Yohanɛsɛ 6:51 - ONUGBÙ NYƐNYÃ VUVƆ

⁵¹ Mɛ nu ɛkpã gbɛ̃gbɛ̃vu gɛ ede owũsise aba. Onugɛ anɔ teli atã gbɛ̃gbɛvui nɛ, aba za nɛ ɛkpã ɔvɛnɔ mabekemabeke. Gbɛ̃gbɛ̃vui nɛ kɛlɛ nu mɛ ishuidzya, gɛ ɛba yɛkɔ lu kɔ ɛkpã kɔ kanɔ.”

Yohanɛsɛ 6:51 ပူးပေါင်းရင်းမြစ်များ

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Luka 22:19

Klɛ ayɛkɔ gbɛgbɛvu, ehuahwɛ, klɛ ayɛ yɛmɛ klɛ aɖɔ sɛ, “ Kɛɛ nɛ klɛ nu mɛ shuidzya gɛ ba kɔ nɔ, nɔ bhɛtɛ kana tɛ nɔ yɛkɔ zɔ baka mɛ bui.”

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Yohanɛsɛ 11:26

klɛ anɔ nɛ gɛ alɛ nɛ ɛkpã gɛ ayɛkɛ mɛabhaŋa eti be tsi. Ɔyɛkɛ kibui nɛabhaŋa?”

Yohanɛsɛ 3:13

Anɔnyanɔ aka vɛ owũsise ɔyɛkɔdɛ agɛ ede owũsise aba—Anɔdzyrame Eyi.

Yohanɛsɛ 3:14

Anasɛ gɛ Mose efeke eblidzya akpɛ kabha nɛ odzogbe nɛ mɛ, so ba be feke Anɔdzyrame Yi akpɛ kabha,

Yohanɛsɛ 3:16

“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.

Yohanɛsɛ 3:36

Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Yohanɛsɛ 6:33

Alasɛ gbɛ̃gbɛ̃vu nɛ gɛ kɛ de Kpayɛa kɔ kɛlɛ nu anɔ nɛ gɛ ezhi de owũsise aba, klɛ akɔ ɛkpã kanɔ.”

Yohanɛsɛ 6:35

Kɛlɛ Yesu ebu etsre alɛ asɛ, “Mɛ nu ɛkpã gbɛ̃gbɛvu. Anɔ nɛ gɛ aba mɛ ɔkɔ bubhɛ tɛ ba yi yɛ, klɛ anɔ nɛ gɛ ayɛkɛ nɛabha ŋa oniwɛ tɛ bɔ tɛ yɛ.

Yohanɛsɛ 6:41

Nɛ kɛnɛnɛ mɛ belɛlɛ Yuɖanɛ be tenɔ onugbuesi kpɛ kɔ yɛ, alasɛ aɖɔ asɛ “Mɛ nu gbɛ̃gbɛ̃vu gɛ ezhi de owũsise ba.”

Yohanɛsɛ 6:47

Itsre nɔ kɛgbɛ sɛ, anɔ nɛgɛ ayɛkaŋa aba mɔ ɛkpã mabekemabeke.

Yohanɛsɛ 6:48

Mɛ nu gbɛ̃gbɛvu gɛ akɔ ɛkpã.

Yohanɛsɛ 6:50

Pɔ kɛlɛ nu gbɛ̃gbɛvu gɛ kɛde owũsise aba, gɛ anɔ abà ŋa klɛ eti bɛ tsi.

Yohanɛsɛ 7:38

Anɔ gɛ ayɛkɛ mɛ abhaŋa, abà mɔ kɔ. Klɛ tɛ ɔkɔ yɛ awɔɛ̃ ni, Kpayaeplukpa nɛ ɖɔ sɛ, ɛkpã keni buni, bu ba kpɛ nɛ yɛ mɛ.”

2 Kɔrintioanɛ 5:19

sɛ Kpaya abhɛtɛ terikpo nɛ kanɔ kɔ yɛnahwɛ shu nɛ Kristo mɛ, ganɛ sɛ akla banɔ nɛ ebuizizi nɛ balɛ shu. Klɛ ayɛkɔ terikpobhɛbhɛtɛ ɔklasɔ nɛ akpɛ bulɔahwɛ.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

Efesoanɛ 5:25

Badzɛenyine, nɔ dɛmɛ wɔnɔedzini alɛ bui, anasɛ gɛ Kristo adɛmɛ busɔlɛha nɛ bui klɛ ayɛkɔ yɛnahwɛ shu akɔ nɛ ɛlɛ tɔkpu

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Hebriuanɛ 10:20

ganɔ ɛkpã vuvɔ nɛ ɛlɛ tɛzɛza mɛ nɛ danɛ dzo ganɔ kedunuipɔtɛ nɛ gɛ nu yɛ ishuidzya nɛa bha,

1 Petro 2:4

Gɛ ɔba yɛ ɔkɔ, ɛkpã kɛklãgbu—banɔ ba shɛnahwɛ lɛ shu pɔ kɛlɛ Kpaya ebu klɛ kɛ ŋaedzi kɔ yɛ—

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

1 Yohanɛsɛ 4:10

Kɛnɛ kɛlɛ nu tɛdɛdɛmɛnɔ, ganɛ sɛ bulɔ tɛdɛdɛmɛnɔ nɛ Kpaya, pɔ sɛ adɛmɛ bulɔɛ bui klɛ asɛsɛ yɛ Eyianyɛ anasɛ ishu kukɔ kɔ bulɔ buzizi tsyitsye.

1 Yohanɛsɛ 4:14

Klɛ bu tɛ mɔ klɛ bu buɖɔ sɛ Aka asɛsɛ yɛ Eyianyɛ tɛ edzi Ayɛyɛkɛkɔ kanɔ.