Namba 2 leta po Sos blo Korint 1:20 - Torres Strait Creole (Yumplatok)

²⁰ Ebridem promis blo God i kam bikoz prom wanem Kraist i bin mekem. Wa, i truwan. So yumpla ken spik ‘Amen’, wen yumpla bloubaut God, spik God i nadakain gud.

Namba 2 leta po Sos blo Korint 1:20 ပူးပေါင်းရင်းမြစ်များ

Zenasis - Stat blo ebriting 22:18

Tru ol pamlelain blo yu, God i go blese ebridem pipol wea ert bikoz yu bin mina prapa lisen po mi.’

Zenasis - Stat blo ebriting 3:15

Prom distaim nau yu ane da oman i gobi ol enami. Ane pikinini blo yu ane pikinini blo em i gobi ol enami tu. Pamlelain blo em i go smase ed blo yu, ane yu go baite put blo pamlelain blo em.’

Zenasis - Stat blo ebriting 49:10

Da paua blo da king i nogo kamaut prom yu Zuda, ane da rait po kare lo antap, i nogo kamaut prom ol pamlelain blo yu, antil dat taim wen da wan uda i go kam, bikoz i blo em. Em da wan wea ebri pipol i go ona em.

Matiu tokbaut Zizas 6:13

Pliz elpe mipla so mipla nogo gibap ane meke ol nugudting, bat elpe mipla prom no pole dat nugudwan. Da ples wea yu ruloba ebribodi, da prapa bigpaua blo yu, ane prapa big preiz, i mata blo yu poeba. Amen.

Luk tokbaut Zizas 2:14

‘Preize da AntapGod uda stap wea eben, ane pis wea ebriwan uda plize em.’

Zon tokbaut Zizas 1:17

Dem lo blo God i bin gibem po Mozes po yumpla. Bat spesilpeiba blo God ane trutok baut God i bin kam tru laip blo Zizas Kraist.

Zon tokbaut Zizas 14:6

Zizas i bin spik po em, ‘Ai nau da wei po sabe da trutok baut PapaGod, ane ai da wan uda gibe trulaip po ebribodi. Nobodi i ken kam po PapaGod, mata demwan uda sabe mi i ken kam po PapaGod.

Zon tokbaut Zizas 3:5

Zizas i bin ansa Nikadimas, ‘Ai spik trutok po yu. Nobodi i ken go ane stap wea dat ples wea God i ruloba ebribodi. Em ken mata go de wen em i bon prom wata ane prom da OliSpirit blo God.

Leta po Sos blo Rom 11:36

Ebriting i kamaut prom AntapGod bikoz prom da paua blo em. Ebriting i po soe da bigpaua blo em ane ona em poeba! Amen.

Leta po Sos blo Rom 6:23

Ai tok diskain po dem pipol uda i kip meke nugudting. Dempla go gede pei wase wokman ane da pei blo dempla i ded poeba. Bat dempla uda pas klostu wea Zizas, God go gibe dempla dat pri gipt, i longlaip poeba prom BosLod blo yumpla, Zizas Kraist.

Namba 1 leta po Sos blo Korint 14:16

Ip yupla i go mata preize God wea spirit blo yupla, wiskain nau enibodi go sabe yupla preize God ane go zoin wea yupla? Wiskain nau dempla i go zoin wea yupla po eso God ip dempla no sabe wanem yupla spik?

Namba 2 leta po Sos blo Korint 4:15

Ebriting wanem i apen po mipla i po elpe yupla. Ane i apen diskain solong dis spesilpeiba blo God i go teke mo ane mo pipol kam po sabe Kraist. Den plenti mo pipol i go eso God ane gibe ona po God dat em nadakain gud.

Namba 2 leta po Sos blo Korint 4:6

Bikoz God bin spik diskain ya, ‘Lait, yu kamaut nau midel wea da daktaim.’ Ane God bin meke lait blo em po laitap at blo yumpla wea lait. Wa, em gibe yumpla da sabe blo dis lait, diswan da truglori blo God wea yumpla luk em wea pes blo Zizas Kraist.

Leta po Sos blo Galasia 3:22

Bat Baibol i spik, sin i kese yumpla ebriwan wase prizina insaid zeilaus, so da wanwei po gede dat promis blo God, i po mata bilib lo Zizas Kraist.

Leta po Sos blo Episis 1:6

So yumpla preize God po da spesilpeiba blo em wea em bin gibem po yumpla bikoz yumpla i blo dat Boi nau.

Leta po Sos blo Episis 2:7

So God i go ebritaim spik em bin soe yumpla da prapa obamak spesilpeiba ane gudpasin blo em po yumpla uda i blo Kraist Zizas.

Leta po Sos blo Kolosi 1:27

God i bin glad po soe dis sikret trutok, dis Gudniuz po yupla ol Nozuwispipol. Ane wanem dis Gudniuz a? I Zizas Kraist uda i stap insaid laip blo yupla, dem Nozuwispipol. Ane tru Kraist nau, yupla sabe yupla i go stap wea dat prapa gudlaip blo God.

Namba 2 leta po Sos blo Tesalonika 1:10

lo dat seimtaim wen Zizas Kraist go kambaik prom eben. Em go sain wea nadakain braitlait blo God ane ebriwan uda bilib ane pole em, dempla i go ona ane preiz em tu. Yupla gobi insaid lo dat grup blo ol dem pipol tu bikoz yupla i bin bilib dem tok blo mipla.

Leta po Ibrupipol 11:13

Ol dem pipol uda bin bilib lo God raitap antil dempla i bin ded, dempla no bin gede ebridem samting wea God i bin promis. Bat ol i bin mata lisenbaut dem promis blo God longtaim bipo, dat dem promis i go apen ane dempla bin prapa glad. Ane ol i bin gri dat dempla i bin ol streinza ane bizita ya wea dis ert.

Leta po Ibrupipol 13:8

Tingbaut diswan ya. Zizas Kraist i da seim, yestidei, tidei ane poeba.

Leta po Ibrupipol 7:6

Bat Melkizadek, em no iben pamlelain blo Libai, bat em i bin teke wanten blo ebriting prom Eibram ane em bin blese Eibram tu, da wan uda i bin pinis gede dem promis prom God.

Namba 1 leta prom Pita 1:12

God i bin soe dem spesilmesizman dat demting i nogo apen lo laiptaim blo dempla, bat plenti iya apta lo laiptaim blo yupla. Tru da paua blo da OliSpirit blo God wea God i bin sanem kamdaun prom eben, dempla i bin tokbaut dis seim Gudniuz baut Kraist, ya nau yupla i lisen. Ane i prapa nadakain gud tu, ol dem einzel i prapa wande luk demting wanem i apen nau.

Namba 1 leta prom Zon 5:11

Ane diswan ya i wanem God i bin spik. Em i bin gibe yumpla gipt, longlaip poeba, ane dis longlaip poeba i kam prom Boi blo em.

Rebaleisan - end blo ebriting 3:14

Dis man i bin kip spik, ‘Raite dis leta po einzel blo sos de lo Ladasia. Dis mesiz i kam prom da man uda da Truwan, ane em kan tan go nadawei prom yumpla. Ane em da man blo mata tok stret ebridem wod blo God. Em i nau bos blo ebridem samting God i bin mekem:

Rebaleisan - end blo ebriting 7:12

Dempla ebribodi i spik diskain, ‘Eso gar! God blo mipla, mipla preize yu ane liptemap neim blo yu. Mipla spik eso po yu ane wosip yu. Mipla preize yu po da big paua blo yu ane da big strong blo yu, ane bikoz yu sabe ebriting. Demting ya i go mata kipgo, no sabe pinis. Amen!’