Yohanɛsɛ 4:34 - ONUGBÙ NYƐNYÃ VUVƆ

³⁴ Yesu aɖɔ asɛ, “Mɛ dɔŋɛŋa, ” kɛlɛ nu sɛ “tɛ ebhɛtɛ trɔ agɛ akpɛ mɛ nɛ tɛpɛpɛɛ abha klɛ tɛ ɛwa yɛ axwɛ nɛ beke.

Yohanɛsɛ 4:34 ပူးပေါင်းရင်းမြစ်များ

Mateo 26:39

Gɛ aza ga vɛ otugba kɛbɔɛ, awɔlɛ adɔ klɛ ayɛkɔ amɛnɛmɛ ekumuesi klɛ ekulukpaya sɛ, “Maka, onu gɛ kɛɛ ba za tɛbhɛbhɛtɛ mɛ, kɛlɛ tɛ ɔkɔ kantsea nɛ kafla mɛ nu. Pɔ ganɛ kana gɛ mɛ ɛpɛɛ, kana gɛ wɔ ɔpɛɛ kɛlɛ ba ba kɛlɛ mɛ.”

Mateo 3:15

Yesu ebui lɛ nu asɛ, “Kɔ kɛ za na ɔtsɔ̃; kɛbɔ sɛ tɛ bubhɛtɛ ana sɛ tɛ kɛ na nɛ tɛzɛza dzyɔgo mɛ petee.” Klɛ Yohanɛsɛ ayɛkɛ lɛ.

Mateo 9:19

Yesu alɔ klɛ aza anyɛ nɛe de avɛ, klɛ yɛ badɔkpasɛ nɛ tsyɛ atɔnɔ yɛ.

Luka 15:10

Nɛ kidzo lɛlɛ nɛabha, itsre nɔ sɛ, samemumɔ aba za Kpaya axwɛdɛ amɛ nɛ ezizi terikpo gɛ etsyina temɛ.”

Luka 19:10

Alasɛ Anɔdzyrame Yi aba sɛ tɛ aba pɛɛ klɛ tɛ evu kɛgɛ lɛla nɛ edzu.”

Luka 2:49

Yesu ebisialɛ sɛ, “Kideso gɛ nɔ pɛɛ mɛ? Nɔ tɛnyi sɛ alasɛ tɛ eza mɛ Aka bupa nɛ mɛ?”

Yohanɛsɛ 17:4

Ɛmɛna wɔ kabhakpɛkpɛ nɛ kesukpa nɛa bha, ganɔ kɛxwɛ nɛ gɛ ɔkɔ mɛ nɛ tɛwɛwa beke.

Yohanɛsɛ 19:28

Kɛlɛede, gɛ be nyi sɛ kibuinyɛbui beke, klɛ sɛ tɛ Kpayaplukpa nɛ bɛlɛ mɛ, Yesu aɖɔ sɛ, “Oniwɛ ɔta mɛ.”

Yohanɛsɛ 19:30

Gɛ ayɛkɛ bulu, Yesu aɖɔ sɛ, “Kɛ beke.” Ɔkɛlɛ abubɔɛ tɔkpu klɛ ayɛkɔ yɛ ɔfufɔɛ nɛ akɔ.

Yohanɛsɛ 4:32

Pɔ etsre alɛ sɛ, “Kɛ dɔ ŋɛŋa lɛ mahwɛ gɛ noti nyi buinyɛbui denɔ lɛ shu.”

Yohanɛsɛ 5:30

Mɛ nahwɛ ɛtɛ bana kɛdɔnyɛdɔ bhɛtɛ, iklu kebhui anasɛ kɛgɛ inu nɛ ko klɛ mɛ kɛbhuikuklu kenu kadzyɔgo, alasɛ ɛtɛ pɛɛ sɛ kɛ ku mɛnahwɛ awɔ̃ pɔ kɔ agɛ akpɛ mɛ.

Yohanɛsɛ 5:36

“Ɛyɛkɛ kibuiɖɛɖɔ gɛ kɛlupudɛ Yohanɛsɛ yɛ. Alasɛ kɛxwɛ nɛ tututu gɛ Aka nakɔ mɛ sɛ tɛ ɛwa beke, klɛ mɛ ɛwa, kɛkasɛ sɛ Aka nɛ yɛ akpɛ mɛ.

Yohanɛsɛ 6:33

Alasɛ gbɛ̃gbɛ̃vu nɛ gɛ kɛ de Kpayɛa kɔ kɛlɛ nu anɔ nɛ gɛ ezhi de owũsise aba, klɛ akɔ ɛkpã kanɔ.”

Yohanɛsɛ 6:38

Alasɛ ede owũsise aba anɛ sɛ tɛ ɛba bhɛtɛ mɛnahwɛ tɛtɛtrɔ pɔ tɛ ɛbhɛtɛ yɛ tɛpɛpɛɛ agɛ yɛ akpɛ mɛ.

Yohanɛsɛ 8:29

Anɔ nɛ gɛ akpɛ mɛ alɛ mɛ ɔbha, aka ashɛ̃nahwɛ mɛ shu elu, alasɛ kibenyɛbe ɛbhɛtɛ trɔ yɛ ebui pɛpɛɛ nɛabha.”

Axwɛwɛwa 20:35

Nɛ kɛdɔnyɛdɔ gɛ ɛbhɛtɛ mɛɛ, ɛkasɛ nɔ sɛ ganɔ kɛxwɛ wɛwa gɛganɛɛ nɛ mɛɛ di nɛ lɔ ba na bagɛ ama alɛ ana nu plɛnɔ, anɛ Apalete Yesu nahwɛ nɛ ebui nɛ gɛ aɖɔ nɛ tɛbɛbaka sɛ: ‘Tɛyuyula kpasɛ tɛkukɔm dɛ tɛyɛyɛkɛ.’ ”

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.