Namba 1 leta po Sos blo Korint 12:4 - Torres Strait Creole (Yumplatok)

⁴ Nau i gad olkain dipren gipt blo da Spirit, ane i da seim OliSpirit blo God wea i gibem.

Namba 1 leta po Sos blo Korint 12:4 ပူးပေါင်းရင်းမြစ်များ

Namba 1 leta po Sos blo Korint 12:1

Nau mai labing bala ane sisi, ai wande tokbaut dem gipt wanem da OliSpirit i gibe ebriwan prom yumpla bikoz yupla no prapa kese demting.

Namba 1 leta po Sos blo Korint 12:28

Diswan i list blo sam dem dipren wok wea da bodi blo Kraist i ken mekem: Paswan, ol misnareman, sekanwan, ol pipol uda spik da mesiz blo God, namba tri, ol tisa, den dem pipol God i bin gibe dempla da paua po meke mirikal, demwan uda ken ile dem sikpipol, demwan uda ken elpe ol nadawan, demwan uda ken gaide ol nada pipol po wok tugeda, demwan uda ken spik dipren langus wea dempla no sabe da mining.

Namba 1 leta po Sos blo Korint 12:5

Ane i gad olkain wok blo God po mekem ane i da seim BosLod wea ebriwan i wok po.

Namba 1 leta po Sos blo Korint 7:7

Ai tingk i gud ebriwan prom yupla mas stap seimkain wiskain ai stap, no maret. Bat yumpla ebriwan i no da seim, bikoz God i meke sam pipol po maret ane sam no po maret.

Leta po Sos blo Episis 4:11

Wa, em da wan uda bin gibe ol gipt po ol pipol. Em bin meke sam po meke wok blo misnare, sam po meke wok blo spesilmesizman blo God, sam po meke wok blo pris da Gudniuz baut Kraist, sam po meke wok blo lida blo lugaut sos ane sam po meke wok blo tise da Gudniuz baut Kraist.

Leta po Ibrupipol 2:4

Ane God i bin soem dat dis Gudniuz i prapa truwan, wen em bin meke olkain gudsain, spesil gudsamting ane olkain mirikal, ane prom dem gipt blo da OliSpirit po demwan uda em i wande gibem.

Namba 1 leta prom Pita 4:10

God i bin gibe yupla ebribodi olkain gipt. Yuze dem gipt po elpe ol nada pipol solong dem gudsamting blo God i go soem tru yupla.