Namba 1 leta po Sos blo Tesalonika 5:10 - Torres Strait Creole (Yumplatok)

¹⁰ Zizas i bin ded po yumpla solong yumpla ken stap wea em poeba, nomata ip yumpla i ded o laip wen em i go kambaigen.

Namba 1 leta po Sos blo Tesalonika 5:10 ပူးပေါင်းရင်းမြစ်များ

Matiu tokbaut Zizas 20:28

Seimkain wase mi da Truwan blo Man. Ai no bin kam po meke ol pipol po wok po mi. Ai bin kam po meke wok po dempla ane po ded po dempla.’

Zon tokbaut Zizas 10:11

‘Ai da prapa gudman uda lugaut ol sip. Da gudman blo lugaut ol sip i redi po sakripais laip blo em po ded po dem sip.

Zon tokbaut Zizas 10:15

Wa, wea seimkainwei tu, PapaGod i prapa sabe mi ane ai prapa sabe PapaGod. Ai meke laip blo mi po ded po dem sip.

Zon tokbaut Zizas 10:17

‘Ai tok diskain bikoz PapaGod i prapa labe mi, daswai ai meke laip blo mi po ded solong ai go kambaigen laipgen.

Zon tokbaut Zizas 15:13

I nogad no lab big wase wan man uda gibe em laip po ded po ol pren blo em.

Leta po Sos blo Rom 8:34

God i bin suze yumpla so uda go panis yumpla? Nobodi, bikoz Zizas Kraist bin ded po yumpla, ane God i bin meke em gedap laipgen prom ded. Em de nau wea da ples blo ona, da raitansaid blo God ane em i prea po God po yumpla.

Namba 1 leta po Sos blo Korint 15:3

Ai bin lane yupla dat prapa impotant samting wanem ai bin lan, i dat Kraist i bin ded po sin blo yumpla wiskain Baibol i bin spik,

Namba 2 leta po Sos blo Korint 5:15

Wa, Kraist i bin ded po ebri pipol, solong dempla i go pole niulaip blo em, ane dempla nomo go stap po plize demplaselp. Dempla go mata plize Kraist uda bin ded, ane uda bin gedap laipgen ane nau em i mata stap laip poeba po dempla.

Namba 2 leta po Sos blo Korint 5:21

Kraist prapa no sabe meke sin, bat God i bin meke em po bi wan opring po dem nugudting wea yumpla i bin mekem. I demkain solong Kraist i go meke yumpla laip stret wea God bikoz prom dat opring wea em i bin mekem.

Leta po Sos blo Episis 5:2

Kraist i wase wan banopring, mekem po God wea i gad prapa naissmel ane wen God i luk ane smel dat sakripais, em i nadakain api. So nau, yumpla mas mata stap wea dat laip blo labe wananada, seimkainwei wase Kraist i bin soe dat lab po yumpla.

Namba 1 leta po Sos blo Tesalonika 4:13

Ane nau ol amenpamle, ai wande yupla po sabe wanem i go apen po dem amenpamle uda i ded solong yupla nogo gad tumas atso wase dem pipol uda no bilib wea Zizas.

Namba 1 leta po Sos blo Tesalonika 4:15

Ai spik yupla dis tok stret prom da BosLod. Yumpla uda i stil laip wen da BosLod i go kambaigen, yumpla i nogo go antap pas po mitem, bat demwan uda i bin ded i go go pas po mite em.

Namba 1 leta po Sos blo Tesalonika 4:17

Den apta, yumpla ol dem amenpamle uda i stil laip wea dat taim, ol go wantaim kam tugeda wea dem paswan. Ol yumpla go go antap wea dem klaud po mite da BosLod de wea da skai. Ane yumpla gobi wea da BosLod poeba.

Namba 1 leta po Sos blo Tesalonika 5:6

Wa, yumpla mas no pole ol nada pipol uda tumas slip, bat yumpla mas stap weik ane tingk stret wea gudsens.

Namba 1 leta po Timoti 2:6

Ane God i bin sane Zizas kam wea da raittaim, po gibe laip blo em po ded, po aing wea kros po seibe ebri pipol blo dis wold.

Namba 2 leta po Timoti 2:11

Dis tok ya ai spik i mina trutok: Ip yumpla i ded tugeda wea Kraist, wa, yumpla go wantaim stap laip tugeda wea Kraist.

Leta po Taitas 2:14

Zizas Kraist i bin gibe laip blo em po meke yumpla pri prom olkain sin, po kline yumpla ane po meke yumpla kam ol pipol blo em po mata wande meke ebriting mata wea raitwei blo em.

Namba 1 leta prom Pita 2:24

Wen Zizas Kraist i bin ded, em bin kare ebridem sin blo yumpla wea oun bodi blo em lo da kros, so yumpla i kan ded nau prom dem sin bat mata stap wea rait wei. Yupla i bin kamgud nau prom dem badting wea em i bin sapa.

Namba 1 leta prom Pita 3:18

Kraist i bin gad nadakain atso tu prom ol trabol wen em bin ded wantaim po ol dem rongting wea ol pipol i bin mekem. Em no bin meke no wan sin, bat em bin ded po ebribodi solong em ken teke yupla kam seipwan po God de wea eben. Pipol i bin kile bodi blo em bat God i bin meke em gedap laipgen.