Namba 1 leta po Sos blo Korint 14:7 - Torres Strait Creole (Yumplatok)

⁷ Wel, yupla tingbaut da gita ane da plut nau. Ip sambodi i no plei demtu ting prapa, den wiskain enibodi i go kese da tiun blo da miusik a?

Namba 1 leta po Sos blo Korint 14:7 ပူးပေါင်းရင်းမြစ်များ

Matiu tokbaut Zizas 11:17

“Mipla sing ol maret sing po yupla, bat yupla no wande dans. Den mipla sing ol sore sing po yupla, bat yupla no wande krai.”

Luk tokbaut Zizas 7:32

Yupla wase smolpikinini uda sidaun wea plei eria. Ol singaut bleime wananada: “Mipla bin plei dans miusik po yupla, bat yupla no bin tekenotis. Yupla no bin dans. Mipla bin sing piunrul sing po yupla, bat yupla stil no bin tekenotis. Yupla no bin krai.” ‘Yupla ol pipol ya nau wea dis kantri, yupla wase pikinini. Yupla stil no satispai. Nomata wiswei ai go mekem, yupla go spik mi, “Yu rong.”

Namba 1 leta po Sos blo Korint 13:1

Ip ai tok wea ol langus blo dis wold o langus prom eben po tise yupla, bat nogad no lab, ai wase empti samting wea i paitem meke big noiz o wase tu big sospan lid klapem tugeda meke nadakain nugud noiz.

Namba 1 leta po Sos blo Korint 14:6

Mai labing bala ane sisi, ip ai go kam po bizit yupla ane tok dipren langus, wiskain ai go elpe yupla? Bat ip ai spik spesil wod prom God ane prapa tise yupla wanem God i wande yupla po sabe, den yupla go sabe ebrisamting wanem ai tise yupla. Wa, diswei nau i go prapa elpe yupla.

Namba 1 leta po Sos blo Korint 14:8

Ane ip sambodi i kan lisen da noiz blo da busel prapa kliawan, den uda go sabe i taim nau po meke redi po pait gense ol enami a?