Namba 1 leta po Sos blo Korint 8:3 - Torres Strait Creole (Yumplatok)

³ Bat eniwan uda labe God, wa, God i prapa sabe ane lugaut dempla.

Namba 1 leta po Sos blo Korint 8:3 ပူးပေါင်းရင်းမြစ်များ

Matiu tokbaut Zizas 7:23

Bat ai go spik po dempla, “Ai no bin sabe yupla. Gowei prom mi, yupla ol nugudpipol.” ’

Zon tokbaut Zizas 10:14

‘Ai da prapa gudman blo lugaut ol sip. Ai prapa sabe ol sip blo mi ane dem sip blo mi i prapa sabe mi.

Zon tokbaut Zizas 21:17

Zizas i bin aske Saiman Pita namba tri taim diskain, ‘Saiman boi blo Zon, yu truwan laik mi a?’ Saiman Pita i bin pil nadakain, bikoz Zizas i bin askem tri taim demkain, ‘Yu labe mi a?’ Saiman Pita i bin spik po Zizas, ‘BosLod, yu prapa sabe ebriting. Yu prapa sabe ai truwan laik yu.’ Zizas i bin spik em gen, ‘Den gibe kaikai po ol sip blo mi.

Leta po Sos blo Rom 11:2

No, God no bin sakwei dem pipol blo em uda em bin suzem prom de prapa longtaim pas. Yupla rimemba wanem dem wod blo God i bin spikbaut Ilaiza da spesilmesizman blo God a? Wa, em bin wail ane em bin komplein baut wanem Izrael bin mekem po God. Em bin spik diskain,

Namba 1 leta po Sos blo Korint 13:12

Nau yumpla no sestaman samting prapa, i wase yumpla luk wea nugud mira i no prapa klia. Bat apta, yumpla go luk ebriting prapa klia. Demting wea ai sabe nau, i mata lelbet, i no ebriting. Bat wea dat taim bambai, ai go sabe ebriting seimkain wiskain God i sabe mi nau.

Namba 1 leta po Sos blo Korint 2:9

Diswan nau wanem dem wod blo God i bin spik: ‘No ai bin luk, no talinga i bin lisen, ane no sens i bin tingbaut wanem God i bin mekem redi po dempla uda labe em.’

Leta po Sos blo Galasia 4:9

Bat nau yupla i sabe uda i da tru God, ane da tru God i sabe uda yupla. Aukam yupla wande gobaik ane bi sleib po dem slaik nugud paua blo dis wold a?

Namba 2 leta po Timoti 2:19

Bat da trutok blo God i mata stanap strong wase paundeisan kan mubem, ane da raiting wea da paundeisan i spik diskain, ‘Da AntapGod i sabe dem pipol uda i pipol blo em.’ Ane ‘Eniwan uda i sake tok da AntapGod i bos blo em, mas sluraun prom ol nugudwei blo dempla.’

Leta prom Zemes 1:12

God i blese dem pipol uda mata kip bilib wen ol nugud samting i kam po teste bilib blo dempla. Ane wen bilib blo dempla i prapa strong, i go pait ane win gense demkain nugud samting. God i go gibe dempla longlaip poeba, da kraun wiskain God em bin promis po demwan uda labe em.

Leta prom Zemes 2:5

Prapa kesem wanem ai spik mai gud sospamle. God i bin suze dem rekpipol uda nogad nating wea dis wold po gad prapa strong bilib wea Kraist Zizas. God i bin promis po dem pipol uda mina labe em, wen em gobi bos oba ebribodi, dempla go gad spesil ples de wea em.

Namba 1 leta prom Pita 1:8

Nomata yupla i no bin luk Zizas lo ai blo yupla bat yupla i prapa lab em. Nomata ya nau yupla no bin luk em, bat yupla bin mata trase em ane nau yupla i api lo prapa nadakain spesil apiwei wea i kan no eksplein.

Namba 1 leta prom Zon 4:19

Yumpla i soe lab po wananada bikoz God i bin pas labe yumpla.

Namba 1 leta prom Zon 4:7

Mai labing bala ane sisi, yumpla i mas ebritaim kip labe wananada. Ai tok diskain bikoz lab i blo God, ane ebriwan uda i soe lab, God i bone dempla gen gad niulaip ane dempla i sabe uda God.

Rebaleisan - end blo ebriting 2:13

‘Ai sabe wea yupla stap. Yupla stap lo seim taun wea Satana i rul wase king, bat yupla i stil stanap strong lo said blo mi. Dempla lo dat seim taun blo yupla i bin kile Antipas. Em man blo mata tokbaut mi. Bat nomata ol bin kile em, yupla stil no bin gibap prom pole mi.

Rebaleisan - end blo ebriting 2:19

‘Ai sabe ebridem samting yupla mekem. Ai bin luk da lab yupla gad, da bilib blo yupla ane ai bin luk yupla bin prapa goed ane elpe ebribodi ane yupla bin stanap tugeda strong. Ane ai bin luk yupla bin gro mo ane mo wea demting.

Rebaleisan - end blo ebriting 2:9

‘Ai sabebaut olgeda trabol blo yupla ane sabe yupla i prapa poa. Bat prapa, yupla i ris! Ane ai sabe tu ol dem rabistok blo dem pipol wea dempla bin go ane tok ol nugudtok gense yupla. Dempla spik dempla ol Zuwisman, bat ol i lai. Dempla ol Zuwisman uda prea po Satana.