Yohanɛsɛ 6:63 - ONUGBÙ NYƐNYÃ VUVƆ

⁶³ Ɔfufɔɛ nɛ ɔkɔ kpã, ishuidzya kɛ dɛ nu kɛdɔnyɛdɔ. Ebui nɛ gɛ ɛɖɔ tsre nɔ le nu ɔfufɔɛ klɛ le nu ɛkpã.

Yohanɛsɛ 6:63 ပူးပေါင်းရင်းမြစ်များ

Yohanɛsɛ 5:21

Kana gɛ Aka anyɛmɛ banɔ tsitsi klɛ àkɔ alɛ ɛkpã, kanake Eyianyɛ àkɔ ɛkpã bagɛ adɛmɛ sɛ tɛ akɔ.

Yohanɛsɛ 6:68

Simɔn Petro ebulɛnu akɔ yɛ asɛ, “Apalete, ane yɛ ɔkɔ bu ba vɛ? Wɔ ahwɛ ɛkpã mabekemabeke ebui na lɛ.

Axwɛwɛwa 5:20

Axwɛdɛ nɛ etsrea lɛ asɛ, “Nɔ vɛ, nɔ dɔ za busɔlɛvu kɛma nɛm,” “tɛ nɔ dɔ ɖɔ ɛkpã vuvɔɛ nɛ kibui petee otsre banɔ.”

Romanɛ 10:17

Nɛ kɛlɛ mɛ, tɛyɛyɛkɛŋa kɛɛ de kibui nɛ tɛnunu mɛ, klɛ kibui nɛɛ be nui lɛ ganɔ Kristo kaɖɔ nɛ mɛ.

Romanɛ 2:25

Kɛdzyɔgo lɛ bunyɛnyɛ bhubhui shu onu gɛ ɔnyɛna ɔshã nɛm ovunɔ, pɔ onu gɛ ɔdɛ bhɛtɛ ɔshã nɛa bha, odzi anasɛ anɔ nɛ gɛ edi bhui bunyɛnyɛ.

Romanɛ 8:2

alasɛ ganɔ Yesu Kristo mɛ ɛkpã Ɔfufɔɛ ɔshã nɛ obu mɛ nɛ buzizi anɛ butsi ɔshã nɛm.

1 Kɔrintioanɛ 15:45

Kɛlɛso baŋlɔmɛ elu asɛ: “Anɔ tɛtɔpu Aɖam ebedzi ɛkpã anɔ” agɔgɔɛ Aɖam ɛkpã kukɔ ɔfufɔɛ.

Galatianɛ 5:25

Gɛ Ɔfufɔɛ nɔ kɔ sɛ bulɛ nɛkpã, nɔ kɔ lɔ bu ɔtsrɛ plɛnɔ Ɔfufɔɛ.

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Galatianɛ 6:15

Bunyɛnyɛ bhubhui anɛ bunyɛnyɛ mabhui mabhui dɛ nu kɛdɔnyɛdɔ, kɛ gɛ nu kibui kɛlɛ nu tɛbhɛbhɛtɛ vuvɔ.

1 Tɛsolonianɛ 2:13

Klɛ bu tsri lɛa bha tsyɛ hu Kpaya ahwɛ alasɛ, onu gɛ nɔ yɛkɛ Kpaya kibui, gɛ no nu denɔ bulɔ kɔ, nɔ yɛkɛ lɛ ganɛ ansɛ banɔdzyrame kibui ɖuɖɔ, pɔ ansɛ gɛ kɛ lɛ, pɛ ki nu Kpaya bui, nɛ gɛ kɛwa kɛxwɛ nɛ wɔnɔa gɛ ɔyɛkɛ ɔŋa nɛ mɛ.

1 Timotio 4:8

Alasɛ ishuidzyam hihe nɛ lɛ kedziŋɛŋa tieli mɛ, pɔ kpayamzɛza kedziŋɛŋa lɛ kɔ kɛlɛ nɛ ebui nɛ petee mɛ, ki vunɔ kidzoenudidi kɔ ɔtsɔ̃ nɛ ɛkpã anɛ ɛkpã nɛ gɛ ba tɛ ba.

Hebriuanɛ 13:9

Nɔ tɛkɔ kɛdɔ kɛkasɛ bhlatɔ dinyɛdi kɛ gbanɛ nɔ koeyi nɛ kidzo dzyɔgo nɛabha. Kɛbɔ sɛ tɛ kɛdɔkukɔ kpɛ lɔ idzyi kemi, anɛ kibenyɛbe dɔ ŋɛŋa gɛ kɛdɛ plɛnɔ bagɛ baŋa lɛ.

Hebriuanɛ 4:12

Alasɛ Kpaya bui kɛlɛ nɛ ɛkpã klɛ kɛwaɛxwɛ. Kɛlɛɔŋa dɛ kɛpamɛ inugbu tɛbha kanyaka, kɛ bana kɛtɔwui anɛ ɔfufɔɛ shi tsoku ma lɛ shi, axwatsyakɔ anɛ axwambɔ, kɛ klu kebhui nɛ idzyi anɛ kɛtɔkpum ebuibhɛbhɛtɛ.

Yakobo 1:18

Ayɛkɔ sɛ aba mɔ lɔ ganɔ kɛgba kibui nɛm, sɛ tɛ bu ba dzi eyuyu tutɔpu teli di nɛ kɛdɔ nɛ petee gɛ abhɛtɛ nɛ shi.

1 Petro 1:23

Alasɛ betsodzi nɔ amɔ, anɛ kiyi zizi, pɔ nɛ́ mazimazi, ɔganɔ Kpaya ɛkpã zɛza nɛ ebui bhɛbhɛtɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Petro 3:21

klɛ buni nɛ bu ba dzi bunikpɛkpɛ gɛ ɔtsɔnɛ bubhui nɔ tsyɛ ɔyɛkɛ—ganɛ kibo bubu nɛ ishuidzya shu pɔ tɛtɛtrɔ ɛkpã dzyɔgo zɛza kɔ Kpaya. Kɛ yɛkɛ kɔ nɔ ganɔ Yesu Kristo yɛ tɛnyɛnyɛmɛ denɔ bekpuimɛ,