Namba 1 leta po Sos blo Korint 14:34 - Torres Strait Creole (Yumplatok)

³⁴ Ol oman mas stap kuaiat no tok wea dem sosmiting. Ol mas soe rispekt, no tok. Dempla mas no meke demplaselp bos wiskain dem lo blo Mozes i spik.

Namba 1 leta po Sos blo Korint 14:34 ပူးပေါင်းရင်းမြစ်များ

Zenasis - Stat blo ebriting 3:16

Da AntapGod bin spik po da oman diskain: ‘Yu go gad prapa adtaim wen yu pamle ane i gobi prapa nadakain bigpein wen yu go bone pikinini. Bat yu go stil wande man blo yu, ane em gobi bos blo yu.’

Namba 1 leta po Sos blo Korint 11:13

Ol oman mas kabare ed blo dempla lo pablik wen ol prea.

Namba 1 leta po Sos blo Korint 11:3

Bat ai wande yupla po sabe diswan, Kraist i kare lo oba ebri man ane da maret man i kare lo oba oman blo em, ane God i kare lo oba Kraist.

Namba 1 leta po Sos blo Korint 11:5

Ane eni maret oman uda prea o prise mesiz blo God ane no kabare ed blo em, em daune man blo em. I wase em bin seibe ed blo em boled.

Namba 1 leta po Sos blo Korint 14:21

Baibol i spik diskain: ‘Ai go tok po dem pipol blo mi wea langus wea dempla no sabe, ane tok tru ol pipol blo ol nada kantri. Bat dempla stil nogo lisen po mi,’ diswan i mi da AntapGod uda ya tok.

Namba 1 leta po Sos blo Korint 14:35

Ip dem maret oman i gad kuestin po askem, dempla mas aske dem man blo dempla wea aus pas, bikoz ip oman i go tok wea sosmiting dempla daune demplaselp.

Leta po Sos blo Episis 5:33

Bat yupla dem maretman, i mas prapa labe oman blo yupla, seimkain wiskain yupla i prapa labe yuplaselp. Ane dem maretoman mas rispekt man blo dempla.

Leta po Sos blo Kolosi 3:18

Yupla ol maret oman, i mas rispekt dem man blo yupla bikoz yupla i bilib wea da BosLod Zizas.

Leta po Taitas 2:5

Dem ouloman mas lane dem yangoman dempla mas stap prapa sabe wanem i rait wea laip blo dempla, ane no meke no rongting, prapa sabe lugaut pamle blo dempla gud, ane mas rispekt man blo dempla. Den no pipol i kan tok nugudtok gense dempla wen dempla i tok wod blo God.