Namba 2 leta po Sos blo Korint 10:1 - Torres Strait Creole (Yumplatok)

¹ Wanem ai go spik nau i diswan. Ai Pol, i aske yupla po lisen gar, wea dat seimkain gudpasinwei ane ambolwei wea Kraist i mekem. Wen ai de wea yupla, ai prapa ambol maiselp bat wen ai no de wea yupla, ai raite dem leta wea prapa strongwei ya po yupla.

Namba 2 leta po Sos blo Korint 10:1 ပူးပေါင်းရင်းမြစ်များ

Matiu tokbaut Zizas 11:29

Mata meke wok blo mi, ane lane demting wea ai bin mekem. Ebritaim ambol yuplaselp ane ebritaim meke samting wea gudwei. Wen yupla i go mekem demkain, yupla i go gede longlaip poeba.

Matiu tokbaut Zizas 21:5

‘Spik po dem pipol blo Izrael diskain: “Luk, king blo yupla ya kam po yupla. Em no sabe praud. Em raidantap dongki, raidantap lo yang dongki.” ’

Pas misnare wok 8:32

Da man bin rid wea Aizaia i bin raitem: ‘Em bin wase sip dempla bin tekem go po da ples po kilem. Em wase smolsip i no meke noiz wen dempla kate eya blo em, em no bin tok.

Leta po Sos blo Rom 10:20

Den longtaim apta nau, Aizaia i bin tok strong diskain baut wanem God i bin spik: ‘Ol pipol i go paine mi nomata dempla no bin lukraun po mi, ane ai go soe maiselp po ol pipol, nomata dempla no bin askem po mi.’

Leta po Sos blo Rom 12:1

Mai sospamle, ai bege yupla. Yupla mas gibe yuplaselp olgeda po God bikoz prom da prapa gudpasinwei blo God. So yupla mas gibe laip blo yupla wase oli opring sakripais po God. Yupla mas mata stap lo datwei ane yupla go meke em prapa api. Wen yupla meke diskain nau, yupla wosip God wea da prapa truwei.

Leta po Sos blo Rom 15:15

Bat ai raite dis leta po yupla po tingbaut sam demting. Ai bin mekem bikoz God i bin soe spesilpeiba po mi,

Namba 1 leta po Sos blo Korint 2:3

Ane wen ai bin bizit yupla, ai bin slaik nogad no strong ane ai bin nadakain seik prom prait.

Namba 1 leta po Sos blo Korint 4:10

Yupla i tingk mipla wase ol stupit pipol bikoz mipla i ol sebant blo Kraist, ane yupla tingk yupla gad gudsens. Yupla tingk mipla i slaik nogad no strong, ane yupla tingk yupla i nadakain impotant ane ol pipol i go mata rispekt yupla, bat nogo rispekt mipla.

Namba 1 leta po Sos blo Korint 4:21

Wanem yupla wande mi po mekem? Ai go kam bizit yupla kare stik po prapa strete yupla, o ai go kam wea lab blo tok naiswei? Wiswei yupla tingk a?

Namba 2 leta po Sos blo Korint 10:10

Sam pipol i spik diskain, ‘Wanem Pol i raitem wea leta i prapa strong tok, ane i prapa ite at, meke at blo mipla ebi. Bat truwan, wen em wea mipla, em i prapa slaik ane tok blo em i prapa nogad sens!’

Namba 2 leta po Sos blo Korint 10:2

Ai aske yupla wea gudwei diskain ya, wen ai gobi de wea yupla ai nogo tok po yupla wea prapa strongwei. Bat ai tingk ya, ai go prapa stanap strong gense dem pipol uda i spik mipla ol misnareman i stap wiswei dem pipol blo dis wold i stap.

Namba 2 leta po Sos blo Korint 10:7

Da polt yupla i gad, i dat yupla meke main blo yupla prom mata luk ol samting mata wea ai blo yupla. Bat ip enibodi i prapa bloubaut dat em blo Kraist, wel, yupla mas tingbaut tu, mipla i blo Kraist seimkain wiskain em blo Kraist.

Namba 2 leta po Sos blo Korint 11:21

Ai tok diskain bikoz ai sem ya, mipla ol misnareman tu i slaik nogad no strong po meke demting! Bat nomata wanem samting wea enibodi i go bloubaut, wa, ai go tok ya wase ai wan sili man. Ai go wantaim bloubaut dem seimkain ting tu.

Namba 2 leta po Sos blo Korint 11:30

Ip ai mas prapa blou, ai go mata bloubaut demting wea i soem wiskain ai mina slaik, nogad no strong.

Namba 2 leta po Sos blo Korint 12:5

Diskainting nau ai ken prapa bloubaut, bat ai nogo bloubaut dat ai bin go eben. Bat truwan, ai go prapa bloubaut demting wea i mata meke mi slaik.

Namba 2 leta po Sos blo Korint 3:12

Prom datting nau, yumpla mas mina nadakain bilib wanem God i spik i go apen, i go apen. So yumpla gad strong nau po tok, nogad no prait.

Namba 2 leta po Sos blo Korint 5:20

Wel mipla sapot Kraist ane mipla ya stanap mesizman blo em. Ane God i soe mipla po spik yupla wase Kraist emselp i tok, ‘Yupla plizgar, seinze laip blo yupla nau ane kam ol pren blo God.’

Namba 2 leta po Sos blo Korint 6:1

Bikoz mipla i wok tugeda po meke wok blo God, mipla i spik yupla diskain ya, yupla no meke dat gudpasin blo God wase i nating.

Namba 2 leta po Sos blo Korint 7:4

Ai tok po yupla bikoz ai bilib lo yupla ane ai prapa bloubaut yupla. Yupla bin meke mi nadakain api nomata mipla bin gad ol trabol.

Leta po Sos blo Galasia 4:13

Yupla tingbaut de pas, ai bin sik wen ai bin kesem de wea yupla. Daswai ai bin gad sans po pris da gudniuz po yupla.

Leta po Sos blo Galasia 5:2

Lisen, ai Pol ya, ai spik yupla disting. Ip yupla i gobaik po dem lo wea i spik po kate poskin po meke yuplaselp rait wea God, den Kraist em kan elpe yupla.

Leta po Sos blo Episis 3:1

Ai Pol ya insaid wea zeilaus bikoz ai sebant blo Kraist Zizas. Ai mata mekem wanem em i wandem. Dempla i bin pute mi ya prom dat wok wea ai bin mekem wea dem Nozuwispipol.

Leta po Sos blo Episis 4:1

Ai ya insaid zeilaus. Ai sebant blo Kraist ane ai mata mekem wanem em wandem. Bikoz prom diswan, ai bege yupla po stap wea dat seimwei wea God wen em bin pas seibe yupla.

Leta po Sos blo Pilipi 4:5

Soe ebribodi da gudpasin blo yupla. No piged da BosLod i go kambaigen sun.

Leta po Sos blo Kolosi 1:23

Yupla mas mata kip bilib lo Kraist ane mata stap strong po dat bilib lo Kraist. Ane yupla mas no lete eniting lide yupla go nadawei prom da promis wea God i bin gibem po yupla wen yupla i bin lisen dat Gudniuz. Ane dis Gudniuz nau wea yupla i bin lisen, i bin prisem po ebridem pipol blo ebri kantri blo da wold. Ane God i bin meke mi Pol, po meke wok blo em.

Namba 2 leta po Sos blo Tesalonika 3:17

Mi, Pol ya. Ai spik alo po yupla. Ai bin raite dis laspat blo dis lete wea an blo mi. Ai oltaim mekem diskain so yupla go sabe dis leta i prom mi.

Leta po Pilemon 1:19

Diswan mi ya Pol, ai ya raite dis promis wea mai oun an, ane ai go pei yu baik ebriting. Ane ai nogo spik yu dat yu oue mi laip blo yu.

Leta po Pilemon 1:9

Bat prom dat lab blo yumi, ai go mata aske yu disting ya po mi. Ai oulman nau ya insaid lo zeilaus bikoz prom prise da gudniuz baut Zizas Kraist.

Namba 1 leta prom Pita 2:11

Mai bala ane sisi, yupla i streinza ane ausaid pipol. So ai wone yupla po stap longwei prom nugudwei bikoz demting i pait gense spirit blo yupla.

Rebaleisan - end blo ebriting 1:9

Mi, ai Zon, bala blo yupla, bikoz yumpla ebribodi bilib wea Zizas. Yumpla ebribodi i go stanap tugeda strong lo Zizas. Yumpla go sapa olkainting, ane yumpla gobi de insaid wea dat ples wea God i ruloba ebribodi. Bikoz ai bin goed pris ane tokbaut God ane ebridem trutok baut Zizas, ol i bin pute mi lo smol ailan ya blo Patmos wea i wase zeilaus.