Yohanɛsɛ 5:18 - ONUGBÙ NYƐNYÃ VUVƆ

¹⁸ Kibui nɛ so gɛ Yuɖanɛ ba pɛɛ kidzo gɛganɛ dɛ sɛ tɛ be yi yɛ, anɛ gɛ ata Tɛmumoene ɔshã nɛesi so, pɔ tsyɛ eze ke klu Kpaya sɛ yɛ nahwɛ yɛ Aka, klɛ abhɛtɛ shu asɔnɔ Kpaya.

Yohanɛsɛ 5:18 ပူးပေါင်းရင်းမြစ်များ

Mateo 12:5

Pɛnɔɔ nɔ kɔ kla mɔ nɛ Ɔshã nɛ mɛ sɛ nɛ Kimuenewi nɛa bha, kpayanɔ anɛ busɔlɛevu nɛ mɛ tsyɛ ba da ɔshã ɔlɛ nɛ flogo tsyɛ pɛɛ kɛpɔnyɛpɔ dɛ za balɛ shu dza?

Yohanɛsɛ 1:19

Ɔtsyɔnɛ kɛnɛ kɛlɛ nu Yohanɛsɛ kibuimɔɖɔ kibe lɛlɛ gɛ Yuɖanɛ nɛ Yerusalɛm bakpɛ kpayazakɔ banɔ nɛ̀ Lewi banɔ sɛ be debisi yɛ anɔ nɛ gɛ enu.

Yohanɛsɛ 10:30

Mɛ nɛ Aka bunu anɔ terikpo.”

Yohanɛsɛ 10:33

Yuɖanɛ ba ɖɔ sɛ, “Bu tɛ hu wɔ aklãgbu nɛ ebuanɛ shu,” “pɔ wɔ ebuisobui so alasɛ anɔ ko wɔ nu, ɔbhɛtɛ ishu anasɛ Kpaya.”

Yohanɛsɛ 14:23

Yesu ebuilɛnu asɛ, “Onugɛ anɔ teli adɛmɛnɔ nɛ mɛ, aba bhɛtɛ atrɔ mɛ kɛdɔkɛkasɛ nɛabha. Mɛ Aka aba dɛmɛnɔ nɛ yɛ, klɛ bu ba ba yɛ ɔkɔ klɛ bu ba yɛ kɔ ɔkɛlɛ bhɛtɛ bulɔ kepi.

Yohanɛsɛ 14:9

Yesu ebuilɛnu asɛ, “Oti nyi mɛ, Filipo, kibe dzidze nɛ gɛ ɛlɛ wunɔ ɔbhɛa tsye? Anɔnyanɔ gɛ amɔ mɛ amɔ Aka. Kide so gɛ ɔbɔ ɖɔ sɛ, ‘Kasɛ lɔ Aka’?

Yohanɛsɛ 19:7

Yuɖanɛ baza ɖɔ sɛ, “Ɔshã lɛ bulɔ ahwɛ, klɛ nɛ ɔshã nɛ nu alasɛ tɛ etsi, alasɛ aɖɔ sɛ enu Kpaya yɛ Yi.”

Yohanɛsɛ 5:15

Anyɛ nɛ ashɛ̃ klɛ ede tsre Yuɖanɛ asɛ Yesu yɛ enu anɔ nɛ gɛ akɔ sɛ alɛ mɔmɔ.

Yohanɛsɛ 5:16

Alasɛ gɛ Yesu abhɛtɛ ebuianɛ nɛ kimuenewui nɛabha so, ba kpatɔnɔ yɛ.

Yohanɛsɛ 5:17

Yesu etsre alɛ asɛ, “Ma Aka awa yɛ xwɛ kibenyɛbe ɔdɔtɔnɔ oboe wui, klɛ mɛ, tsyɛ, ɛwa me yɛ.”

Yohanɛsɛ 5:23

sɛ tɛ balɛ petee bakpɛ Eyianyɛ nɛ tɔkpu nɛabha anasɛ gɛ ba kpɛ Aka nɛ tɔkpu nɛabha. Anɔ nɛ gɛ adɛ kpɛ Eyianyɛ nɛ tɔkpu nɛabha, adɛ kpɛ Aka nɛ gɛ akpɛ yɛ kɛtɔkpu nɛabha.

Yohanɛsɛ 7:1

Kɛlɛlɛ nɛede Yesu avɛ ada nyɔ nɛ Galelia, yɛ tɛpɛpɛɛ kɛlɛ nu sɛ tɛ ashɛ̃ nɛ Yuɖea alasɛ Yuɖanɛ be po sɛ tɛ be yi yɛ.

Yohanɛsɛ 7:19

Ganɛ Mose yɛ akɔ nɔ ɛshã? Pɔ anɔ Terikpo tsyɛ atabhɛtɛ atrɔ ɔshã nɛabha. Kideso gɛ nɔ pɛɛ sɛ tɛ no yi mɛ?”

Yohanɛsɛ 8:54

Yesu ebushunu asɛ, “Onugɛ ɛkpɛ mɛshu nɛabha, mɛ ishukpɛkpɛ kabha kedi nu kɛdɛnyɛdɔ. Mɛ Aka, gɛ nɔ sɛ yɛ nu wunɔ Kpaya, yɛ nu agɛ akpɛ mɛ nɛabha.

Yohanɛsɛ 8:58

Yesu ebuilɛnu sɛ, “Ɛtsre nɔ kɛgba sɛ, ɛlɛ ɔkɛlɛ, flogo gɛ ba mɔ Abraham!”

Filipianɛ 2:6

Ane, gɛ yɛ tɛzɛza mɛ nu Kpaya, adɛ di ishu yɛyɛkɔ sɔnɔ Kpaya ki nu kɛdɔ gɛ be be vu,

Tɛbubukasɛ 22:1

Ɔkɛlɛ kpayaxwɛdɛ nɛ akasɛ mɛ ɛkpãni anɛ keni, bulɛ mɛ bhui ansɛ kɛdɔbhubhui, bu kpɛ denɔ Kpaya anɛ Obhosheyi nɛ kekusigbu nɛm

Tɛbubukasɛ 22:3

Kibuiɖuɖɔ kpɛ anɔ kanyaka tɛa za. Kpaya anɛ Obhoshieyi nɛe kusigbu nɛ ba za ɔmagbla nɛm, klɛ yɛ baxwɛdɛ na ba dɛ kɛxwɛ akɔ yɛ.