Yohanɛsɛ 4:14 - ONUGBÙ NYƐNYÃ VUVƆ

¹⁴ pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 4:14 ပူးပေါင်းရင်းမြစ်များ

Mateo 25:46

“Ɔkɛlɛ la ba shɛ avɛ ede tsoku batɔtɛtɛta mabeke mabeke mɛ, pɔ banɔnɛna na ba vɛ ɛkpã mabeke mabekemɛ.”

Mateo 5:6

Ba yula bagɛ bubhɛ anɛ oniwɛ ɔɔta nɛ tɛzɛzam dzyɔgo shu so, alasɛ balɛ ebe xui.

Yohanɛsɛ 10:10

Ezi aba ko sɛ tɛ ebe zuru klɛ tɛ eyi anɔ nɛ tɛ ezidɔ. Ɛba sɛ tɛ banɔ ba mɔ ɛkpã, klɛ tɛ bayɛkɛ lɛ tɛ lɛ na.

Yohanɛsɛ 11:26

klɛ anɔ nɛ gɛ alɛ nɛ ɛkpã gɛ ayɛkɛ mɛabhaŋa eti be tsi. Ɔyɛkɛ kibui nɛabhaŋa?”

Yohanɛsɛ 4:10

Yesu ebuilɛnu kɔ adze nɛ asɛ. “Ɔtɔsɛ onyi Kpaya dɔ kukɔ klɛ agɛ yɛ bisi wɔ buni wuwɔɛ, wɔ ɔtɔ bisi yɛ klɛ ata kɔ wɔ ɛkpa buni.”

Yohanɛsɛ 4:11

Adzɛ nɛ aɖɔ sɛ, “Apalete, kɛdɔnyɛdɔ ma wɔ ahwɛ gɛ ɔbɔ yɛkɔ oshui buni nɛ nɔ klɛ kizi nɛ dzu. Fakɔ ɔbɔ dɛnɔ ɛkpã ni nɛ?

Yohanɛsɛ 4:13

Yesu ebuilɛnu asɛ, “Anɔnyanɔ gɛ awɔ̃ɛ buni nɛ oniwɛ nɔ ziɔ ta yɛ,

Yohanɛsɛ 4:36

Ɔtsɔnɛ kuratsyɛ agɛ ebebuidɔ atɛ yɛkɛ yɛ bhɛ, eti xogo yɛ dɔ kɔ ɛkpã mabekemabeke, sɛ tɛ ayadɛ nɛ̀ be bubu ba ba mɔ same tsu.

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”

Yohanɛsɛ 6:35

Kɛlɛ Yesu ebu etsre alɛ asɛ, “Mɛ nu ɛkpã gbɛ̃gbɛvu. Anɔ nɛ gɛ aba mɛ ɔkɔ bubhɛ tɛ ba yi yɛ, klɛ anɔ nɛ gɛ ayɛkɛ nɛabha ŋa oniwɛ tɛ bɔ tɛ yɛ.

Yohanɛsɛ 6:58

Kɛɛ nɛ nɛ nu gbɛ̃gbɛ̃vu gɛ de owũsise ba. Wunɔ bakashishe ba tã manna klɛ be tsi pɔ anɔ nɛ gɛ atã gbɛ̃gbɛ̃vui nɛ aba za nɛ ɛkpã mabeke mabeke.”

Yohanɛsɛ 7:37

Nɛ kiwui gugɔɛ gbɛgbladɛ nɛ kiwuiŋɛŋa nɛ mɛ, Yesu aɖɔ nɛ ogugu asɛ, “Onugɛ oniwɛ̃ ɔta anɔ teli, aba mɛ ɔkɔ tɛ aba wɔɛ̃ buni.

Romanɛ 5:21

sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

2 Kɔrintioanɛ 1:22

atsa yɛ kɛna kɔ lɔ sɛ bu nu yɛ ayɛ, klɛ akpɛ yɛ Ɔfufɔɛ Dzyɔgo nɛ bulɔ idzyi mɛ anasɛ kɛdɔ bɛbala, kedezɛza kɔ kɛgɛ ba ba.

Efesoanɛ 4:30

Nɔtɛ bhɛtɛ kɛdɔ gɛ kɛba puɛ Kpaya Ɔfufɔɛ dzyɔgo, ɔlɛ laba kɔ kpɛ nɔ susu nɛ kiwui nɛabha gɛ ba bebhui nɔ yɛkɛ.

1 Petro 1:22

Ɔtsɔnɛ gɛ nɔ tɛ plu shu ɔganɔ batɔ tɛta kɔ kibui gbɛagba sɛ tɛ nɔ yɛkɛ tɛdɛdɛmɛnɔ mumɔ kɔ wũnɔ adzyalɛ, tɛdɛdɛmɛnɔ nɛ ɔhaglɔ globoo, denɔ idzyi nɛ mɛ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

Tɛbubukasɛ 7:16

Bɔbhɛ tɛa fla yia lɛ, oniwɛ̃ ɔtɛɔ flɔ taa lɛ Buwui tɛ ba tãa lɛ, ɔdɔgɔsɛ bukpɛkpɛ́kpɛ kanyaka.

Tɛbubukasɛ 7:17

Alasɛ Obhoshieyi nɛ bukusiegbu nɛ shitɛbha nɛ obo dzi balɛ agbɛgbanɔ; aba gbanɔa lɛ avɛnɔ beni lulu gɛ koeyi nɛ tisi mɛ ɔbha. Klɛ Kpaya ebe tsru ɛwɔ̃mɛ nyɛ wɔ̃mɛ ebu nɛ balɛ anhũ mɛ.”