Yohanɛsɛ 6:53 - ONUGBÙ NYƐNYÃ VUVƆ

⁵³ Yesu etsre alɛ sɛ, “Itsre nɔ kibui kɛgba, odinu sɛ nɔ tã Anɔdzyrame Yi nɛ ishuidzya klɛ nɔ wɔẽ yɛ dzyosu, ɛkpã tɛ ba za wɔnɔ mɛ.

Yohanɛsɛ 6:53 ပူးပေါင်းရင်းမြစ်များ

Mateo 18:3

Klɛ aɖɔ asɛ: Itsre nɔ kɛgba sɛ, odɛ nu sɛ no tsyina klɛ nodzi ansɛ banuvɔ bhli, nɔ tɛ bɔ na owũsise bukusiɔŋakɔ nɛ mɛ tsoku odi.

Mateo 5:18

Itsre nɔ kɛgba, ɔdɔnanɔ kibe lɛ gɛ owũsise anɛ kesukpa kaa lɛla, kɛdɔ ŋuŋlɔmɛ bhli dɛ, kɛdɔŋlɔmɛshi kɛdɔfuflɔ̃ bhli, ganɔ kidzo nyɛdzoa bha nɛ tɛ baa lɛla nɛ Ɔshã nɛm ɔdɔnanɔ kibe lɛ gɛ kibuinyɛbui kɛ bɛɛ lɛm beke.

Mateo 8:20

Yesu ebu lɛ nu sɛ, “Ayakpamkudzɔgɛ nɛ mɔ ɛlɛ okukɔ klɛ kɛlɛɛm buzhuɔɛ nɛ tsyɛ mɔ bulɛ evu, pɔ Anɔdzyrame yɛ Eyi nɛ aka mɔ ɔkɛlɛ gɛ ebe lu yɛ tɔkpu.”

Luka 13:3

Itsre nɔ sɛ, ao! Pɔ odunu sɛ nɔ tsyinɛtemɛ, wunɔ petee tsyɛ nɔ bɔ tsi.”

Luka 13:5

Itsre nɔ sɛ, ao! Pɔ odunu sɛ nɔ tsyinaɛtemɛ wunɔ petee tsyɛ nɔ bɔ tsi.”

Yohanɛsɛ 13:8

Petro ɛtsre yɛ asɛ, “Ao, ɔtɛ bɔ plu mɛ butsurukpɔ di.” Yesu ebuilɛnu asɛ, “Ɛdɛ plu wɔ shu oti bo dzi mɛ adɔkpasɛ.”

Yohanɛsɛ 15:4

Nɔ za mɛ́ mɛ, klɛ ɛba za wɔnɔ mɛ. Ɔshɛ̃ kanyaka ɔtɛ bɔ na yu nɛ ɔlɛ nahwɛ shuahwɛ; alasɛ tɛ lɔ ta vãyɛ̃ nɛ shu. Kanake no ti bo yu eyuyu odinu ɔkpasɛ mɛ́ mɛ.

Yohanɛsɛ 3:3

Nɛ kɛlɛesi bubu Yesu ebuaɖɔ sɛ, “Itsre wɔ gbɛagba sɛ, anɔnyanɔ atɛ ba mɔ Kpaya Bukusiɔŋakɔ nedi odunu sɛ be tsodzinɛ yɛ amɔ́.”

Yohanɛsɛ 3:36

Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Yohanɛsɛ 3:5

Yesu ebui lɛ nu asɛ, “Itsre wɔ kɛgbɛagba sɛ, anɔnyanɔ atɛ be tsoku Kpaya bukusiɔŋakɔ odɛ nu sɛ be ditsodzi yɛ amɔ nɛ́ buni nɛ̀ Ɔfufɔɛ.

Yohanɛsɛ 6:47

Itsre nɔ kɛgbɛ sɛ, anɔ nɛgɛ ayɛkaŋa aba mɔ ɛkpã mabekemabeke.

Yohanɛsɛ 6:51

Mɛ nu ɛkpã gbɛ̃gbɛ̃vu gɛ ede owũsise aba. Onugɛ anɔ teli atã gbɛ̃gbɛvui nɛ, aba za nɛ ɛkpã ɔvɛnɔ mabekemabeke. Gbɛ̃gbɛ̃vui nɛ kɛlɛ nu mɛ ishuidzya, gɛ ɛba yɛkɔ lu kɔ ɛkpã kɔ kanɔ.”

Yohanɛsɛ 6:55

Alasɛ mɛ ishuidzya nu kɛdɔwɛ̃wɛ̃ dzyɔgo klɛ mɛ dzyosu enu kɛwũwɔ̃ɛ dzyɔgo.

Yohanɛsɛ 6:62

Kide onugɛ nɔ mɔ Anɔdzyrame Eyɛi etsodzi ewu avɛ ɔkɛlɛ gɛ aza flogo!

1 Yohanɛsɛ 5:12

Anɔ nɛ gɛ ayɛkɛ Eyi ayɛkɛ ɛkpã, anɔ nɛ gɛ adɛ yɛkɛ Kpaya yɛ Yi ɛkpã ma yɛ ahwɛ.

Tɛbubukasɛ 2:17

Aanɔ gɛ batɔ alɛ yɛ, kɔ yɛ enu kɛ gɛ Ɔfufɔɛ nɛ otsre basɔlɛha. Agɛ yɛ aŋɛabha, ɛba kɔ yɛ mɛ tɛkpukpu mɛ ofomɛŋɛŋa. Ɛba kɔ yɛ tsyɛ kɛklãgbu fufu nɛ gɛ ba ŋlɔmɛ kinyi vuvɔ atrɔ kɛlɛa bha, gɛ agɛ yɛ ayɛkɛ lɛ nɛ ko yɛ enyi lɛ.

Tɛbubukasɛ 2:7

Anɔ nɛ gɛ batɔ alɛ yɛ, nɔ kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ yɛaŋɛabha, ɛba kɔ yɛ kidzo sɛ tɛ aŋa kɛdɔ edenɔ ɛkpãosi nɛ mɛ, gɛ ɔlɛ Kpaya buka mɛ.