Namba 1 leta po Sos blo Korint 15:47 - Torres Strait Creole (Yumplatok)

⁴⁷ Da pas man Adam, God i bin mekem prom graun blo dis wold. Da sekan man Kraist, i bin kam prom eben.

Namba 1 leta po Sos blo Korint 15:47 ပူးပေါင်းရင်းမြစ်များ

Zenasis - Stat blo ebriting 2:7

Den da AntapGod i bin teke graun prom da lan ane em bin meke bodi blo wan man prom da graun. God i bin bloue win blo em wea i gad laip go insaid nos blo da man ane da man i bin kamlaip.

Zenasis - Stat blo ebriting 3:19

Yu go adwok lo laip blo yu po groe ol kaikai blo yu antil da dei wen yu go ded ane wen yu ded bodi blo yu go gobaigen po da graun. Ai bin meke yu prom da graun ane yu go gobaigen po da graun.’

Matiu tokbaut Zizas 1:23

‘Luk! Da oman uda prapa no sabe slip lo man em go gad pamle! Em go bone boi pikinini, ane demtu i go neim em Imanuel. Dis neim i min “God i ya midel lo yumpla”.’

Luk tokbaut Zizas 2:11

Tidei wea dat seim taun wea King Deibid i bin king, da wan uda kam po seibe ebriwan i bin bon. Em i da Promiswan uda God i sanem kam, da BosLod.

Zon tokbaut Zizas 3:31

‘Da wan uda i bin kamdaun prom de antap, em da prapa bos antap ebriting. Bat ai blo dis ples ya daun. Ai mata gad sabe blo ol samting blo ya daun. Da wan uda i bin kamdaun prom eben, em i da prapa bos antap ebriting.

Zon tokbaut Zizas 6:33

Wa, da bred wea God i gibem i da wan uda i kamdaun prom eben ane i gibe laip po ebri pipol blo dis wold.’

Pas misnare wok 10:36

Yumpla sabe God i bin sane mesiz po dem pipol blo Izrael. Dat mesiz i da Gudniuz dat God i meke pis wea yumpla wen BosLod Zizas Kraist i bin ded wea da kros po yumpla. Dis seim Zizas nau, em i BosLod blo ebribodi nau.

Namba 1 leta po Sos blo Korint 15:45

Baibol i spik, ‘Pas man Adam, i bin kamlaip.’ Da las Adam, diswan i Kraist, em i da spirit wea i gibe laip.

Namba 1 leta po Sos blo Korint 15:46

Wanem i bin kam pas i da nomal bodi ane den da spiritbodi i bin kam apta.

Namba 2 leta po Sos blo Korint 5:1

Yumpla sabe, dis bodi blo yumpla wea yumpla stap i wase tent. Wen yumpla go ded dis bodi i go pinis. Yumpla i go gad wan aus wea God i go gibem po yumpla. Dis aus i no bin mekem prom an blo ol pipol bat God i bin mekem. Dis aus i go mata oltaim stap de wea eben.

Namba 1 leta po Timoti 3:16

Diswan i mina trutok. Dis sikret blo da trutok wanem yumpla i mata bilib wea Zizas Kraist, i diskain ya: Zizas bin soe emselp wea bodi blo man ane da Spirit blo God i bin prubem, Zizas i da Boi blo God. Ol einzel i bin luk em, ane plenti pipol bin prisbaut Zizas po ol neisin. Pipol prom ebri kantri bin bilib wea em ane den God bin soem ona wen em bin tekem gobaik antap po eben.