Namba 2 leta po Sos blo Korint 10:6 - Torres Strait Creole (Yumplatok)

⁶ Apta wen yupla i prapa mekem wanem Kraist i wandem, den mipla i go stanap ane panis ebri demwan uda i kip meke rongting.

Namba 2 leta po Sos blo Korint 10:6 ပူးပေါင်းရင်းမြစ်များ

Leta po Sos blo Rom 2:23

Yupla blou yuplaselp dat yupla sabe dem lo blo God, bat wea da seimtaim yupla prapa daune God bikoz yupla no mekem wanem dem lo blo God i spik, wase dempla uda Nozuwispipol.

Namba 1 leta po Sos blo Korint 4:21

Wanem yupla wande mi po mekem? Ai go kam bizit yupla kare stik po prapa strete yupla, o ai go kam wea lab blo tok naiswei? Wiswei yupla tingk a?

Namba 2 leta po Sos blo Korint 13:10

Ai raite demting ya bipo ai go kam de po yupla, so yupla go strete yuplaselp bipo ai kesem de. Den ai nogo nid po graule yupla. Ai kare lo blo God wea em i bin gibe mi po elpe yupla po kam ol strong Kristian, no po daune yupla.

Namba 2 leta po Sos blo Korint 13:2

Wen ai bin de wea yupla lo da sekan taim, ai bin tok prapa strongwan po dempla uda bin kip meke sin gense God. Ane wen ai go kam gen po bizit yupla ai go wone dempla gen ane ebridem nada pipol. Wa, ai nogo stape maiselp prom mata graule dempla, po meke dempla pil smol.

Namba 2 leta po Sos blo Korint 2:9

Ai bin raitem wea da las leta po yupla, po luk ip yupla bin meke ebriting wea yupla spostu mekem.

Namba 2 leta po Sos blo Korint 7:15

Dat lab wea Taitas i gad po yupla i bin kam mobig. Em mata tokbaut wiswei yupla i bin soe prapa rispekt po em ane meke ol samting bikoz yupla bin mata lisen po em.

Namba 1 leta po Timoti 1:20

Dis tu man ya ai tokbaut, Amenaias ane Alikzanda, demtu i bin meke prapa nugudting gense God, so ai bin gibe demtu po Satana solong demtu go sabe i no lau po daune God.

Namba 3 leta prom Zon 1:10

Wen ai go kam de po bizit yupla, ai go spik yupla baut dem stupittok ane dem laitok wanem Diotrepes i bin spikbaut mipla. Wa, nadating. Em no bin welkam ol dem sos tisa uda kam prom ol nada ples, ane em i spik ol Kristian de tu no po elpe dempla. Ip sam dempla i elpe dem tisa, Diotrepes i seswei dempla prom da sos de.