Namba 1 leta po Sos blo Tesalonika 5:7 - Torres Strait Creole (Yumplatok)

⁷ Dem pipol uda slip ol i slip wea naittaim, ane dem pipol uda spak, ol i kam spak wea naittaim.

Namba 1 leta po Sos blo Tesalonika 5:7 ပူးပေါင်းရင်းမြစ်များ

Zon tokbaut Zizas 2:10

ane spik po em diskain, ‘Mai pren. Wea ol maret pisting, ol pipol i gede gudtes wain po dringk pas, den apta i gibe dempla dem nugud tes wain bikoz dempla i drongk. Bat yu bin kipe prapa gudtes wain po ya nau.’

Pas misnare wok 2:15

Yupla tingk dempla spak a? Bat i no tru, bikoz diswan i nain aklok moningtaim.

Leta po Sos blo Rom 13:13

Yumpla mas soe olkain gudpasinwei. Mata spik wea ol truwei. Stap wea da gudwei wea ebribodi i ken luk ane gri dat laip blo yumpla i prapa rait ane gud. Yupla mas no spak ane meke ol stupitting. Yupla mas no broke maretlo o slipraun. Ip yupla no maret, yupla mas no slipraun tu. Yupla mas no pait ol nada pipol o meke ol nugudting. Yupla mas no ebritaim graul ane zeles wananada.

Namba 1 leta po Sos blo Korint 15:34

Yupla mas tingk stret ane stap nomo meke sin. Ai spik diskain po meke yupla pil sem bikoz sam prom yupla i no sabe nating baut God.

Leta po Sos blo Episis 5:14

Bikoz ebridem samting blo dak wea dempla i mekem, i go soem kliawan prom da lait. Sambodi i bin raitem diskain: ‘Gedap, yupla uda slip, gedap prom stap ded. Kraist go meke lait blo em, po laitap wea yupla laip.’

Leta po Sos blo Episis 5:18

Wa, yupla mas no kam spak prom dringk wain bikoz demkainwei i mata go po meke yupla laip kam nugud. Bat yupla mas lete da paua wea i kam prom da OliSpirit po pilemap yupla.

Namba 2 leta prom Pita 2:13

Da damiz dempla go gedem, i riwod blo dempla po dem prapa nugudting wea dempla i bin mekem po ol nada pipol. Dem laitisa prapa laik po meke dem prapa nugudting wea deilait. Dempla meke yupla prapa nadakain sem ane pil nadakain nugud ane dempla i kip meke demting nomata wen dempla i kaikai tugeda wea yupla.