri prea da BosLod Zizas Kraist emselp ane PapaGod i go kese yumpla klostu ane meke yumpla strong wea ebridem gudting wea yumpla i mekem ane spik. God labe yupla ane wea dat spesilpeiba blo em, em i go gibe yupla ol gudting poeba ane em go inkariz yupla poeba.

Namba 2 leta po Sos blo Tesalonika 3:1

Mai lastok, ol amenpamle, ai aske yupla po prea po miplatri gar. Prea da mesiz baut da BosLod Zizas Kraist i go pres kuikwan go ausaid ane ol pipol i go lisen ane mekem ane ol go bilib da mesiz wea dat seimkain rispekt wen da mesiz baut da BosLod i bin kam pas po yupla.

Namba 2 leta po Sos blo Tesalonika 3:16

Wagar! Da BosLod blo pis i gibe yupla pis nomata wanem apen. Mipla prea God go oltaim stap wea yupla.

Namba 2 leta po Timoti 2:22

Stap longwei prom olkain nugudting wea ol yangman i ebritaim laik po mekem. Pole demting wanem i go elpe yu po meke ol samting wanem God i wandem. Ebritaim mata bilib, soe lab ane ebritaim soe pis. Ane meke pren wea demwan uda wosip da BosLod prom klin at.

Leta po Ibrupipol 12:14

Trai prapa ad po stap wea kuaiatwei ane gudat wea ol pipol, ane wok prapa ad po stap klin no meke sin, bikoz ip pipol i stap lo sin dempla prapa nogo luk God.

Leta po Ibrupipol 13:20

Ai prea solong da God blo pis, i go gibe yupla ebridem gudting yupla i go nidem, solong yupla i ken meke demting wanem em i wandem. God i da wan uda i bin meke da BosLod Zizas kambaik laipgen prom ded. Zizas, em i da BosLod blo yumpla uda i da prapa bigbos blo dem sip. God i bin mekem kamlaipgen bikoz prom blad blo em wen em i bin ded, ane dat blad blo em i bin meke niu strong griment midel wea God ane ol pipol blo em. Dis strong griment i go mata go poeba i kan pinis. Ane dat paua, da truglori blo God i go mata stap lo Zizas Kraist poeba ane eba. Amen.

Leta prom Zemes 1:4

Ane yupla mas kip mekem, solong yupla gobi mostrong, den yupla gobi prapa redi po eniting wanem i go kam.

Namba 1 leta prom Pita 3:11

Tanewei prom meke ol nugud samting, ane mata meke ol gudsamting. Stap wea kuaiatwei ane kipe pis wea ebriwan.

Namba 1 leta prom Pita 3:8

Lastok ya. Yupla ebriwan i mas gad pis ane sorewei po wananada. Yupla mas prapa labe wananada wase bala ane sisi. Yupla mas gad gudat ane prapa ambol yuplaselp.

Namba 1 leta prom Pita 5:10

Apta wen yupla i bin gad atso prom dem trabol po sotwail, God i go meke yupla gudgen. Em go elpe yupla ane meke yupla kam nadakain strong lo bilib wea em. Bikoz prom dat prapa gudpasin blo God, em i singaut yupla po stap lo da sainilait, dat truglori blo em wea i mata go poeba bikoz prom mata bilib lo Zizas Kraist.

Rebaleisan - end blo ebriting 22:21

Da spesilpeiba blo da BosLod Zizas i go stap lo yupla uda lisen ane pole da wei blo BosLod Zizas. Amen.