Namba 1 leta po Sos blo Tesalonika 5:23 - Torres Strait Creole (Yumplatok)

²³ Miplatri prea po God, da God blo pis go meke yupla laip ane bodi klin ane nogad no bleim, solong yupla go mata stap lo em. Miplatri prea dat inaman blo yupla, ane sens blo yupla, ane bodi blo yupla i go stap seip, i go gad nating rong wen BosLod blo yumpla Zizas Kraist i go kambaigen.

Namba 1 leta po Sos blo Tesalonika 5:23 ပူးပေါင်းရင်းမြစ်များ

Luk tokbaut Zizas 1:46

Den Meri i bin spik diskain: ‘At blo mi i singaut preiz po God.

Zon tokbaut Zizas 17:19

Ai prapa meke maiselp da oli sakripais po yu, solong dem klostuman tu ken prapa gibe demplaselp po yu.’

Pas misnare wok 20:32

‘So nau ai go libe yupla wea God. Em gad prapa gudpasin po yupla. Da mesiz blo da spesilpeiba blo God i go meke yupla strong ane em go gibe ebriting wanem em i bin promis po ol dem biliba uda pole wei blo em.

Pas misnare wok 26:18

Ai sane yu go po elpe dem pipol po opene main blo dempla so dempla ken sluraun prom dat dakwei blo Satana po da lait, da wei blo God. Den God go pogibe dempla ane meke dempla pikinini blo em.”

Leta po Sos blo Rom 15:13

Ai prea aske God po elpe yupla so yupla go gad strong bilib ane gobi prapa nadakain api. Ane yupla go stap wea pis bikoz yupla bilib wea em. Den da OliSpirit i go gibe yupla prapa strongpaua po mata bilib so yupla nogo gad daut dem gudting i go apen.

Leta po Sos blo Rom 15:33

Ai prea po God po stap de wea yupla ane gibe yupla ebriwan pis. Amen.

Leta po Sos blo Rom 15:5

Ai prea aske God gar po gibe yupla kuaiatwei po kipgo ane meke wananada strong ane po stap tugeda wea gudwei. Ebriwan i mas gad seimkainwei wea wananada wase Zizas Kraist i bin gad.

Leta po Sos blo Rom 16:20

God uda gibe pis em i go smase Satana nadakain. Em i go mekem poldaun andanit wea leg blo yupla. Ane da spesilpeiba blo yumpla BosLod Zizas bi de wea yupla ebriwan.

Namba 1 leta po Sos blo Korint 1:2

Mitu raite dis leta po da sos blo God wea da siti blo Korint. Mitu raitem po dem pipol uda God i bin suzem po bi oli pipol blo em, seimkain wiskain God i bin meke ol nada pipol wea nada ples po bi oli pipol blo em, ane i po ebriwan uda spik dat Zizas em BosLod blo yumpla ane BosLod blo dempla.

Namba 1 leta po Sos blo Korint 1:30

Mata God i bin meke yumpla blo Kraist. Tru Kraist, God i bin gibe yumpla prapa gudsens blo em. God i bin meke yumpla rait wea em, tru Kraist. Tru Kraist, God i bin meke yumpla klin ane oli ane pri prom sin.

Namba 1 leta po Sos blo Korint 14:33

God i God blo pis, em no God blo meke samting mesap. So i mas gad pis wea ebridem sos blo God.

Namba 2 leta po Sos blo Korint 5:19

So nau bikoz God i stap wea laip blo Kraist, em i meke ebri pipol po kam ol pren blo em. God i nomo kaunte aumas nugudting ebri pipol bin mekem solong po panis dempla. Ane dis prapa gud mesiz, God i bin gibem po mipla po pris po ol pipol so ol i ken kam ol pren blo God.

Leta po Sos blo Pilipi 1:10

Den yupla go prapa sabe wanem i prapa impotant so yupla go mata stap wea klin gudlaip antil Kraist i go kambaigen.

Leta po Sos blo Pilipi 1:6

Ai mina sabe disting ya, God uda bin state dis gudwok wea laip blo yupla, em go kip meke dis wok antil em go pinisem lo dat dei wen Kraist Zizas i go kambaigen.

Leta po Sos blo Pilipi 4:9

Kip meke demting wea yupla bin lan, luk ane lisen wanem ai bin mekem. Ane God uda gibe pis blo em, em go stap wea yupla.

Leta po Sos blo Kolosi 1:22

Bat God i bin meke yupla kam ol pren blo em bikoz prom da bodi blo Kraist wiskain em i bin ded lo da kros. I demkain solong God i go meke laip blo yupla klin ane gud, nogad no rongting prant lo em.

Namba 1 leta po Sos blo Tesalonika 2:19

Wanem ting i bin gibe mipla bilib ane apipiling? I yupla! Ane wanem ting i da riwod mipla go gedem po dat wok mipla bin mekem? I yupla! Yupla bin meke mipla prapa nadakain api. Wen da BosLod Zizas i go kambaigen, mipla go spik em baut ol dem gudting yupla bin mekem.

Namba 1 leta po Sos blo Tesalonika 3:11

Wagar! Miplatri prea po God blo yumpla. Em i PapaGod blo yumpla ane yumpla BosLod Zizas po meke da rod stret po mipla po kam po luk yupla.

Namba 1 leta po Sos blo Tesalonika 3:13

Ai prea diskain ya, po da BosLod po meke yupla at strong, solong yupla laip i gobi stret, wea nobodi i kan bleime yupla ane yupla gobi oli prant wea PapaGod blo yumpla, lo dat taim wen yumpla BosLod Zizas i go kambaigen wea ebri demwan uda i blo em.

Namba 1 leta po Sos blo Tesalonika 4:3

Wa! Diswan i ubi blo God dat laip blo yupla i mata stap oli ane yupla prapa mas no meke olkain sekssin ane no slipraun.

Namba 1 leta po Sos blo Tesalonika 5:22

Stap longwei prom ebridem nugudting.

Namba 2 leta po Sos blo Tesalonika 3:16

Wagar! Da BosLod blo pis i gibe yupla pis nomata wanem apen. Mipla prea God go oltaim stap wea yupla.

Leta po Ibrupipol 13:20

Ai prea solong da God blo pis, i go gibe yupla ebridem gudting yupla i go nidem, solong yupla i ken meke demting wanem em i wandem. God i da wan uda i bin meke da BosLod Zizas kambaik laipgen prom ded. Zizas, em i da BosLod blo yumpla uda i da prapa bigbos blo dem sip. God i bin mekem kamlaipgen bikoz prom blad blo em wen em i bin ded, ane dat blad blo em i bin meke niu strong griment midel wea God ane ol pipol blo em. Dis strong griment i go mata go poeba i kan pinis. Ane dat paua, da truglori blo God i go mata stap lo Zizas Kraist poeba ane eba. Amen.

Leta po Ibrupipol 2:11

Demwan uda Zizas i prapa kline dempla prom dem nugudwei, dempla i gad da seim PapaGod nau. Daswei Zizas i no sem po kole dempla bala ane sisi blo em.

Leta po Ibrupipol 4:12

Da wod blo God i gad obamak stronglaip ane paua wea i wok insaid laip blo yumpla ane dem wod blo God i nadakain sap. I mosap den eni nadakain sap sod, ane i kate yumpla go raitdaun po tase da batam pat blo at, da tingking ane da bilib blo yumpla wea i meke yumpla po sabe wea yumpla meke rong.

Leta prom Zemes 1:4

Ane yupla mas kip mekem, solong yupla gobi mostrong, den yupla gobi prapa redi po eniting wanem i go kam.

Namba 1 leta prom Pita 1:2

God bin suze yumpla de longtaim bipo. Ane God bin meke yumpla oli prom da paua blo da OliSpirit, solong po mata mekem wanem Zizas Kraist i wandem, den yumpla i go kam klin prom da blad blo Kraist. Ai prea po God po gibe yupla spesilpeiba ane pis, mo ane mo.

Namba 1 leta prom Pita 5:10

Apta wen yupla i bin gad atso prom dem trabol po sotwail, God i go meke yupla gudgen. Em go elpe yupla ane meke yupla kam nadakain strong lo bilib wea em. Bikoz prom dat prapa gudpasin blo God, em i singaut yupla po stap lo da sainilait, dat truglori blo em wea i mata go poeba bikoz prom mata bilib lo Zizas Kraist.

Namba 2 leta prom Pita 3:14

Wail yupla weit po demting po apen, yupla i mas ebritaim trai prapa ad po mata weit wea kuaiatwei wea laip blo yupla. Yupla mas prapa no meke no rongting, ane yupla nogad no bleim prant wea God, ane yupla gad pis wea God.

Leta prom Zud 1:1

Diswan mi ya Zud, wan sebant blo Zizas Kraist ane bala blo Zemes. Ai raite dis leta po dem pipol wea God i bin meke dempla kam ol pipol blo em, wea em i prapa labe dempla, ane Zizas Kraist i kip stanap prant po lugaut dempla.

Leta prom Zud 1:24

Ane nau, mata ol ona ane paua i stap wea God, uda i ken stape yumpla prom poldaun, ane uda i go teke yumpla kam insaid po dat brait sainilait blo em, wea yumpla nogad no sin ane gad prapa nadakain apipiling.