Namba 1 leta po Sos blo Korint 7:17 - Torres Strait Creole (Yumplatok)

¹⁷ Yupla mas stap wiskain da BosLod i wande yupla po stap wen yupla i bin kam Kristian pas. Diswan i da oda wea ai tisem wea ebridem sos.

Namba 1 leta po Sos blo Korint 7:17 ပူးပေါင်းရင်းမြစ်များ

Matiu tokbaut Zizas 19:12

Sam man i bin bon diskain kan maret, sam pipol i bin stape man prom maret wen ol i kate bol blo dempla, ane sam dem nada man no wande maret bikoz dempla mata wande meke wok blo God. Ane ip diswan i ubi blo eniwan, mata polem.’

Namba 1 leta po Sos blo Korint 10:32

Yupla mas no meke ol Zuwispipol ane Nozuwispipol o da sos blo God po kam wail.

Namba 1 leta po Sos blo Korint 11:16

Bat ip eniwan wande agiu wea wanem ai bin tokbaut ya, das ol ai ken spik. Ai nogad nadawei po spikbaut ol dem samting bikoz ebribodi wea dem sos i bin gri wea wananada.

Namba 1 leta po Sos blo Korint 11:34

Ip yupla i anggre, kaikai wea aus pas, solong wen yupla i kam tugeda, God i nogo panis yupla po kaikai Aretu rongwei. Ai go spik yupla baut ol nadating bambai wen ai go kam po bizit yupla.

Namba 1 leta po Sos blo Korint 14:33

God i God blo pis, em no God blo meke samting mesap. So i mas gad pis wea ebridem sos blo God.

Namba 1 leta po Sos blo Korint 16:1

Nau wanem ai wande tokbaut i baut dem mani wea i bin putem wansaid po dem pipol blo God wea Zarusalem. Yupla mas mekem seimkain wiskain ai bin oda dem sos wea Galasia po mekem.

Namba 1 leta po Sos blo Korint 4:17

Daswai ai go sane Timoti kam po yupla po elpe yupla. Em i wase pikinini blo mi uda ai prapa labem ane ai bilib wea em po meke ol samting wea ai wandem bikoz Timoti i prapa bilib wea da BosLod. Ai go sanem po meke yupla tingbaut wiskain tising blo mi baut Zizas Kraist wen ai tise ebriwea lo ebri sos wea ai go.

Namba 1 leta po Sos blo Korint 7:18

Ip eni man ya uda bin kate poskin wiskain dem Zuwispipol i mekem pas, bipo em bin bilib, wel dat man i mas no trai po tekemaut dat mak blo dis Zuwiswei. Ip eni man uda no bin kate poskin ane em nau bilib, wel em mas no kate em.

Namba 1 leta po Sos blo Korint 7:24

So mai labing bala ane sisi, nomata wiskain wea yupla bin, wen God i bin singaut yupla, mata pole dat niuwei wanem God i wande yupla po mekem.

Namba 1 leta po Sos blo Korint 7:7

Ai tingk i gud ebriwan prom yupla mas stap seimkain wiskain ai stap, no maret. Bat yumpla ebriwan i no da seim, bikoz God i meke sam pipol po maret ane sam no po maret.

Namba 2 leta po Sos blo Korint 11:28

Nomata dem adting i bin apen po mi, ai mata tingbaut po dem sos, ip ol orait.

Namba 2 leta po Sos blo Korint 8:18

Mipla i go sane nada amenbala go wea Taitas go po yupla tu. No wori, bikoz ebri sos i spik gudtok baut wiskain dat amenbala i prise da Gudniuz baut Kraist.

Leta po Sos blo Galasia 1:22

Bat stil dem Kristian de wea da sos blo Zudia i no bin sabe mi prapa.

Namba 1 leta po Sos blo Tesalonika 2:14

Ane nau ol amenpamle, kantriman blo yupla de wea Tesalonika i bin trite yupla wea prapa nugudwei. Wa, dem trabol wea yupla i bin gedem i bin dem seimkain trabol wiskain dem amenpamle wea sos blo God lo Zudia i bin gedem. Bikoz ol i bilib wea Zizas Kraist, dempla ol i bin gad trabol tu prom kantriman blo dempla, dem Zuwispipol.

Namba 2 leta po Sos blo Tesalonika 1:4

Wa, mipla prapa bloue yupla wea dem nada sos blo God, wiskain yupla i kip mata bilib wea Kraist, nomata at blo yupla i pein prom ol trabol ane ol nugudting wanem ol pipol i mekem po yupla.