Yohanɛsɛ 9:1 - ONUGBÙ NYƐNYÃ VUVƆ

¹ Gɛ Yesu àga afla, amɔ anyɛ teli gɛ ba mɔ nɛ awɔ̃hũpupu.

Yohanɛsɛ 9:1 ပူးပေါင်းရင်းမြစ်များ

Mateo 20:30

Bawɔ̃hũpu tɛabha teli ba za kidzo nu tɔ, klɛ gɛ be nu asɛ Yesu aafla, ba kpɛ ogugu asɛ, “Apalete, Daviti yɛ Eyi, di lɔ eshutukubui!”

Mateo 9:27

Gɛ Yesu ashɛ̃ aavɛ denɔ ɔkɛlɛ, awɔ̃hũ pupuelete tɛabha ba za yɛe de, nɛ yɛ tɛ kukulu sɛ, “Di bulɔ eshutukubui, Daviti Yeyi!”

Marko 9:21

Yesu ebisi eyi nɛ yaka nɛ asɛ, “Kibe ɖueɖuibe ke anuvɔ nɛ abhɛtɛ kana?” Eyiaka nɛ aɖɔ asɛ, “Denɔ kɛnuvɔbe mɛ ke.”

Luka 8:43

Klɛ adzɛ teli aza ɔkɛlɛ gɛ dzyosu aba yɛ shu agɔ lɔfɔnɛtabha na, pɔ anɔnyanɔ adɛ beke bunya nɛ akɔ yɛ.

Yohanɛsɛ 5:5

Anɔ teli gɛ agba agɔ lɔfɔnɛ tasɔɛ aza ɔkɛlɛ.

Yohanɛsɛ 8:59

Nɛ ɔkɛlɛ ɔlɛ ba tɔkɛ aklãgbu sɛ tɛ be hu yɛ, pɔ Yesu alɛla, ekoeyi nɛ kpayavu kesukpa nɛabha.

Yohanɛsɛ 9:2

Yɛ badɔkpasɛ nɛ bisi yɛ asɛ, “Adɔkasɛ, ane yɛ bhɛbhɛtɛ kizizi, anyɛa pɛnɔ yɛ ni nɛ yɛ aka?”

Axwɛwɛwa 14:8

Nɛ Listra anyɛ teli aza ɔklɛ gɛ butsrukpɔ nɛ gba kɔɛ, gɛ enu kɛkpata denɔ ɔmɔkɔ klɛ aka ga edi.

Axwɛwɛwa 28:4

Gɛ kesukpɛa lɛlɛ nɛa bha banɔ na mɔ eblidzya nɛ gɛ asɔmɛ yɛ kahukpɔ nɛɛ, ba ɖɔ nɛ aglɔm asɛ, “Anya nɛɛ ebe dzi anɔ gɛ eyianɔ; alasɛ enye de koeyi nɛ aƒu nɛm bubɔɛbɔɛ, pɔ kebhui ke bu yɛ butsya sɛ tɛ aza nɛ ɛkpã.”

Axwɛwɛwa 4:22

Alasɛ anɔ nɛ gɛ yɛ bunya nɛ tɛbibeke nɛ bhɛtɛ bi nɛ atɛ yɛkɛ aflanɔ agɔ afɛtalɛ̃.

Axwɛwɛwa 9:33

Ɔkɛlɛ ada mɔ anyɛ teli gɛ be kulu asɛ Eneasɛ, gɛ awɔesukpa nɛ oputsoa bha agɔ tasuɔɛ.