Yuɖa 1:24 - ONUGBÙ NYƐNYÃ VUVƆ

²⁴ Kɔ anɔ nɛ gɛ anyɛna wɔnɔ evunɔ sɛ nɔ tɛ bɔ wɔlɛ klɛ tɛ ayɛkɔ nɔ akpɛ ahwɛ nɛ yɛ tɛzɛzamɔmɔ amɛ, butsutsɔmɔ maza kɛlɛ mɛ anɛ samemumɔ gbla—

Yuɖa 1:24 ပူးပေါင်းရင်းမြစ်များ

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Mateo 19:28

Yesu etsrea la sɛ, “Itsre nɔ kɛgba nɛ sɛ, nɛ kibe lɛ gɛ bebe tsodzini kɛdɔnyɛdɔ abhɛtɛ kɛ vuvɔ, gɛ Anɔdzyrame yɛ Eyi nɛ ebe zhi aza yɛ bukusiegbu gɛ kalɛ shu adanɛ nɛa bha, Wɔnɔa gɛ ɔlɛ mɛe de tsyɛ obo za bukusigbu lɔfɔnɛtubha nɛa bha, ozo klu bubhui nɛ Izraɛl amadi lɔfɔntabha.

Mateo 25:31

“Onu gɛ Anɔdzyrame yɛ Eyi nɛ aaba nɛ yɛ ishu bhuibhui mɛ, pɛ yɛ baxwɛdɛ nɛ peteea lɛ aplɛnɔ yɛ, ebe zhiza yɛ bukusiegbu nɛa bha nɛ owũsise nɛ ishu bhuibhui mɛ.

Mateo 5:12

Nɔ mɔ same tɛ nɔ wɔ, alasɛ wɔnɔɛ bhɛ tri nɛ owũsise, alasɛ kidzoe lɛ nɛ dia bha ke la ga pɛ ba kpatɔnɔ batɔnu nɛ gɛ eputɔ kɔ nɔ.

Luka 9:26

Onugɛ anɔ teli kɛwɔɛ̃ ku yɛ nɛ mɛ nɛ̀ mɛ ebui, Anɔdzyrame yɛ Eyi ebe si yɛ wɔɛ̃ kibe lɛ gɛ aba nɛ yɛ kabhakpɛkpɛ anɛ Aka nɛ̀ kabhakpɛkpɛ anɛ baxwɛdɛnɛ gɛ balɛ shu bhui.

Romanɛ 14:4

Anee onu gɛ obo kulu kebhui nɛ anɔ teli yɛ axwɛdɛ? Yɛ nahwɛ apalete amɛ aba na ɔdɔgɔsɛ aba wɔlɛ. Klɛ aba za na, alasɛ Akagbla nɛ aba na yɛ bhɛtɛ sɛ tɛ ana.

Romanɛ 8:31

Kɛlɛ, kide, lɔ ba ɖɔ yɛkɔ bu kibui nɛ nu? Onu gɛ Kpaya enu bulɔa yɛ, anee gɛ aba na kititi lɔ nɛ bulɔ shu?

2 Kɔrintioanɛ 11:2

Ɛwlãnkɛ abha nɛ wunɔɛ tɔkpu nɛ Kpaya. kabhawuwlãnkɛ. Ɛɖɔ anyɛ terikpo bui lu kɔ wɔ, kɔ Kristo, sɛ tɛ ɛba yɛkɔ wɔ kɔ yɛ anasɛ adzɛ gɛ etinyi anyɛ.

2 Kɔrintioanɛ 4:14

alasɛ bu nyi sɛ anɔ nɛ gɛ anyɛmɛ Apalete Yesu denɔ bekpui mɛ, aba nyɛmɛ bulɔ tsyɛ nɛ Yesu klɛ aba yɛkɔ lɔ nɛ wunɔ akɔ nɛ yɛ amɛ.

2 Kɔrintioanɛ 4:17

Alasɛ bulɔ butɔ bumapu klɛ bu lɛ kplita gɛ kɛ ba mɛna lɔ kabhaŋɛŋa mabeke gɛ kɛlupudɛ alɛ petee.

Efesoanɛ 3:20

Ɔtsɔ̃nɛ kɔ yɛ gɛ abana kɛdɔ bhɛtɛ tɛsɛsɔnɔ dɛ kɛgɛ kɛlɛ petee bu bisi ɔdɔgɔsɛ bɔ bhɛtɛ kɛtɔkpu mɛ, nɛ yɛ kemi nɛ gɛ kɛwa kɛxwɛ nɛ bulɔ mɛ,

Efesoanɛ 5:27

klɛ tɛ ayɛkɔ yɛ akɔ yɛnahwɛ anasɛ busɔlɛɔha gɛ ɔpudi, gɛ kibo ɔdɔgɔsɛ tɛlɛlayɛ ɔdɔgɔsɛ kɛpɔ bubu kɔ anɔ bhlatɔ kanyaka shu, pɔ ishubhui anɛ kɛpɔ maŋa maŋa.

Koloseanɛ 1:22

Pɔ ɔtsɔ̃nɛ abhɛtɛ terikpo nɛ nɔ nɛ́ Kristo ishuidzya nahwɛ ɔganɔ butsi tɛ akɔ nɔ shu bhui nɛ yɛ amɛ, kɛpɔ mabumabu klɛ tɛ batɛ mɔ kizizi nɛ wɔnɔ shu—

Koloseanɛ 1:28

Bu ɖɔ yɛ kibui kana, butsrenɔ klɛ bukasɛ anɔnyanɔ kɛdɔ nɛ kibuinyinyi petee mɛ, sɛ tɛ bu ba kɔ anɔnyanɔ tɛ edzi adzyɔgo nɛ Kristo mɛ.

Koloseanɛ 3:4

Gɛ Kristo, agɛ enu ɛkpã abe koeyi, kɛlɛ wɔnɔ tsyɛ no bo koeyi nɛ̀ yɛ nɛ tɛbhubhui mɛ.

2 Timotio 4:18

Apalete nɛ ebe bu mɛ nɛ kititilulɔ tsutsɔmɔ kanyakaɛ di mɛ klɛ aba gbanɔ mɛ amɛna fuflɔ̃fuflɔ̃ aba kpɛ yɛ owũsise bukusɔŋakɔ nɛ mɛ. Ishubhubhui lɛ kɔ yɛ denɔ ɔtsɔ nɛ ɔyɛkɔ vɛnɔ. Tɛlɛbɛlɛm.

Yakobo 2:10

Alasɛ anɔ nɛ gɛ anyɛna ɔshã nɛ petee mɛ tsyɛ pɛ akpatanɔ ɔlɛ kapɛ tieli ko tsyɛ aŋɛpɔ nɛ ɛlɛ petee mɛ.

1 Petro 4:13

Pɔ nɔ mɔ same sɛ nɔ bhɛtɛ tili nɛ Kristo butɔ mumɔ nɛ mɛ, sɛ tɛ nɔ bɔ mɔ same ɔflanɔ kibenɔ nɛ gɛ be bu yɛ ishubhubhui nɛ akasɛ.

2 Petro 1:10

Kɛlɛso, madzyalɛ mɔ, nɔ wlãkɛ dɛana tɛ nɔ bhɛtɛ wɔnɔ tɛkuklu nɛ tɛbubu ba pɛɛ̃. Alasɛ onugɛ nɔ bhɛtɛ ebuianɛ, nɔtɛ bɔ dɔ oboe,

Yuɖa 1:21

Nɔ nyɛna wɔnɔ shu ɔkpɛ Kpaya anɔ ɖuɖɔm nɛ kibe lɛ mɛ gɛ no dzi ozo po ApaleteYesu Kristo eshutukubui didi sɛ tɛ amɛna nɔ kɔ ɛkpã gɛ tɛ ba beke di.

Tɛbubukasɛ 14:5

Ba dɛ mɔ otro kanyaka nɛ balɛ inugbu mɛ; kɛpɔ kanyaka ma balɛ shu.