Namba 1 leta po Sos blo Korint 5:7 - Torres Strait Creole (Yumplatok)

⁷ Sanewei dis nugudman prom sos blo yupla so laip blo yupla i go mata stap stret. Kraist em bin da opring sakripais po tekemaut sin blo yumpla. Em bin sakripais wase smolsip lo da Pasoba.

Namba 1 leta po Sos blo Korint 5:7 ပူးပေါင်းရင်းမြစ်များ

Matiu tokbaut Zizas 13:33

Den Zizas i bin yan po dempla nada stori. Em spik, ‘Da ples wea God i ruloba ebribodi, i seimkain wase yis wea oman i yuzem po meke dampa. Em mata go sake lelbet yis miksem lo plenti plaua ane wata po meke dampa. Dat lelbet yis nau i go meke da dampa swelap.’

Mak tokbaut Zizas 14:12

Da pas dei blo da Pisting blo Platbred i nogad yis, i bin kam. Wea dat dei, i bin kastam po meke sakripais blo dem Pasoba smolsip, wan smolsip prom ebri pamle. Diswan i bin da taim po dem pipol blo Izrael po tingbaut po dem bipotaim pamle blo dempla, wen ol i bin kaikai dat Pasoba de wea Izipt. Dem klostuman blo Zizas bin aske Zizas, ‘Wea yu wande mipla po go po meke redi po da kaikai blo da Pasoba Pisting?’

Zon tokbaut Zizas 1:29

Da dei apta diswan, Zon i bin luk Zizas i bin wagbaut kam po em. Zon i bin spik, ‘Ei, luk uda ya kam. Da Smolsip blo God uda i tekemaut ol sin prom ebri pipol.

Zon tokbaut Zizas 1:36

Wen Zon i bin luk Zizas i bin wagbaut kam klostu po dempla, Zon i bin spik, ‘Ei luk de, da Smolsip blo God.’

Zon tokbaut Zizas 19:14

I bin midel blo da dei blo meke redi po da Pasoba. Pailat i bin spik demkain po dem Zuwispipol, ‘Diswan king blo yupla ya!’

Leta po Sos blo Rom 3:25

God soe ebribodi nau dat Zizas bin pei prais wen em bin gibe emselp, sakripais po ded, ane aing wea da kros po meke ebribodi klin prom dempla sin. God go nau pogibe dempla uda gad bilib wea Kraist bikoz blad sakripais blo em bin kapsaid wea da kros. God i bin soe peawei po dem bipotaim pipol wen dempla i bin meke ol nugudting. God no bin tekenotis po panis dem sin blo dempla. Em bin gibe dempla taim po tan.

Namba 1 leta po Sos blo Korint 10:17

Yumpla kaikai prom wan bred, i soem dat yumpla i wan bodi.

Namba 1 leta po Sos blo Korint 5:13

God i go zaze dem pipol uda i no bilib wea God. Bat Baibol i spik, ‘Oda da nugudwan po gowei prom midel yupla uda i meke ol nugud samting.’

Leta po Sos blo Episis 4:22

Mipla bin tise yupla po prapa sabe po nomo meke ol samting wiswei yupla i bin mekem de pas. De pas, laip blo yupla i bin mina nugud bikoz yupla i bin mata meke ol laiting wea i no tru.

Rebaleisan - end blo ebriting 5:12

Ane dempla i bin sing wea prapa nadakain laud bois dis sing ya: ‘Da Smolsip i gad rait, dat wan wea ebridem pipol i bin kile em. Em i da wan uda gad rait po gede strongpaua ane po gede ebridem prapa plasting, ane em i gad rait po gad prapa sabe ane po bi prapa strong. Em i gad rait po gede ona, truglori ane preiz ebritaim.’