Namba 1 leta po Sos blo Tesalonika 4:9 - Torres Strait Creole (Yumplatok)

⁹ Nau ai go tokbaut lab blo amenpamle. Ai no nid nobodi po raitem po yupla bikoz yupla sabe yuplaselp. God i bin tise yupla po sabe wiskain po labe wananada.

Namba 1 leta po Sos blo Tesalonika 4:9 ပူးပေါင်းရင်းမြစ်များ

Matiu tokbaut Zizas 22:39

Da sekan lo i prapa impotant wase da pas lo: “Labe kantriman blo yupla wiskain yupla labe yuplaselp.”

Zon tokbaut Zizas 14:26

Bat da wan uda i go prapa elpe yupla, da OliSpirit wea PapaGod i go sanem kam wea neim blo mi, em go tise yupla ebriting ane em i go meke yupla po mata tingbaut po ol dem tok wanem ai bin spik po yupla.

Pas misnare wok 4:32

Da bigmob pipol uda bin bilib wea Zizas, bin kam prapa klostu. Nobodi bin kipe eniting blo dempla po demplaselp. Dempla i bin seremaut ebriting.

Leta po Sos blo Rom 12:10

Yupla mas labe wananada prapa seimkainwei wase ol pamle spostu mekem. Mata ebritaim soe prapa gudwei po wananada.

Namba 2 leta po Sos blo Korint 9:1

Wanem ai go spik nau i diswan, ai no nid po raite leta po yupla baut da wok blo God wiskain po gibe mani po dempla de lo Zarusalem.

Leta po Sos blo Pilipi 3:15

Wa, nau yumpla uda gad strong bilib wea Kraist, yumpla mas gri tugeda baut demting. Bat ip tingking blo sam yupla i no gri lo samting ai bilib, God i go soe yupla da raitwei.

Namba 1 leta po Sos blo Tesalonika 5:1

Ol amenpamle, mipla no nid po raitem po yupla baut dat taim ane da dei da BosLod i go kambaigen.

Leta po Ibrupipol 10:16

‘Da AntapGod i bin spik: Diswan i gobi da niu strong griment wea ai go mekem wea dem pipol apta dat dei wea i go kam. Ai go pute dem tising blo mi lo sens blo dempla, so dempla go sabe. Ane ai go raitem lo at blo dempla, so dempla go meke demting.’

Leta po Ibrupipol 13:1

Mata kipgo soe lab blo God po ol amenpamle.

Namba 1 leta prom Pita 3:8

Lastok ya. Yupla ebriwan i mas gad pis ane sorewei po wananada. Yupla mas prapa labe wananada wase bala ane sisi. Yupla mas gad gudat ane prapa ambol yuplaselp.

Namba 1 leta prom Pita 4:8

Da prapa impotant ting prom dem nadating wea ai bin spik i diswan ya, yupla mas soe prapa biglab po wananada. Wen yupla i mekem diskain den yupla nogo wail gense dem rongting wanem dempla i mekem.

Namba 2 leta prom Pita 1:7

Prom datwei wiskain God i stap, yupla ken lan da wei po gad nadakain biglab po ol nada Kristian. Prom dat biglab po ol dem nada Kristian den yupla i go gro ane yupla go gad prapa tru lab po ebribodi.

Namba 1 leta prom Zon 2:10

Enibodi uda i gad lab po ol amenpamle, dat lait i stap insaid lo laip blo em, ane i nogad nating wea laip blo em po meke nada pipol po meke sin.

Namba 1 leta prom Zon 3:11

Diswan ya i dat mesiz wea yumpla i bin lisen de prapa longtaim pas, yumpla mas labe wananada.

Namba 1 leta prom Zon 3:23

Demwan ya i oda blo God, yumpla i mas mata bilib wea neim blo Boi blo em Zizas Kraist, ane labe wananada, seimkain wase Zizas Kraist i bin oda mipla po mekem.

Namba 1 leta prom Zon 4:21

Dat oda wea Kraist i bin gibe mipla i diswan, demwan uda i labe God i mas wantaim labe amenpamle blo dempla.