Yohanɛsɛ 8:32 - ONUGBÙ NYƐNYÃ VUVƆ

³² Ɔkɛlɛ nɔ bɔ ti gbɛagba, gɛ kibui gbɛagba ba bhui nɔ yɛkɛ.”

Yohanɛsɛ 8:32 ပူးပေါင်းရင်းမြစ်များ

Mateo 11:29

Nɔ yɛkɔ mɛ ɔkpakasi nɛ ɔtrɔ shu tɛ nɔ kpasɛ kɛdɔ denɔ mɛ ɔkɔ, alasɛ ɛyɔ klɛ mɛ dɔfɔ̃ɔ nɛ idzyi mɛ, klɛ nɔ bɔ mɔ omuenekɔ kɔ wɔnɔ atɔwi.

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 1:17

Alasɛ ba kɔ ɔshã ganɔ Mose abha, ɛyɛmɛyuyɔ anɛ̀ kɛgba nɛ ba ganɔ Yesu Kristoa bha.

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Yohanɛsɛ 16:13

Pɔ kibenɔ nɛ gɛ yɛ, kɛgbɛagba Ɔfufɔɛ, nɔ ba, aba gbanɔ lɔ kpɛ kɛ gbɛagba petee mɛ. Atɛ ba ɖɔaɖɔ nɛ́ yɛnahwɛ shu ahwɛ, aba ɖɔ kɛgɛ enu nɛ ko, klɛ aba ɖɔ tsre nɔ kɛ gɛ kɛ ba ba.

Yohanɛsɛ 17:17

Danɛ alɛ shu ganɔ kibui gbɛagba, wɔɛ bui nɛ nu kɛgbɛagba.

Yohanɛsɛ 6:45

Ebuiɖɔlu Ba ŋlɔmɛ nɛ Atɔnu keplukpa nɛ mɛ asɛ: ‘Kpayɛa aba kasɛ alɛ petee dɔ.’ Anɔnyanɔ gɛ ata Aka na tɔ klɛ akpasɛ bui denɔ yɛ ɔkɔ aba ba mɛ kɔ.

Yohanɛsɛ 7:17

Onugɛ anɔ teli apɛɛ asɛ tɛ abhɛtɛ Kpaya tɛpɛpɛɛ, aba pɛa sɛ tɛ eti asɛ mɛ̀ kɛdɔkɛkasɛ nɛ de Kpaya kɔ, pɛnɔɔ kɛ nu sɛ mɛ nahwɛ kaɖɔ mɛ ɖɔ.

Yohanɛsɛ 8:36

Kɛlɛso onugɛ Eyi ashɛ̃nahwɛ wɔ shu, ba shɛnahwɛ wɔ shu gbɛagba.

Romanɛ 6:22

Pɔ ɔtsɔ̃ nɛ gɛ be ti bule nɔ edenɔ buzizi mɛ, klɛ no dzi banɔdzidzi kɔ Kpaya, kɛ gɛ nɔ bɔ mɔ denɔ kɛlɛ mɛ nɛ ba kpɛ nɔ nɛ ishubhubhui mɛ, klɛ kɛ gɛ ba de koeyi nɛ kɛlɛ mɛ nɛ nu ɛkpã mabeke mabeke.

Romanɛ 8:15

Alasɛ nɔ dɔɔ flɔ yɛkɛ ɔfufɔɛ nɛ gɛ ɔbhɛtɛ nɔ anɔdzidzi kɔ kifusisi, pɔ nɔ yɛkɛ eyidzidzi Ɔfufɔɛ. Klɛ ganɔ yɛa bha bu kpɛ ogugu sɛ, “Abba, Aka.”

Romanɛ 8:2

alasɛ ganɔ Yesu Kristo mɛ ɛkpã Ɔfufɔɛ ɔshã nɛ obu mɛ nɛ buzizi anɛ butsi ɔshã nɛm.

1 Kɔrintioanɛ 7:22

Alasɛ anɔ nɛ gɛ edzi anɔdzidzi kibelɛ nɛ gɛ Apalete nɛ eklu yɛ enu Apalete anɔ gɛ kibunyɛbui dɛ nyɛna yɛ; kanake, anɔ nɛ gɛ alɛ ishuahwɛ flogo gɛ be klu yɛ enu Kristo anɔdzidzi.

Galatianɛ 5:1

Ishuahwɛzɛza so gɛ Kristo ebe bhulɔayɛkɛ. Nɔ za ishu mɛ gɛganɛ, nɛ kɛlɛede, klɛ nɔ tɔ kɔ sɛ ba fla ba trɔ nɔ anɔdzidzi ɔkpakasi kituku.

Galatianɛ 5:13

Wɔnɔ, madzyalɛ, be klu sɛ tɛ nɔ za ishuahwɛ. Pɔ nɔ tɛ yɛkɔ wɔnɔ shu ahwɛzɛza ɔzɔ bhɛtɛ ebuizizi, kɛlɛ ɔzakɔ nɔ dɛ axwɛ kɔ ɔhaglɔɛ nɛ tɛdɛdɛmɛ nɛ anɔ.

2 Timotio 3:7

kibenyɛbe ba kpasɛ kɛdɔ pɔ ba taa kpɛ kɛgba nɛ kɛxawũ.

Yakobo 1:25

Pɔ anɔ nɛ gɛ edi ɔshã nɛna nɛm mɔmɔ gɛ ɔmɛna ishuyuyɔ, klɛ avɛ kɛlɛ tɛbhɛbhɛtɛ nɛa bha, pɛ ataa dzɛkɛ kɛgɛ enu, pɔ abhɛtɛ kɛlɛa bha— ba ba yula yɛ nɛ kɛgɛ abhɛtɛ nɛm.

Yakobo 2:12

Nɔɖɔ kaɖɔ tɛ ɔbhɛtɛ ansɛ banɔ gɛ ɔshã nɛ gɛ ɔɔkɔ kɛdɔ fãa obo kulebhui nɔ,

1 Petro 2:16

Nɔ za anasɛ banɔ gɛ balɛ ɛshuahwɛ, pɔ nɔ tɛ yɛkɔ ishuahwɛzɛza kɔ kidzo kɔ kizizi, nɔ za anasɛ Kpaya baxwɛdɛ.

2 Yohanɛsɛ 1:1

Kibui nɛ de Eshishe nɔ kɔ, Kɔ Adzɛ kuklu anɛ̀ yɛ beyi, gɛ ɛdɛmɛnɔ nɛ́ kɛgbɛagba mɛ—klɛ ganɛ mɛ tite, pɔ bulɔ petee gɛ bu nyi kɛgbɛagba—