Namba 1 leta po Sos blo Korint 7:28 - Torres Strait Creole (Yumplatok)

²⁸ Bat ip yupla i maret, i no sin, ane ip yangoman i maret, em no meke sin tu. Bat demwan uda i maret i go gad olkain trabol wea laip blo dempla, ane ai no wande yupla po go tru dem trabol.

Namba 1 leta po Sos blo Korint 7:28 ပူးပေါင်းရင်းမြစ်များ

Matiu tokbaut Zizas 5:32

Bat ai spik po yupla, i gad mata wan rizan po man po dibos oman blo em, i bikoz oman blo em i no bin kiptru po em ane em bin slip lo nada man. Ane enibodi uda i maret dat dibos oman em i meke sekssin. Ip man i dibos oman blo em po eni nada rizan, em meke dat oman po meke sekssin tu.’

Namba 1 leta po Sos blo Korint 7:26

Tingking blo mi i diskain ya, bikoz da big trabol i ya nau, i mobeta po yupla po no maret.

Namba 1 leta po Sos blo Korint 7:27

Ip yupla dem man i maret, no broke da maret. Ip yupla dem man uda no bin maret, stap no maret.

Namba 1 leta po Sos blo Korint 7:29

Mai labing bala ane sisi, wanem ai min i diswan ya. Da taim i klostu nau, dem maretman mas no laue maret po stape dempla prom meke wok blo God.

Namba 2 leta po Sos blo Korint 1:23

God i luk ai spik trutok. Ai bin seinze main blo mi bikoz ai no bin wande yupla po gede big graul prom mi po meke yupla pil smol. Daswai ai no bin wande gobaigen bizit Korint.

Leta po Ibrupipol 13:4

Ebribodi mas prapa rispekt maret. Maretman ane maretoman mas mata stap strong po wananada, no pleiraun. Bikoz ip maretman o maretoman i go pleiraun no kiptru po maret blo dempla, God i go zaze dempla ane panse dempla.