Namba 1 leta po Sos blo Korint 7:38 - Torres Strait Creole (Yumplatok)

³⁸ So da wan uda maret i orait po em po maret ane da wan uda no maret i mobeta po em po no maret.

Namba 1 leta po Sos blo Korint 7:38 ပူးပေါင်းရင်းမြစ်များ

Matiu tokbaut Zizas 5:32

Bat ai spik po yupla, i gad mata wan rizan po man po dibos oman blo em, i bikoz oman blo em i no bin kiptru po em ane em bin slip lo nada man. Ane enibodi uda i maret dat dibos oman em i meke sekssin. Ip man i dibos oman blo em po eni nada rizan, em meke dat oman po meke sekssin tu.’

Namba 1 leta po Sos blo Korint 7:26

Tingking blo mi i diskain ya, bikoz da big trabol i ya nau, i mobeta po yupla po no maret.

Namba 1 leta po Sos blo Korint 7:37

Bat eni man uda i prapa bilib strong wea em, pil em no nid po maret ane em prapa sabe po kontrol emselp, wel em no nid po maret.

Namba 1 leta po Sos blo Korint 7:39

Maret oman mas mata stap wea man blo em antil dat man blo em i pasawei. Wen man blo em i pasawei, da oman i pri po maret eniwan wea em i wandem, bat da BosLod i wande em po maret Kristian man.

Namba 1 leta po Sos blo Korint 7:8

Ai spik diskain po dem pipol uda no bin maret, no po maret, ane po dem widooman i mobeta po dempla po mata stap demplaselp, no maret gen seimkain wiskain ai stap, no maret.

Leta po Ibrupipol 13:4

Ebribodi mas prapa rispekt maret. Maretman ane maretoman mas mata stap strong po wananada, no pleiraun. Bikoz ip maretman o maretoman i go pleiraun no kiptru po maret blo dempla, God i go zaze dempla ane panse dempla.