Namba 2 leta po Sos blo Korint 1:4 - Torres Strait Creole (Yumplatok)

⁴ Em meke yumpla at gud prom atso prom ol dem trabol yumpla i gad. Ane i diskain solong yumpla tu i ken meke dem pipol at gudgen prom olkain trabol dempla i gad. Wen dempla i gad trabol, yumpla i ken meke dempla at gud wea da seim gudwei wea God i bin gibem po yumpla.

Namba 2 leta po Sos blo Korint 1:4 ပူးပေါင်းရင်းမြစ်များ

Zon tokbaut Zizas 14:16

Ai go prea aske PapaGod po gibe yupla sambodi uda i go prapa elpe yupla ane go mata stap wea yupla.

Zon tokbaut Zizas 14:18

Ai nogo libe yupla yuplaselp, ai go kambaik po yupla.

Zon tokbaut Zizas 14:26

Bat da wan uda i go prapa elpe yupla, da OliSpirit wea PapaGod i go sanem kam wea neim blo mi, em go tise yupla ebriting ane em i go meke yupla po mata tingbaut po ol dem tok wanem ai bin spik po yupla.

Namba 2 leta po Sos blo Korint 7:13

Bikoz prom dem seinz wea laip blo yupla, mipla bin pil nadakain prapagud. Nomata mipla bin pilgud, bat mipla bin nadakain api wen mipla bin luk Taitas. Ane Taitas i bin nadakain api tu. Em bin yan wiskain yupla wea Korint i bin mina welkam em ane nau at blo em i prapa gud ane redi po kip meke dis wok.

Namba 2 leta po Sos blo Korint 7:4

Ai tok po yupla bikoz ai bilib lo yupla ane ai prapa bloubaut yupla. Yupla bin meke mi nadakain api nomata mipla bin gad ol trabol.

Leta po Sos blo Pilipi 1:14

Ane plenti amenpamle uda i blo da BosLod i bin kam strong prom mi ya insaid wea zeilaus, so dempla mata tok dem wod blo Kraist nadakain strong, nogad akan.

Namba 1 leta po Sos blo Tesalonika 4:18

Prapa tru, yupla i kip meke wananada pil strong wea dem wod ya ai bin spik.

Namba 1 leta po Sos blo Tesalonika 5:11

Prapa tru, yupla mas tok gudwei po wananada. Meke bilib blo wananada po kam mostrong seimkain wiskain yupla i mekem nau.

Leta po Ibrupipol 12:12

Yupla no stap slaik, bat mata stap strong.