Yohanɛsɛ 4:36 - ONUGBÙ NYƐNYÃ VUVƆ

³⁶ Ɔtsɔnɛ kuratsyɛ agɛ ebebuidɔ atɛ yɛkɛ yɛ bhɛ, eti xogo yɛ dɔ kɔ ɛkpã mabekemabeke, sɛ tɛ ayadɛ nɛ̀ be bubu ba ba mɔ same tsu.

Yohanɛsɛ 4:36 ပူးပေါင်းရင်းမြစ်များ

Mateo 19:29

Klɛ anɔnyanɔ gɛ atɛ shɛ alɔ bapa, yɛadzyalɛ, yɛadalɛ, yɛaka, yɛeni, yɛeyialɛ, yɛ kaya akpɛ mɛ so, aba yɛkɛ kɛdɔɛ lɛ nɛ ɛzakɔ kɛfɔɛfɔ klɛ aba mɔ ɛkpã gɛ ɛtɛ ba beke.

Yohanɛsɛ 3:36

Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Romanɛ 1:13

Badzya mɔ, ɛdɛ pɛ sɛ kɛ za matimatim kɔnɔ sɛ, ɛtrɔ ebe gelee sɛ tɛ ɛba mɔ nɔ (pɔ ɛka mɔ kidzo kɔ kɛlɛ tɛbhɛbhɛtɛ ɔbɔ nanɔ ɔtsɔ̃) sɛ tɛ ɛba bu banɔ nɛ wɔnɔ mɛ, anasɛ gɛ ɛtɛ bu denɔ bagɛ edi nu Yuɖanɛ nɛm.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Romanɛ 6:22

Pɔ ɔtsɔ̃ nɛ gɛ be ti bule nɔ edenɔ buzizi mɛ, klɛ no dzi banɔdzidzi kɔ Kpaya, kɛ gɛ nɔ bɔ mɔ denɔ kɛlɛ mɛ nɛ ba kpɛ nɔ nɛ ishubhubhui mɛ, klɛ kɛ gɛ ba de koeyi nɛ kɛlɛ mɛ nɛ nu ɛkpã mabeke mabeke.

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

1 Kɔrintioanɛ 9:17

Onugɛ ɛɖɔ kibui dzyɔgo nɛ faã, kɛbhɛ lɛ kɔ mɛ; kɛɛ ma kana, mɛ kɛxwɛ gɛ bakpɛ mahwɛ kɛlɛ ko mɛ wa.

1 Kɔrintioanɛ 9:18

Kɛlɛalɛ kide kɛlɛ nu mɛ kɛbhɛ? Kɛnɛ nɛ ko: sɛ kɛbui dzyɔgo tɛɖɛɖɔ ɛba ɖɔɛ lɛ kɛbhɛ mayɛkɛ mayɛkɛ, klɛ so ɛtɛ mɔɛ dzo bhɛtɛ kɛdzyɔgo anɛ kibui dzyɔgo ɖɛɖɔ shu.

1 Tɛsolonianɛ 2:19

Alasɛ kɛgɛ nu bulɔ kidzoenu didi, bulɔ same, ɔdɔgɔsɛ bukusikutu nɛm gɛ bu ba za nɛ ishubhubhui anɛ bulɔ Apalete Yesu nɛ amɛ onu gɛ aaba? Ganɛ wɔnɔ?

1 Timotio 4:16

Vu anhũ nɛ wɔ ɛkpã anɛ kɛdɔkɛkasɛ nɛ mɔmɔ. Tsianyɛ nɛ alɛ mɛ, alasɛ onu gɛ nɔ bhɛtɛ ana, no bo bu wɔnɔ shu anɛ bagɛ be nu nɔɛ bui.