Yohanɛsɛ 3:36 - ONUGBÙ NYƐNYÃ VUVƆ

³⁶ Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Yohanɛsɛ 3:36 ပူးပေါင်းရင်းမြစ်များ

Mateo 25:46

“Ɔkɛlɛ la ba shɛ avɛ ede tsoku batɔtɛtɛta mabeke mabeke mɛ, pɔ banɔnɛna na ba vɛ ɛkpã mabeke mabekemɛ.”

Marko 16:16

Anɔnyanɔ gɛ ayɛkɛ aŋa pɛ nɔɔ kpɛ buni ɔkɔ yɛ nɛ ebe dzi anɔ gɛ be bu, pɔ anɔnyanɔ gɛ adɛ yɛkɛ aŋa be be bu yɛ butsipɔ.

Luka 2:30

Alasɛ mɛ awɔ̃hu amɔ wɔ tɛyɛyɛkɛkɔ,

Luka 3:6

Klɛ banɔdzrame petee ba ba mɔ Kpaya tɛyɛyɛkɛ.’ ”

Yohanɛsɛ 1:12

Pɔ kɔ bagɛ balɛ petee gɛ bayɛkɛ yɛ, kɔ bagɛ ba yɛkɛ yɛ nyi nɛa bha ŋa, akɔ alɛ kidzo sɛ tɛ ba be dzi Kpaya yɛeyialɛ—

Yohanɛsɛ 10:28

Ɛkɔ alɛ ɛkpã mabeke mabeke, klɛ lɛtɛ ba tsi, anɔnyanɔ atɛ ba bhɛ lɛ nɛ mɛ ahwɛ.

Yohanɛsɛ 3:3

Nɛ kɛlɛesi bubu Yesu ebuaɖɔ sɛ, “Itsre wɔ gbɛagba sɛ, anɔnyanɔ atɛ ba mɔ Kpaya Bukusiɔŋakɔ nedi odunu sɛ be tsodzinɛ yɛ amɔ́.”

Yohanɛsɛ 4:36

Ɔtsɔnɛ kuratsyɛ agɛ ebebuidɔ atɛ yɛkɛ yɛ bhɛ, eti xogo yɛ dɔ kɔ ɛkpã mabekemabeke, sɛ tɛ ayadɛ nɛ̀ be bubu ba ba mɔ same tsu.

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Yohanɛsɛ 6:58

Kɛɛ nɛ nɛ nu gbɛ̃gbɛ̃vu gɛ de owũsise ba. Wunɔ bakashishe ba tã manna klɛ be tsi pɔ anɔ nɛ gɛ atã gbɛ̃gbɛ̃vui nɛ aba za nɛ ɛkpã mabeke mabeke.”

Yohanɛsɛ 8:51

Itsre nɔ kɛgba sɛ, onugɛ anɔ teli ayɛ kɛ mɛ bui, atɛ ba mɔ butsi.”

Axwɛwɛwa 14:2

Pɔ Yuɖanɛ nɛ gɛ adɛ pɛa sɛ tɛ ba yɛkɛ aŋa nɛ de feke bagɛ edi nu Yuɖanɛ nɛ edzu klɛ zi kɛtɔkpum kɔa lɛ sɛ tɛ ba lɔ kititi nɛ bagɛ ayɛkɛ aŋa nɛ shu.

Romanɛ 4:15

alasɛ ɔshã lɔɔ mɛna obulo. Klɛ ɔkɛlɛ gɛ ɔshã ɔɔma ɔshɛ̀abha dɛda ɔma.

Romanɛ 5:9

Ɔtsɔ̃ nɛ gɛ ba tɛ danɛ lɔ shu ganɔ yɛ dzyosu nɛ mɛ, kɛlɛ kɛ zɛ ba za sɛ be tee bulɔ edenɔ Kpaya obulo nɛ mɛ ganɔ yɛa bha!

Romanɛ 8:1

Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ,

Galatianɛ 3:10

Banɔ petee gɛ ba nyɛna ɔshã nɛ mɛ evunɔ ba kpasɛ kibuiɖɛɖɔ kpɛ anɔesi, alasɛ ba ŋlɔmɛ elu asɛ: “Baɖɔɛ buikpɛ anɔnyanɔ gɛ ata bhɛtɛ ebui petee gɛ ba ŋlɔmɛ akpɛ Ɔshã Keplukpa nɛ mɛ.”

Efesoanɛ 5:6

Nɔ tɛ kɔ anɔnyanɔ awɔɛ nɔ nɛ ebui gɛ lama kibuinyɛbui mɛ, alasɛ kɛlɛso ebuia nɛdi shu Kpaya oblo ɔba nɛ bagɛ ba ta tatɔ nɛ abha.

1 Tɛsolonianɛ 1:10

tɛ no po Yɛeyi nɛ gɛ ede owũsise, gɛ anyɛmɛ edenɔ bekpu mɛ—Yesu, nɛ gɛ ebe bu lɔ edenɔ obulo nɛ gɛ ɔba nɛ mɛ.

1 Tɛsolonianɛ 5:9

Alasɛ Kpaya edi bu lɔ sɛ bu ba tɔ nɛ yɛ obuloe si, pɔ tɛ bu yɛkɛ tɛbubu ganɔ bulɔ Apalete Yesu Kristoa bha.

Hebriuanɛ 10:29

Kɛlɛ lɛ nu anɔ teli etiti ɔtsɛrɛ nɛ Kpaya yɛ Yi abha, gɛ amɔ onugbunyɛnya dzyosu gɛ lɔ plu yɛ shu anasɛ kɛdɔ gɛ kɛlɛ shu dɛbhui, gɛ akula ɛyɛmɛyuyɔ anɔ Ɔfufɔɛ kideso gɛ bata tɛta yɛ batɔ gɛganɛ?

Hebriuanɛ 2:3

kɛlɛ bu ba koeyi nɛ lɛ mɛ onugɛ bugbe tɛbhubhɔyɛkɛ gbɛgblaɛ nɛ? Tɛbhubhɔyɛkɛ nɛ, gɛ Apalete eputɔ aɖɔ, bagɛ benu yɛ bui batrɔ ahwɛ nɛ lɛabha kɔ lɔ

Hebriuanɛ 3:18

Klɛ bane Kpaya atanɛdɔ akpɛ sɛ beti betsoku kɛsukpa gɛ akɔ alɛ sɛ tɛ be muene onugɛ odunu sɛ bagɛ ba dɛ tatɔ?

Hebriuanɛ 3:19

So bu mɔ sɛ ba dɛna tsoku, alasɛ ba dɛ yɛkɛŋa.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”