Namba 1 leta po Sos blo Korint 10:32 - Torres Strait Creole (Yumplatok)

³² Yupla mas no meke ol Zuwispipol ane Nozuwispipol o da sos blo God po kam wail.

Namba 1 leta po Sos blo Korint 10:32 ပူးပေါင်းရင်းမြစ်များ

Pas misnare wok 20:28

‘Yupla lugaut yuplaselp ane yupla mas lugaut ol dem pipol wea da sos blo God. Da OliSpirit i bin suze yupla ol soselda, po lugaut dempla gud, wase dem wokman blo sip lugaut dem sip blo dempla bikoz God i bin pei po dempla wea da blad blo boi blo em.

Pas misnare wok 24:16

So bikoz diswan, ai ebritaim trai po mekem wanem i rait wea God ane ol pipol.

Leta po Sos blo Rom 14:13

So nau ai spik yupla ebriwan, yumpla mas nomo zaze wananada. Mobeta yumpla seinze wei blo yumpla prom meke ol samting wea i spoile ol nada Kristian prom kipgo.

Namba 1 leta po Sos blo Korint 1:2

Mitu raite dis leta po da sos blo God wea da siti blo Korint. Mitu raitem po dem pipol uda God i bin suzem po bi oli pipol blo em, seimkain wiskain God i bin meke ol nada pipol wea nada ples po bi oli pipol blo em, ane i po ebriwan uda spik dat Zizas em BosLod blo yumpla ane BosLod blo dempla.

Namba 1 leta po Sos blo Korint 10:33

Diswan i da seim plan ai polem. Ai trai po meke ebribodi api wea ebriting wea ai mekem. Ai no meke demting wea ai prapa wandem po meke maiselp api, bat ai mekem prapa po ol pipol solong dempla go gad sans po bi seib.

Namba 1 leta po Sos blo Korint 11:22

Wanem? Diswan i tru a? Yupla nogad no aus po kaikai ane dringk a? O yupla i wande trite da sos blo God wase i nating a? Ane yupla meke dempla uda gad nating, pil sem a? Wanem nau ai go spik po yupla? Yupla wande ai go preize yupla a? Nono, ai nogo preize yupla!

Namba 1 leta po Sos blo Korint 12:28

Diswan i list blo sam dem dipren wok wea da bodi blo Kraist i ken mekem: Paswan, ol misnareman, sekanwan, ol pipol uda spik da mesiz blo God, namba tri, ol tisa, den dem pipol God i bin gibe dempla da paua po meke mirikal, demwan uda ken ile dem sikpipol, demwan uda ken elpe ol nadawan, demwan uda ken gaide ol nada pipol po wok tugeda, demwan uda ken spik dipren langus wea dempla no sabe da mining.

Namba 1 leta po Sos blo Korint 15:9

Ai prapa nambalas prom dem nada misnareman blo Kraist. Ane i no rait po kole mi misnareman, bikoz ai bin oltaim meke ol big trabol po da sos blo God.

Namba 1 leta po Sos blo Korint 7:17

Yupla mas stap wiskain da BosLod i wande yupla po stap wen yupla i bin kam Kristian pas. Diswan i da oda wea ai tisem wea ebridem sos.

Namba 1 leta po Sos blo Korint 8:13

Wel, ip dem mit wanem ai kaikai i go meke dem sospamle po sin, den ai nogo kaikai dem mit gen bikoz ai no wande meke eni sospamle po poldaun.

Namba 2 leta po Sos blo Korint 1:1

Diswan mi Pol ya raite dis leta. God i bin suze mi po bi misnare-man blo Kraist Zizas. Ane dis leta tu i prom bala blo yumpla Timoti. Mitu raite dis leta po da sos blo God de wea da siti blo Korint ane wantaim raitem po ebridem pipol blo God uda stap oloba wea saut pat blo Gris.

Namba 2 leta po Sos blo Korint 6:3

Laip blo mipla i stap wea da wei dat mipla no bloke nobodi prom kam po sabe God, ane wea wei dat nobodi i ken paine polt wea mipla po meke rongting wea dis wok blo God wea mipla i mekem.

Leta po Sos blo Galasia 1:13

Yupla sabebaut dat laip ai bin gad pas wen ai bin stap wea dem Zuwislo. Ai bin meke nadakain big trabol po dem Kristian de wea sos blo God, ane ai bin trai nadakain ad po smase dempla.

Leta po Sos blo Pilipi 1:10

Den yupla go prapa sabe wanem i prapa impotant so yupla go mata stap wea klin gudlaip antil Kraist i go kambaigen.

Leta po Sos blo Pilipi 3:6

Bipotaim, ai bin gad nadakain big wei po meke trabol po dem pipol uda i bin gad bilib wea Zizas. Wea dat taim nobodi i kan bleime mi, bikoz ai bin mata pole ebriting wanem dem Zuwislo i bin spik.

Namba 1 leta po Sos blo Tesalonika 2:14

Ane nau ol amenpamle, kantriman blo yupla de wea Tesalonika i bin trite yupla wea prapa nugudwei. Wa, dem trabol wea yupla i bin gedem i bin dem seimkain trabol wiskain dem amenpamle wea sos blo God lo Zudia i bin gedem. Bikoz ol i bilib wea Zizas Kraist, dempla ol i bin gad trabol tu prom kantriman blo dempla, dem Zuwispipol.

Namba 1 leta po Timoti 3:15

bikoz ip ai teke longtaim ane stil no kam de po luk yu, yu go sabe wiskain ol pamle blo God mas mekem. Dem amenpamle i da sos blo God. Ane dem pamle blo God i da strong post wanem i mata kare da trutok baut Zizas Kraist.

Namba 1 leta po Timoti 3:5

Bikoz ip man i no sabe wiskain po mina lugaut gud pamle blo em, wiskain nau em go lugaut sos blo God a?

Buk baut Rut 3:14

Rut mata leidaun lo legsaid blo Boaz antil moning. Rut i bin gedap prapa elimoning wea pipol kan megaraut samting prapa. Boaz bin spik po dem wokman blo em, ‘Ai no wande pipol po sabe i bin gad oman ya wea dis wokples.’