Yohanɛsɛ 8:38 - ONUGBÙ NYƐNYÃ VUVƆ

³⁸ Itsre nɔ kɛdɔ nɛ gɛ ɛmɔ denɔ ma Aka nɔ kɔ, klɛ nɔ bhɛtɛ kɛ dɔnɔ gɛ nɔ nu denɔ wunɔ aka kɔ.”

Yohanɛsɛ 8:38 ပူးပေါင်းရင်းမြစ်များ

Mateo 3:7

Pɔ gɛ amɔ Farisianɛ anɛ Sarusianɛ gɛ baa ba ɔkɛlɛ gɛ aakpɛ buni, etsre alɛ asɛ, “Wɔnɔ atagblashã yam banɔ! Anee ye tsre nɔ sɛ no si ɔlɔ butɔ nɛ gɛɛ ba?

Yohanɛsɛ 14:10

Nɔ dɛ yɛkɛŋa sɛ ɛlɛ Aka nɛ mɛ klɛ Aka nɛ alɛ mɛ mɛ? Ebui nɛ gɛ ɛɖɔ tsre nɔ le di de mɛnahwɛ ɔkɔ. Pɔ nɛ Aka nɛ, gɛ alɛ mɛ mɛ yɛ abhɛtɛ yɛ xwɛ.

Yohanɛsɛ 14:24

Anɔ gɛ adɛ dɛmɛnɔ nɛ mɛ atɛba bhɛtɛ atrɔ mɛ kɛdɔkɛkasɛ nɛabha. Ebuianɛ gɛ nɔ nu le dinu mɛnahwɛ ayɛ, le nu Aka nɛ gɛ akpɛ mɛ nɛ ayɛ.

Yohanɛsɛ 17:8

Alasɛ ɛkɔ alɛ ebui gɛ ɔkɔ mɛ klɛ ba yɛkɛ alɛ. Be nyi nɛ kɛgbɛagba sɛ ɛde wɔ kɔ klɛ ba yɛkɛŋa sɛ wɔ kpɛ mɛ

Yohanɛsɛ 3:32

Yɛ aɖɔaɖɔ denɔ kɛ gɛ amɔ nɛ̀ enu, pɔ anɔnyanɔ atɛ yɛkɛ yɛ kaɖɔɖuɖɔ.

Yohanɛsɛ 5:19

Yesu akɔ alɛ kesinunuɛ nɛ sɛ “Itsrenɔ kɛgbɛagba sɛ, Eyianyɛ atɛ babhɛtɛ kɛdɛnyɛdɔ nɛ yɛnahwɛshu ahwɛ, abana abhɛtɛ kɛ gɛ ko amɔ yɛ Aka abhɛtɛ, alasɛ kɛkanyaka gɛ Aka nɛ abhɛtɛ klɛ Eyianyɛ nɛ tsyɛ abhɛtɛ.

Yohanɛsɛ 5:30

Mɛ nahwɛ ɛtɛ bana kɛdɔnyɛdɔ bhɛtɛ, iklu kebhui anasɛ kɛgɛ inu nɛ ko klɛ mɛ kɛbhuikuklu kenu kadzyɔgo, alasɛ ɛtɛ pɛɛ sɛ kɛ ku mɛnahwɛ awɔ̃ pɔ kɔ agɛ akpɛ mɛ.

Yohanɛsɛ 8:26

“Ebui gelee alɛ mɛ ahwɛ gɛ ɛba kɔ klu kebhui nɛ nɔ. Pɔ agɛ akpɛ mɛ enu anɔ gɛ ba be lu awɔ̃ nɛabha, klɛ agɛ inu denɔ yɛ kɔ alɛ mɛ tsre kanɔ.”

Yohanɛsɛ 8:41

Nɔ bhɛtɛ ebui nɛ gɛ wɔnɔ aka nahwɛ nɛ ábhɛtɛ.” “Anɛ kɛglɔ mɛ beyi lɔ nu.” ba lɔɛtiti nɛ lɛ shu. “Aka Terikpo ko gɛ alɛ blɔ ahwɛ yɛ nu Kpaya nahwɛ.”

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.