Namba 1 leta po Sos blo Tesalonika 5:20 - Torres Strait Creole (Yumplatok)

²⁰ Yupla mas no sakwei ol mesiz blo God wea da OliSpirit i bin soem po dempla uda melen lo yupla.

Namba 1 leta po Sos blo Tesalonika 5:20 ပူးပေါင်းရင်းမြစ်များ

Pas misnare wok 13:1

De wea da grup blo dem klostuman dempla bin gad ol spesilmesizman ane tisa wea da sos blo Antiok. Neim blo dempla, Banabas, Simion, pleineim blo em Simion Blaikman, ane Lusias prom Sairini ane Saulu, ane Manion uda bin klostupren blo King Erod Antipas prom wen em bin smol.

Pas misnare wok 19:6

Den Pol i bin pute an antap ed blo dem tuelb pipol de ane da OliSpirit i bin kamdaun ane tekoba dempla. Da OliSpirit i bin meke dempla tok ol dipren langus wea dempla no bin sabe, ane dempla i bin spik ol mesiz prom God.

Namba 1 leta po Sos blo Korint 11:4

Eni man uda kabare ed blo em wail em prea o pris, em daune Kraist.

Namba 1 leta po Sos blo Korint 12:10

Po nada Kristian, God i gibe da paua po meke ol mirikal apen ane po nadawan God i gibe da sabe po pris ol mesiz blo em. Po nada Kristian, God i gibe ol sabe po sestaman prapa ip da mesiz i tru ane ip i blo God o ip datwan i dipren spirit. Ane po nadawan po tok dipren langus wea dempla no sabe dat langus, ane nadawan po eksplein da mining blo dem dipren langus.

Namba 1 leta po Sos blo Korint 12:28

Diswan i list blo sam dem dipren wok wea da bodi blo Kraist i ken mekem: Paswan, ol misnareman, sekanwan, ol pipol uda spik da mesiz blo God, namba tri, ol tisa, den dem pipol God i bin gibe dempla da paua po meke mirikal, demwan uda ken ile dem sikpipol, demwan uda ken elpe ol nadawan, demwan uda ken gaide ol nada pipol po wok tugeda, demwan uda ken spik dipren langus wea dempla no sabe da mining.

Namba 1 leta po Sos blo Korint 13:2

Ane ip ai gad da sabe wea God i gibem blo prise ol mesiz wanem God i wandem, ane da sabe wanem ebri big sikret i min, ane da sabe wanem ebri sabebaut ebriting i min, ane ip ai mata bilib ai ken oda ol maunten po mub go nada ples, bat ip ai nogad no lab, ai nating.

Namba 1 leta po Sos blo Korint 13:9

Diskaintaim, yumpla mata sabe lelbet ane dem mesiz prom God yumpla mata sabe lelbet tu.

Namba 1 leta po Sos blo Korint 14:1

Meke lab da nambawan ting wea laip blo yupla ane yupla ken aske da Spirit po dem spesil gipt tu, bat ip yupla wande gipt i mobeta po askem po da gipt blo prise mesiz blo God.

Namba 1 leta po Sos blo Tesalonika 4:8

Wa! Demwan uda puse dis tising blo God go wansaid, em no puse tising blo man go wansaid bat em puse God go wansaid, ane God em da wan uda i gibe yumpla da OliSpirit blo em.

Namba 1 leta prom Zon 4:1

Mai labing bala ane sisi, yupla i mas no bilib ebridem pipol uda i spik dat dempla spik lo da OliSpirit. Teste dempla pas po paindaut ip dat spirit blo dempla i blo God. Ai spik diskain ya bikoz tumas ol laimesizman i bin go ebriwea, spik lai po plenti pipol wea da wold.