Namba 1 leta po Sos blo Korint 12:18 - Torres Strait Creole (Yumplatok)

¹⁸ Bat i God uda bin meke plenti bodipat po da bodi ane em bin meke dem bodipat po stap wiskain dempla i stap wea da bodi.

Namba 1 leta po Sos blo Korint 12:18 ပူးပေါင်းရင်းမြစ်များ

Spesilmesizman Zona 1:14

Dempla bin singaut po da AntapGod, ‘Plizgar! Yu no panse mipla ane kile mipla po seik blo dis man ya uda bin ranwei prom yu.’

Luk tokbaut Zizas 10:21

Dat seimtaim nau, da OliSpirit i bin meke Zizas prapa nadakain glad ane Zizas bin spik, ‘PapaGod, Bos blo eben ane ert, ai eso yu ane preize yu bikoz yu bin aide ol demting blo yu prom ol demwan uda tingk dempla smat ane waiz. Bat yu bin soe demting wanem yu bin aidem po ol dem pipol uda wase smolpikinini. Wa. PapaGod, ai preize yu nau bikoz diswan i bin da wei wea yu bin wande mekem.

Luk tokbaut Zizas 12:32

‘Yupla no prait. Yupla mata lelbet pipol ya uda i pole ubi blo God. Em i God blo yupla ane em prapa api po teke yupla go po da niuples wea em go ruloba yupla.

Leta po Sos blo Rom 12:3

Ai spik po yupla bikoz God i bin soe gudpasinwei po mi. Ane em bin gibe mi da rait po kare lo, em bin meke mi misnareman blo em. So ai wone yupla. Yupla mas no tingk yupla prapa big antap wea ol nada pipol. Wa. Wen yupla tingbaut yuplaselp, yupla mas tingbaut dat gudniuz ane tingbaut wanem God i wande yupla po tingk. Rimemba wanem em bin gibe yupla.

Leta po Sos blo Rom 12:6

God i bin soe spesilpeiba po yumpla ane gibe yumpla olkain dipren wok po mekem. Wa, yumpla mas mekem. So ip God bin gibe yupla sabebaut spesilmesiz ane ip bilib blo yupla i prapa strong dat God i spik tru yupla, den yupla mas spik stret dat mesiz.

Namba 1 leta po Sos blo Korint 12:11

Ebridem gipt i kam prom mata dat wan OliSpirit blo God. Em gibe dem gipt po ebriwan, mata em i suzem wiskain gipt em go gibem po ebriwan.

Namba 1 leta po Sos blo Korint 12:17

Ip da bodi i bin mata ai, wiskain em go lisen ol samting? Ip da bodi i bin mata talinga wiskain em go smele ol samting?

Namba 1 leta po Sos blo Korint 12:19

Ip ebri bodipat i bin mata wan bodipat, den i nogo gad wan bodi!

Namba 1 leta po Sos blo Korint 12:24

Bat dem bodipat blo yumpla wea ol pipol i luk, yumpla no nid po kaba demting. So God i bin meke da bodi po stap wiskain i stap. Em bin meke dem bodipat wea yumpla i sem prom soem po gad big rispekt.

Namba 1 leta po Sos blo Korint 12:28

Diswan i list blo sam dem dipren wok wea da bodi blo Kraist i ken mekem: Paswan, ol misnareman, sekanwan, ol pipol uda spik da mesiz blo God, namba tri, ol tisa, den dem pipol God i bin gibe dempla da paua po meke mirikal, demwan uda ken ile dem sikpipol, demwan uda ken elpe ol nadawan, demwan uda ken gaide ol nada pipol po wok tugeda, demwan uda ken spik dipren langus wea dempla no sabe da mining.

Namba 1 leta po Sos blo Korint 15:38

Den God i gibe dem sid niu bodi po wiskain em i wandem. Ol dipren plant i gro prom dem dipren dipren sid.

Namba 1 leta po Sos blo Korint 3:5

Uda dis man Apolos ane uda dis man Pol? Mitu ya, mi Pol ane Apolos, tu sebant blo God uda i bin elpe yupla po bilib wea Kraist Zizas. God i bin gibe mi da wok wea ai mas mekem ane em bin gibe Apolos da wok wea em mas mekem.

Leta po Sos blo Episis 1:5

God bin meke plan de pas bipo em bin meke da wold po adopte yumpla kam ol prapa pikinini blo em, tru da laip blo Zizas Kraist. God i bin meke diswan prom da prapa glad blo em wiswei em bin wandem.

Leta po Sos blo Episis 1:9

God i bin soem prapa kliawan po yumpla po sabe da sikret trutok baut wanem em i wandem. So em bin meke da plan wanem em bin wandem wea laip blo Zizas Kraist. Ane em i bin glad em bin mekem diskain.

Rebaleisan - end blo ebriting 4:11

‘BosLod ane God blo mipla, yu prapa gad da rait po gede da truglori ane ona ane paua blo eben. Bikoz yu bin meke ebriting lo da wold, ane yu bin gibe laip po ebriting bikoz yu bin wande mekem.’