Yohanɛsɛ 7:28 - ONUGBÙ NYƐNYÃ VUVƆ

²⁸ Kɛlɛ Yesu eke tsri kɛdɔkɛkasɛ nɛabha nɛ kpayavu oxogokɔ, akpɛ ogugu gɛganɛɛ asɛ, “Ee, nɔ nyi mɛ, klɛ nɔ nyi ɔkɛlɛ gɛ ide. Ɛma ɔkɛnɛ nɛ mɛnahwɛ shuahwɛ, pɔ anɔ nɛ gɛ akpɛ mɛ yɛ nu gbɛagba. Nɔ ti nyi yɛ,

Yohanɛsɛ 7:28 ပူးပေါင်းရင်းမြစ်များ

Mateo 11:27

“Ebui nɛ petee mɛ Aka nɛ atɛ yɛkɔ akpɛ mɛ ahwɛ. Anɔnyanɔ etinyi Eyi gɛ odinu sɛ Aka, klɛ anɔ nyanɔ etinyi Aka gɛ odinu sɛ Eyi nɛ banɔ nɛ gɛ Eyi nɛ apɛa sɛ tɛ ebu yɛ akasɛ.

Mateo 2:23

klɛ ada za ɔma toli gɛ bee kulu asɛ Nazarɛtɛ nɛm. Kana kɛda ba kɛlɛm anasɛ gɛ ba ɖɔɛ lɛ aganɔ batɔmu nɛa bha asɛ: “Be be kulu yɛ asɛ Nazarɛtɛeyi.”

Mateo 26:55

Nɛ kibe lɛ nɛ mɛ Yesu etsre banɔɛza nɛ asɛ, “Iputɔ kɔ kititi lulɔ banɔ teli, so pɛɛ nɔ yɛkɔ bupamɛ anɛ busukpogunu pɛ no bo vu mɛ? Ɛza busɔlɛevu nɛ mɛ kibenyɛbe ɛɛkasɛdɔ, klɛ no di vu mɛ odi.

Luka 10:22

“Maka ayɛkɔ kɛdɔ nɛ petee akpɛ mɛ ahwɛ. Anɔnyanɔ eti nyi anɔ nɛ gɛ Eyi nɛ enu ɔdɛ̀ sɛ Aka, klɛ anɔnyanɔ eti nyi anɔ nɛ gɛ Aka nɛ enu ɔdɛ̀sɛ Eyi nɛ̀ ba gɛ Eyi eklu sɛ tɛ be bu yɛ akasɛ.”

Luka 2:11

Obo nɛ Daviti ɔma nɛ mɛ bamɔ Ayɛyɛkɛkɔ kɔ nɔ, yɛ nu Kristo Apalete.

Luka 2:39

Gɛ Yosef anɛ Maria ba bhɛtɛ kibuinyɛbui beke nɛ Apalete nɛ Ɛshã tɛbibisi nɛ nu, be tsodzi avɛ Galelia balɛ nahwɛ ɔma nɛ mɛ nɛ Nazarɛtɛ.

Luka 2:4

Kɛlɛ so Yosɛfu tsyɛ alɔ de Nazarɛtɛ ɔma nɛ Galelia ewu avɛ Yuɖea, nɛ Betlehem Daviti ɔma nɛ mɛ alasɛ enu Daviti bupa mɛ anɔ klɛ alɛ aplɛnɔ Daviti kɛpatsu.

Luka 2:51

Ɔkɛlɛ atɔnɔ alɛ klɛ be zhi avɛ Nazarɛtɛ klɛ ada ta ba lɛ atɔ. Pɔ yɛ eni abala ebuia nɛ petee akpɛ yɛ idzyi mɛ.

Yohanɛsɛ 1:46

Nataniɛl ebisi asɛ, “Nazarɛtɛ! Kibui dzyɔgo tili ba de ɔkɛlɛ?” Filipo asɛ, “Ba tɛ ɔbo di.”

Yohanɛsɛ 10:36

kide nɔ ɖɔ denɔ agɛ Aka ebu lɛ ɔtɔ anasɛ yɛnahwɛ ayɛ klɛ akpɛ yɛ nɛ kanɔ nɛ mɛ? Kɛdɛso gɛ ɔtsɔlɛ nɔ butɔ mɛ sɛ ɛɖɔ ebuisobui alasɛ ɛɖɔ sɛ, Kpaya yɛ Yi mɛ nu?

Yohanɛsɛ 12:49

Alasɛ ɛdɛ ɖɔ kibui nɛ nɛmɛnahwɛ shu ahwɛ, pɔ Aka nɛ gɛ akpɛ mɛ yɛ akɔ mɛ ɔshã sɛ tɛ ɛɖɔ kɛ gɛ ɛba ɖɔ nɛ ka na gɛ ɛba ɖɔɛ lɛ.

Yohanɛsɛ 14:10

Nɔ dɛ yɛkɛŋa sɛ ɛlɛ Aka nɛ mɛ klɛ Aka nɛ alɛ mɛ mɛ? Ebui nɛ gɛ ɛɖɔ tsre nɔ le di de mɛnahwɛ ɔkɔ. Pɔ nɛ Aka nɛ, gɛ alɛ mɛ mɛ yɛ abhɛtɛ yɛ xwɛ.

Yohanɛsɛ 14:31

pɔ alasɛ tɛ kanɔ nɛ ti sɛ ɛdɛmɛnɔ nɛ mɛ Aka kɛlɛso ɛbhɛ̀tɛ̀ trɔ mɛ Aka ɛshã nɛ gɛ akɔ mɛ nɛabha. “Nɔ ba ɔtsɔlɛ, nɔ kɔ lɔshɛ̃ nɛ ɔkɛnɛ.

Yohanɛsɛ 16:3

Ba babhɛtɛ ebuia nɛdi alasɛ beti nyi Aka pɛnɔ mɛ.

Yohanɛsɛ 17:25

“Aka Nɛna, kɛlɛlɛmɛ sɛ kanɔ nɛ ti nyi wɔ, mɛ nyi wɔ, klɛ benyi sɛ wɔ kpɛ mɛ.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Yohanɛsɛ 3:2

Aba Yesu ɔbha elishi teli klɛ aɖɔ sɛ, “Rabbi, bunyi sɛ wɔnu adɔkasɛ gɛ ede Kpaya kɔ. Alasɛ anɔnyanɔ atɛ bana ebuiyinɔanɔ kɛdɔmumɔ nɛ gɛ ɔbhɛtɛ nɛ abhɛtɛ, onugɛ Kpaya ama plɛnɔ yɛ.”

Yohanɛsɛ 3:33

Anɔ gɛ ayɛkɛ lɛ akasɛ asɛ Kpaya enu kɛgbɛagba.

Yohanɛsɛ 5:32

Pɔ abhlatɔ alɛ gɛ aɖɔaɖɔ denɔ mɛ shu, klɛ inyi sɛ kaɖɔɖuɖɔ nɛ mɛ shu na ŋa.

Yohanɛsɛ 5:43

Ɛba nɛ maka nɛ nyi mɛ, klɛ nɔ dɛ yɛkɛ mɛ, pɔ onugɛ anɔ tɛli aba nɛ yɛnahwɛ nyimɛ, nɔ bɔ yɛkɛ yɛ.

Yohanɛsɛ 6:42

Ba ɖɔ sɛ, “Anɛ yɛe nu Yesu, Yosef yɛeyi gɛ aka anɛ̀ eni bu nyi? Kɛlɛ ɔtsɔlɛ aba ɖɔ sɛ, ‘Ezhi de Owũsise ba’? ”

Yohanɛsɛ 7:14

Kiwuiŋɛŋa nɛ ku kɛlɛ shitɛbha flogo gɛ Yesu ewu avɛ kpayavu nɛ mɛ klɛ adakpɛ kɛdɔkɛkasɛ esi.

Yohanɛsɛ 8:14

Yesu ebu ishu nu asɛ, “Onugɛ ɛɖɔaɖɔ nɛ mɛnahwɛ shu tsyɛ, mɛ ebuimɔɖɔ nɛ aŋa, alasɛ inyi ɔkɛlɛ gɛ ede nɛ ɔkɛlɛ gɛ ɛvɛ. Pɔ kɛma wunɔ tɔkpuimɛ ɔkɛlɛ gɛ ede nɛ ɔkɛlɛ gɛ ɛvɛ.

Yohanɛsɛ 8:16

Pɔ onugɛ ɛklu kebhui, mɛ buimumɔ nɛ na, alasɛ anɛ mɛ tite. Ɛlɛ nɛ Aka, agɛ ya kpɛ mɛ.

Yohanɛsɛ 8:19

Klɛ Farisianɛ ne bisi yɛ asɛ, “Fakɔ wɔ aka alɛ?” Yesu ebuilɛnu asɛ, “No ti nyi mɛ gɛ ma Aka no bo ti.” “Onugɛ no nyi mɛ, nɔ bɔ ti ma Aka tsyɛ.”

Yohanɛsɛ 8:26

“Ebui gelee alɛ mɛ ahwɛ gɛ ɛba kɔ klu kebhui nɛ nɔ. Pɔ agɛ akpɛ mɛ enu anɔ gɛ ba be lu awɔ̃ nɛabha, klɛ agɛ inu denɔ yɛ kɔ alɛ mɛ tsre kanɔ.”

Yohanɛsɛ 8:42

Yesu etsre alɛ sɛ, “Onugɛ Kpaya ebe dzi wunɔ Aka, nɔ tɔ dɛmɛnɔ nɛ mɛ alasɛ ɛde Kpaya ɔkɔ klɛ ɔtsɔnɛ ɛlɛ ɔkɛ nɛ. Ɛdɛ ba nɛ mɛ nahwɛ shui mɛ, pɔ ya kpɛ mɛ.

Yohanɛsɛ 9:29

Bulɔ bu nyi sɛ Kpaya aɖɔaɖɔ kɔ Mose, pɔ anyɛanɛ, bu tɛ nyi ɔkɔnɔ kuratsyɛ gɛ ede.”

Axwɛwɛwa 17:23

Alasɛ gɛ ɛkana anɛ mɛ awɔ̃hũ vuvu nɛ kɛdɔnɔ nɛ gɛ nɔ kpɛ kɛtɔkpuesi kɔ nɛɛ, ɛmɔ wɔnɔ busɔlɛvu mɛ osubha tolia bha gɛ ba ŋlɔmɛ asɛ: kɔ kpaya gɛ anɔnyanɔ etinyi. Ɔtsɔ̃ nɛɛ Kpaya nɛ gɛ no ti nyi nɛɛ pɛ nɔ kpɛ kɛtɔkpuesi kɔ yɛ kibui mɛ ba ɖɔ tsre nɔ.

Romanɛ 1:28

Ɔyɛkɔ vɛnɔ otugba, gɛ ba dɛ bhɛtɛ kɛtɔkpum sɛ tɛ ba nyɛna Kpaya tɛtitim evunɔ so, ashɛ̃nahwɛ balɛ shu akɔ kɛtɔkpum manamana, gɛ kɔ sɛ tɛ ba bhɛtɛ kɛgɛ ma sɛ tɛ ba bhɛtɛ.

Romanɛ 3:4

Kɛma na! Kɔ Kpaya edzi kɛgba, klɛ tɛ anɔnyanɔ edzi etroni. Anasɛ gɛ ba ŋlɔmɛ elu asɛ, “Sɛ tɛ ba trɔ ahwɛ nɛ wɔabha sɛ ɔna onu gɛ ɔɖɔaɖɔ klɛ tɛ wɔɛ bui nɛ ŋa onu gɛ okuluebhui.”

2 Kɔrintioanɛ 1:18

Pɔ kɛgbɛagba anasɛ gɛ Kpaya tɛyɛyɛkɛŋa lɛ, bulɔ ɔklasɔ kɔ nɔ kɛ dɛ nu sɛ “Ee,” anɛ “Oo.”

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

Hebriuanɛ 6:18

Kpaya abhɛtɛ kibui nɛ asɛ tɛ, ganɔ ebui tabha gɛ eti be tsyina mɛ gɛ kɛ tɛ ba za sɛ Kpaya ana otro hu, tɛ bulɔa gɛ tɛ fla da nyɛna kidzoenudidi nɛ mɛ gɛ ba kɔ lɔ nɛ vunɔ bu mɔ kemi gbɛgbla.

1 Yohanɛsɛ 5:10

Anɔnyanɔ gɛ ayɛkɛ Kpaya yɛ Yi nɛabhaŋa ayɛkɛ yɛ kaɖɔɖuɖɔ nɛ yɛ idzyi mɛ. Anɔnyanɔ gɛ adɛ yɛkɛ Kpaya bhaŋa ebu eyinɔ asɛ Kpaya enu otro elete, alasɛ adɛ yɛkɛ Kpaya kɛbui ɖɛɖɔ nɛabhaŋa gɛ aɖɔ denɔ ye Yi shu.