Namba 1 leta po Sos blo Korint 11:28 - Torres Strait Creole (Yumplatok)

²⁸ Daswai yupla mas prapa sestaman yuplaselp po wanem yupla i bin mekem bipo yupla kaikai da bred ane dringk prom da kap.

Namba 1 leta po Sos blo Korint 11:28 ပူးပေါင်းရင်းမြစ်များ

Matiu tokbaut Zizas 26:22

Wen dem klostuman i bin lisen wanem Zizas i bin spik, dempla i bin pil nadakain sore po em. So wan wan prom dempla i bin spik diskain baigen po em, ‘BosLod i no mi a?’

Namba 1 leta po Sos blo Korint 11:29

Ip eniwan uda i bin meke rongting ane kaikai da bred ane dringk da wain, dempla moke da bodi blo da BosLod. God i go panis dempla ip dempla i go kaikai ane dringk Aretu.

Namba 1 leta po Sos blo Korint 11:31

So yumpla mas luk dat yumpla i meke raitting, den God i nogo panis yumpla.

Namba 2 leta po Sos blo Korint 13:5

Yupla mas luk prapa ip laip blo yupla i stap gad prapa bilib wea Kraist. Wa, yupla i mas luk ip laip blo yupla i rait. Ip laip blo yupla i no stap wea truwei den laip blo yupla i nogad prapa bilib wea Kraist. Laip blo yupla i rong.

Leta po Sos blo Galasia 6:4

Mata meke da wok wanem yupla mas mekem, den wen dat wok i go pinis yupla i gobi api. Bikoz wen yupla luk yupla bin meke gudwok, den yupla nogo woribaut ol gudwok wea ol dem nada man i mekem.