Namba 1 leta po Sos blo Korint 14:16 - Torres Strait Creole (Yumplatok)

¹⁶ Ip yupla i go mata preize God wea spirit blo yupla, wiskain nau enibodi go sabe yupla preize God ane go zoin wea yupla? Wiskain nau dempla i go zoin wea yupla po eso God ip dempla no sabe wanem yupla spik?

Namba 1 leta po Sos blo Korint 14:16 ပူးပေါင်းရင်းမြစ်များ

Matiu tokbaut Zizas 15:36

Ane em i bin teke dem seben loupbred ane dem pis, luk go antap po eben ane aske God po blese dem kaikai. Den em i bin broke dem kaikai po smolpis ane gibem po dem klostuman blo em, den dem klostuman blo em i bin gibem po dem pipol.

Matiu tokbaut Zizas 28:20

Tise dempla ebriting wanem ai bin soe yupla, po pole ebridem lo ai bin gibe yupla. Ai gobi lo yupla ebritaim antil da taim blo dis wold i go pinis.’

Matiu tokbaut Zizas 6:13

Pliz elpe mipla so mipla nogo gibap ane meke ol nugudting, bat elpe mipla prom no pole dat nugudwan. Da ples wea yu ruloba ebribodi, da prapa bigpaua blo yu, ane prapa big preiz, i mata blo yu poeba. Amen.

Mak tokbaut Zizas 16:20

So nau dem klostuman blo Zizas bin go ane spik da Gudniuz baut Zizas po ol dem pipol ebriwea. Dem klostuman bin spik dis mesiz, ane God bin meke plenti mirikalsain po soe ebriwan dis mesiz i tru.

Zon tokbaut Zizas 21:25

Wa, i gad prapa nadakain plenti ol nada samting wea Zizas i bin mekem. Ip ebri demting i bin raitem daun, ai tingk dis wold ya nogo gad speis po pute ol dem buk.

Zon tokbaut Zizas 7:15

Dem Zuwislida i bin prapa atzamp wen ol i bin lisen em tok. Ol spik, ‘Kole, wiskain dis man i prapa sabe tumas ting? Em no bin lan po sabe dem Zuwislo!’

Pas misnare wok 4:13

Dem lida i bin atzamp wen dempla bin luk demtu no prait po tok. Demtu i prapa louklasman, no sabe plentiting prom Baibol. Ane dempla i bin sabe demtu i bin tu misnareman blo Zizas.

Namba 1 leta po Sos blo Korint 11:24

ane wen em bin pinis spik eso po God, em bin broke ol pis blo bred ane spik diskain, ‘Diswan i bodi blo mi, ai gibem po yupla. Meke diswan po rimemba mi.’

Namba 1 leta po Sos blo Korint 14:14

Ip ai prea po God wea langus ai no sabe, spirit blo mi i prea po God bat ai no sabe wanem ai spik.

Namba 1 leta po Sos blo Korint 14:2

Ip God i bin gibe yupla gipt blo tok wea ol dipren langus, wa, wen yupla go tok, yupla go mata tok po God, no po dem nada Kristian bikoz dempla nogo sabe dem langus. Yupla go tok lo da paua blo da Spirit ane i go bi sikret tok.

Namba 1 leta po Sos blo Korint 16:24

Mai lab i stap wea yupla ebriwan uda i blo Zizas Kraist. Amen.

Namba 2 leta po Sos blo Korint 1:20

Ebridem promis blo God i kam bikoz prom wanem Kraist i bin mekem. Wa, i truwan. So yumpla ken spik ‘Amen’, wen yumpla bloubaut God, spik God i nadakain gud.

Rebaleisan - end blo ebriting 22:20

Orait. Zizas i bin spik ol dem wod ya ane dem wod i prapa tru. Zizas i spik, ‘I no longtaim nau, ai go kambaigen.’ Amen! BosLod Zizas, plizgar yu kam!

Rebaleisan - end blo ebriting 5:14

Nau dem po laipsamting i bin spik, ‘Amen!’ Ane dem tuenti po elda i bin poldaun ane wosip God ane da Smolsip.

Rebaleisan - end blo ebriting 7:12

Dempla ebribodi i spik diskain, ‘Eso gar! God blo mipla, mipla preize yu ane liptemap neim blo yu. Mipla spik eso po yu ane wosip yu. Mipla preize yu po da big paua blo yu ane da big strong blo yu, ane bikoz yu sabe ebriting. Demting ya i go mata kipgo, no sabe pinis. Amen!’