Yohanɛsɛ 5:20 - ONUGBÙ NYƐNYÃ VUVƆ

²⁰ Alasɛ Aka adɛmɛnɔ Eyianyɛ, klɛ akasɛ yɛ kɛ gɛ lɛ petee abhɛtɛ. Ee kɔ wunɔ same mumɔɛ mɛ aba kasɛ yɛ ebui gbɛgbla tsyɛ gɛ aba bhɛtɛ adɛ.

Yohanɛsɛ 5:20 ပူးပေါင်းရင်းမြစ်များ

Mateo 11:27

“Ebui nɛ petee mɛ Aka nɛ atɛ yɛkɔ akpɛ mɛ ahwɛ. Anɔnyanɔ etinyi Eyi gɛ odinu sɛ Aka, klɛ anɔ nyanɔ etinyi Aka gɛ odinu sɛ Eyi nɛ banɔ nɛ gɛ Eyi nɛ apɛa sɛ tɛ ebu yɛ akasɛ.

Mateo 17:5

Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Mateo 3:17

Klɛ oli toli mɛ ode owũsise sɛ, “Meyi naa, gɛ ɛdɛmɛnɔ; yɛm mɛ mɔ awɔ̃kuku mɔmɔ.”

Mateo 4:8

Ɔfufɔɛkpã ɔzɔ gbanɔ Yesu ɔvɛnɔ butu ɖɛɖama tulia bha klɛ lɔ yɛkɔ kanɔm bukusiɛŋakɔ nɛ petee nɛ bulɛ mɛ tɛpupudi nɛ akasɛ yɛ.

Luka 10:22

“Maka ayɛkɔ kɛdɔ nɛ petee akpɛ mɛ ahwɛ. Anɔnyanɔ eti nyi anɔ nɛ gɛ Eyi nɛ enu ɔdɛ̀ sɛ Aka, klɛ anɔnyanɔ eti nyi anɔ nɛ gɛ Aka nɛ enu ɔdɛ̀sɛ Eyi nɛ̀ ba gɛ Eyi eklu sɛ tɛ be bu yɛ akasɛ.”

Yohanɛsɛ 1:18

Anɔnyanɔ aka mɔ Kpaya edi, pɔ Kpaya Eyi nɛ̀ Terikpo, gɛ alɛ Aka nɛ wã, ye abhɛtɛ sɛ bu ti yɛ.

Yohanɛsɛ 10:32

pɔ Yesu etsre alɛ sɛ, “Ɛbhɛtɛ ebuiyinɔanɔ gelee kasɛ nɔ denɔ Aka nɔ kɔ. Kiɖueɖu shu so gɛ nɔ hu mɛ aklãgbu?”

Yohanɛsɛ 14:12

Kɛ bui gbɛagba mɛ tsre nɔ, anɔnyanɔ gɛ tɛyɛyɛkɛŋa lɛ yɛ awɛ nɛ mɛ́ mɛ aba bhɛtɛ kɛdɔnyɛdɔ gɛ ɛbhɛtɛ. Aba bhɛtɛdɛ ebui gbɛgbla dɛ anɛ nɛ tsyɛ, alasɛ ɛvɛ Aka nɛ ɔkɔ.

Yohanɛsɛ 15:15

Ɛtɛa klu nɔ sɛ axwɛdɛ, alasɛ axwɛdɛ eti nyi yɛ apalete nɛ kɛxwɛwɛwa. Nɛ kɛlɛ ɔzakɔ, iklu nɔ sɛ ɛbhɛya, alasɛ kibuinyɛbui gɛ ɛkpasɛ denɔ mɛ Aka nɔ kɔ ɛkɔ nɔ ti.

Yohanɛsɛ 17:26

Ɛbhɛtɛ wɔ tɛ oti alɛ, klɛ tɛ kɛ vɛabha tɛ ba bhɛtɛ wɔ nɛ kɛlɛmɛ sɛ tɛdɛdɛmɛnɔ gɛ kɛlɛ wɔ ahwɛ kɔ mɛ tɛ kɛ ba za ba lɛ mɛ klɛ tɛ mɛ nahwɛ ɛba za bɛ lɛ mɛ.”

Yohanɛsɛ 3:35

Aka adɛmɛnɔ nɛ Eyi klɛ ayɛkɔ kɛdɔnyɛdɔ akpɛ yɛ ahwɛ.

Yohanɛsɛ 5:21

Kana gɛ Aka anyɛmɛ banɔ tsitsi klɛ àkɔ alɛ ɛkpã, kanake Eyianyɛ àkɔ ɛkpã bagɛ adɛmɛ sɛ tɛ akɔ.

Yohanɛsɛ 5:25

Itsre nɔ kɛgbɛagba sɛ, kibe ba klɛ kɛtɛ ba kuratsyɛ gɛ be tsitsi ba be nu Kpaya Eyianyɛ nɛ olimɛ klɛ bagɛ be nu ba baza nɛ kpã.

Yohanɛsɛ 5:29

klɛ ba be koeyi— bagɛ babhɛtɛ kibui dzyɔgo ba ba lɔ aza nɛ kpã, klɛ bagɛ babhɛtɛ kibui zizi ba ba lɔ sɛ tɛ bebu balɛ pɔ.

2 Petro 1:17

Alasɛ ayɛkɛ kabhaŋɛŋa anɛ tɛbhubhui denɔ Aka Kpaya kɔ nɛ kibelɛlɛ gɛ kaɖɔɖuɖɔ nɛ aba kɔ yɛ denɔ Kabhakpɛkpɛ Gbɛgbladɛ ɔkɔ, kaɖɔ sɛ, “Ye nu mɛ Eyianyɛ, gɛ ɛdɛmɛnɔ, nɛ yɛ ɛpɛɛ yɛ bui mɔmɔ.”