Namba 1 leta po Sos blo Korint 4:12 - Torres Strait Creole (Yumplatok)

¹² ane mipla i wok nadakain ad po stap laip. Wen ol pipol i spik ol nugudting po mipla, mipla i prea po God po blese dempla. Wen ol pipol i kip meke ol nugudting po mipla, mipla kip prea po dempla.

Namba 1 leta po Sos blo Korint 4:12 ပူးပေါင်းရင်းမြစ်များ

Matiu tokbaut Zizas 5:11

‘God i blese yu wen ol pipol i daune yupla, tok olkain nugudtok po yupla, prapa spoile yupla, ane tok olkain laitok baut yupla, mata bikoz yupla i pole mi.

Matiu tokbaut Zizas 5:44

Bat ai spik po yupla, yupla mas labe ol enami blo yupla tu, ane yupla mas prea po dem pipol uda i kerse yupla, uda i meke nugudting po yupla. Ane yupla mas mata meke gudting po demwan uda i prapa no laik yupla.

Luk tokbaut Zizas 23:34

Zizas bin spik diskain po PapaGod blo em, ‘Mata pogibe dempla. Dempla no prapa sabe wanem ol bin mekem.’ Dat seimtaim nau ebridem amiman bin plei dais po dem klos blo Zizas.

Luk tokbaut Zizas 6:28

Ip sambodi kers yupla, yupla aske God po meke gudpasin po dempla. Prea po dempla uda trite yupla nugudwei.

Zon tokbaut Zizas 15:20

Tingbaut da mesiz ya wea ai bin spik po yupla, “Da sebant em i no big wea bos blo em.” Ip ol pipol i bin meke ol nugudting po mi, wa, dempla go meke ol nugudting po yupla tu. Ip dempla i bin lisen po mi ane mekem wanem ai bin tise dempla, wa dempla tu i go mekem wanem yupla tise dempla!

Pas misnare wok 18:3

Demtu i bin bos po meke tent wase Pol. So Pol i bin go meke wok wea demtu ane i em bin stap de.

Pas misnare wok 20:34

Yupla sabe ai bin wok wea an blo mi po lugaut maiselp ane lugaut dempla uda bin de wea mi.

Pas misnare wok 7:60

Em bin broke ni blo em, singaut laudwan, ‘BosLod, no kaunte dem nugudting gense dempla.’ Den em bin poldaun ded.

Leta po Sos blo Rom 12:14

Yupla mas prea ane aske God po meke ol gudsamting po dem pipol uda i meke ol nugudting po yupla. No kerse dempla, prea po God po blese dempla.

Leta po Sos blo Rom 12:20

I bin raitem wea Baibol diskain: ‘Ip ol enami blo yupla i anggre, nogad no kaikai, gibe dempla kaikai po belipul, ane ip dempla i wande samting po wete trot blo dempla, gibe dempla samting po dringk. Wen yupla i meke demting, yupla go meke dempla sem prom demting wea dempla i bin mekem po yupla.’

Leta po Sos blo Rom 8:35

Uda go katemaut yumpla prom da lab blo Kraist? Dem adting wase bigwori, anggretaim, prapa nambalas, kol, akan, dem badting wea ol pipol i mekem po yumpla o tretin yumpla po kile yumpla, demwan i nogo katemaut yumpla prom da lab blo em.

Namba 1 leta po Sos blo Korint 9:6

O i mata mi ane Banabas a, uda i go mata wok po lugaut mituselp a?

Namba 2 leta po Sos blo Korint 11:8

I bin wase ai bin robe ol mani prom ol nada sos, wen dempla i bin gibe mani po mi po pris, solong ai ken wok priwan de wea yupla.

Leta po Sos blo Episis 4:28

Dem pipol uda stile ol samting, mas nomo stil nau. Dempla i mas wok ad po lugaut demplaselp solong dempla i ken elpe dem pipol uda i nogad ol samting.

Namba 1 leta po Sos blo Tesalonika 2:9

Ol amenpamle. Yupla rimemba a, wen miplatri i bin pris da Gudniuz blo God po yupla, wiskain adwok mipla bin mekem de wea yupla? Deitaim ane naittaim mipla bin wok nadakain ad po meke mani po gede kaikai po lukapta miplaselp, solong mipla nogo mekem ad po yupla de.

Namba 2 leta po Sos blo Tesalonika 3:8

Mipla no bin teke kaikai prom nobodi priwan. Mipla i bin pei po dem kaikai. Mipla bin wok nadakain ad naittaim ane deitaim po meke mani po gede kaikai, solong mipla nogo meke adwok po yupla.

Namba 1 leta po Timoti 4:10

Yumpla i adwok ane nadakain sapa bikoz yumpla wande ebriwan po sabe da trutok baut da God uda i laip. Em i da wan uda seibe ebribodi. Wa, God i mata da wan uda seibe ol dem pipol uda bilib.

Namba 1 leta prom Pita 2:23

Wen ol pipol i bin spik ol nugudtok gense em, em no bin ansabaik dempla. Wen em bin sapa, em no bin meke seimkain baik po dem pipol. Em bin mata libe demting lo an blo God, uda i ebritaim zaz lo peawei.

Namba 1 leta prom Pita 3:14

Bat nomata ip ol pipol i meke trabol po yupla bikoz yupla i meke raitting. God i go riwod yupla. So yupla mas no prait ane no wori.

Namba 1 leta prom Pita 3:9

Yupla i mas no peibaik dem nugudting baigen. Ane yupla i mas no spik nugudting baigen gense demwan uda i spik nugudting baut yupla. Bat mata prea po God po blese dempla, bikoz diswan nau i wanem God i wande yupla po mekem, den em go blese yupla po mekem diskain.

Namba 1 leta prom Pita 4:19

So ip yupla i gad atso prom ol trabol bikoz prom mekem wanem God i wandem, den yupla mas kip meke raitting ane kip trase God uda bin meke yupla, bikoz em nogo lete yupla daun.

Leta prom Zud 1:9

Iben bos einzel blo God neim Maikol, em no bin spik nugud gense Satana. Wen em bin kam gense Satana, baut wanem i go apen po da bodi blo Mozes wen Mozes bin ded, Maikol i no bin meke emselp wase em kare lo po zaze Satana po dem rongting wen em bin daune God. Bat Maikol i bin spik po Satana, ‘God da BosLod i go strete yu.’