Yohanɛsɛ 5:37 - ONUGBÙ NYƐNYÃ VUVƆ

³⁷ Klɛ Aka nɛ gɛ ya kpɛ mɛ yɛ nahwɛ atɛ̀ ɖɔaɖɔ denɔ mɛ shu. No ko nu yɛ oli mɛ odi ɔdɔgɔsɛ nɔ tɛ mɔ yɛ tɛzɛza mɛ,

Yohanɛsɛ 5:37 ပူးပေါင်းရင်းမြစ်များ

Mateo 17:5

Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Mateo 3:17

Klɛ oli toli mɛ ode owũsise sɛ, “Meyi naa, gɛ ɛdɛmɛnɔ; yɛm mɛ mɔ awɔ̃kuku mɔmɔ.”

Marko 1:11

Klɛ ogugu oyi denɔ owũsise pɛ lɔɔ ɖɔ sɛ, “Wɔ onu Meyi, gɛ ɛdɛmɛ nɔ; wɔ shu mɛ mɔ awɔ̃kuku.”

Luka 24:27

Klɛ kesikpɛkpɛ nɛ Mose anɛ̀ batɔnu petee, ebu alesi kɔ alɛ kɛ gɛ ba ɖɔ nɛ Kpayaeplukpa nɛ mɛ denɔ yɛnahwɛ shu.

Luka 3:22

klɛ Ɔfufɔɛ dzyɔgo nɛ ozhi ɔba yɛabha nɛ gɔgɔwi tɛzɛza mɛ. Klɛ olimɛ toli oyi denɔ owũsise sɛ: “Wɔ nu mɛ Eyianyɛ, gɛ ɛdɛmɛnɔ, nɛ wɔ shu same eku mɛ mɔmɔ.”

Yohanɛsɛ 1:18

Anɔnyanɔ aka mɔ Kpaya edi, pɔ Kpaya Eyi nɛ̀ Terikpo, gɛ alɛ Aka nɛ wã, ye abhɛtɛ sɛ bu ti yɛ.

Yohanɛsɛ 14:9

Yesu ebuilɛnu asɛ, “Oti nyi mɛ, Filipo, kibe dzidze nɛ gɛ ɛlɛ wunɔ ɔbhɛa tsye? Anɔnyanɔ gɛ amɔ mɛ amɔ Aka. Kide so gɛ ɔbɔ ɖɔ sɛ, ‘Kasɛ lɔ Aka’?

Yohanɛsɛ 15:24

Ɔtɔsɛ ɛdɛ bhɛtɛ nɛ balɛ shi kɛ gɛ anɔ teli adɛ bhɛtɛ, batɛ ba bu alɛ pɔ kɔ buzizi. Pɔ ɔtsɔnɛ ba mɔ ebuiyinɔanɔ anɛ, klɛ tsyɛ be gu bulɔ tɛabha mɛ nɛ ma Aka.

Yohanɛsɛ 5:32

Pɔ abhlatɔ alɛ gɛ aɖɔaɖɔ denɔ mɛ shu, klɛ inyi sɛ kaɖɔɖuɖɔ nɛ mɛ shu na ŋa.

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”

Yohanɛsɛ 8:18

Mɛ terikpo gɛ ɛɖɔaɖɔ kɔ mɛnahwɛ tɔkpu, mɛ ɛbuimɔɖɔ bhla yɛ nu Aka gɛ akpɛ mɛ.”

1 Timotio 1:17

Ɔtsɔ̃, kɔ ɔfufɔɛ mɛ Ekusi, gɛ eti tsi, gɛ ataa wɛ̃, yɛ ko yɛ enu Kpaya, gɛ kabhakpɛkpɛ nɛ ishubhubhui lɛ kɔ ɔyɛkɔ vɛnɔ mabeke mabeke mɛ. Tɛlɛbɛlɛm.

1 Timotio 6:16

gɛ yɛ ko yɛ enu agɛ etee tsi klɛ akpasɛ kifu gɛ ba tɛ ba na hebunɔ mɛ, gɛ anɔnyanɔ aka mɔ edi ɔdɔgɔsɛ aba mɔ. Yɛ tɛkpɛkpɛ nɛa bha nɛ bupu lɛ kɔ ɔyɛkɔ vɛnɔ. Tɛlɛbɛlɛm.

1 Yohanɛsɛ 4:12

Anɔnyanɔ aka mɔ Kpaya edi, pɔ onugɛ budɛmɛnɔ ɔhaglɔ, Kpaya alɛ bulɔɛ mɛ klɛ yɛ tɛdɛdɛmɛnɔ nɛ na nɛ́ bulɔɛ mɛ.

1 Yohanɛsɛ 4:20

Onugɛ anɔ teli aɖɔ sɛ, “Ɛdɛmɛ Kpaya bui,” pɔ egu yɛ adzya, enu otro lete. Alasɛ anɔnyanɔ gɛ adɛ dɛmɛnɔ adzya, gɛ amɔ, atɛ bana Kpaya gɛ yɛ ata mɔ mɛ bui adɛmɛnɔ.

1 Yohanɛsɛ 5:9

Bu dɛmɛ trɔ anɔ buiɖɛɖɔ abha, pɔ Kpaya ebuiɖuɖɔ la gɛganɛ adɛ alasɛ kɛlɛ nu Kpaya yɛ buiɖɛɖɔ, gɛ akɔ denɔ yɛ Yi nɛ shu.