Namba 1 leta po Sos blo Korint 7:31 - Torres Strait Creole (Yumplatok)

³¹ Ane demwan uda meke wok wiskain ebri pipol blo dis wold i mekem, dempla mas mekem prapa, bat dempla mas no meke demting impotant. Bikoz dis wold ya ane ebriting blo dis wold i go pinis nomo gad gen.

Namba 1 leta po Sos blo Korint 7:31 ပူးပေါင်းရင်းမြစ်များ

Luk tokbaut Zizas 21:34

‘Yupla mas lugaut. Yupla no pole laip blo dis ert, wase tumas kaikai, tumas dringk ane woribaut demting blo dis laip. Bambai wen ai go kambaigen, ai go paine yupla apwei.

Namba 1 leta po Sos blo Korint 7:29

Mai labing bala ane sisi, wanem ai min i diswan ya. Da taim i klostu nau, dem maretman mas no laue maret po stape dempla prom meke wok blo God.

Namba 1 leta po Sos blo Korint 7:30

Seim po api o sore o po gede ol plenti samting, i mas no stape yumpla po meke wok blo God.

Namba 1 leta po Sos blo Korint 9:18

Ai go gede eni pei a? Da pei wea i meke mi pilgud i po prisbaut da Gudniuz, no po pei prom man. Ai oda nobodi po pei mi pei blo tise pipol wea dem sos.

Leta po Ibrupipol 12:27

Diswan i min, ebridem samting wanem i blo dis ert i go smas, mata demting blo eben i go stap.

Leta prom Zemes 4:14

Wa. Yupla mina no sabe wanem go apen tumoro. Wiskain laip blo yupla? Yupla wase smok blo paia wea i kamaut po sottaim den apta i mina lus.

Namba 1 leta prom Pita 1:24

Baibol i bin spik diskain: ‘Pipol i wase gras wea i kam drai ane ded. Dempla luze kala blo dempla prapa kuikwan wase dem nais kala plaua wea bus. Da gras i kam slaik, ane dem plaua i poldaun ded.

Namba 1 leta prom Pita 4:7

End blo da wold i klostu nau. Yupla mas kontrol sens blo yupla, stap weik, kontrol yuplaselp den yupla ken prea lo gudat.

Namba 1 leta prom Zon 2:17

Dis wold ane dem nugud samting blo dis wold i klosap pinis, nomo go gad nau. Bat dem pipol uda i lisen ane mekem wanem God i wandem, dempla i go gad longlaip poeba.