Yohanɛsɛ 3:11 - ONUGBÙ NYƐNYÃ VUVƆ

¹¹ Itsre wɔ gbɛagba sɛ, bu ɖɔ kɛdɔnɔ gɛ bu nyi, klɛ bu ɖɔ ɛbuimɔɖɔ kɔ kɛgɛ bu mɔ, pɔ tsyɛ wunɔ banɔ anɛ nɔ dɛ yɛkɛ bulɔ kibuimɔɖɔ.

Yohanɛsɛ 3:11 ပူးပေါင်းရင်းမြစ်များ

Mateo 11:27

“Ebui nɛ petee mɛ Aka nɛ atɛ yɛkɔ akpɛ mɛ ahwɛ. Anɔnyanɔ etinyi Eyi gɛ odinu sɛ Aka, klɛ anɔ nyanɔ etinyi Aka gɛ odinu sɛ Eyi nɛ banɔ nɛ gɛ Eyi nɛ apɛa sɛ tɛ ebu yɛ akasɛ.

Mateo 23:37

“O Yerusalɛm, Yerusalɛm, wɔ gɛ oyi batɔnu klɛ ohu bagɛ ba sɛsɛ wɔ nɛ aklãgbu, klɛ pɛɛ mɛ ɛdɛ pɛɛ sɛ tɛ ɛxogo weyialɛ, ansɛ gɛ ɔkukɔni oxogo akukɔɛyi akpɛ ɔlɛ busɛ mɛ, pɔ nɔ dɔɔ dɛmɛ.

Luka 10:22

“Maka ayɛkɔ kɛdɔ nɛ petee akpɛ mɛ ahwɛ. Anɔnyanɔ eti nyi anɔ nɛ gɛ Eyi nɛ enu ɔdɛ̀ sɛ Aka, klɛ anɔnyanɔ eti nyi anɔ nɛ gɛ Aka nɛ enu ɔdɛ̀sɛ Eyi nɛ̀ ba gɛ Eyi eklu sɛ tɛ be bu yɛ akasɛ.”

Yohanɛsɛ 1:11

Aba ɔkɛlɛ gɛ lɔ dzi yɛ nahwɛ ɔkɔ, pɔ yɛ nahwɛ ayɛ ba dɛ yɛkɛ yɛ.

Yohanɛsɛ 1:18

Anɔnyanɔ aka mɔ Kpaya edi, pɔ Kpaya Eyi nɛ̀ Terikpo, gɛ alɛ Aka nɛ wã, ye abhɛtɛ sɛ bu ti yɛ.

Yohanɛsɛ 12:49

Alasɛ ɛdɛ ɖɔ kibui nɛ nɛmɛnahwɛ shu ahwɛ, pɔ Aka nɛ gɛ akpɛ mɛ yɛ akɔ mɛ ɔshã sɛ tɛ ɛɖɔ kɛ gɛ ɛba ɖɔ nɛ ka na gɛ ɛba ɖɔɛ lɛ.

Yohanɛsɛ 14:24

Anɔ gɛ adɛ dɛmɛnɔ nɛ mɛ atɛba bhɛtɛ atrɔ mɛ kɛdɔkɛkasɛ nɛabha. Ebuianɛ gɛ nɔ nu le dinu mɛnahwɛ ayɛ, le nu Aka nɛ gɛ akpɛ mɛ nɛ ayɛ.

Yohanɛsɛ 3:12

Ɛɖɔ kaɖɔ kɔ nɔ nɛ kanɔ mɛ ebui shu klɛ nɔ dɛ yɛkɛŋa, kɛlɛ nɔ bɔ yɛkɛŋa onugɛ ɛɖɔ owũsise bui?

Yohanɛsɛ 3:13

Anɔnyanɔ aka vɛ owũsise ɔyɛkɔdɛ agɛ ede owũsise aba—Anɔdzyrame Eyi.

Yohanɛsɛ 3:3

Nɛ kɛlɛesi bubu Yesu ebuaɖɔ sɛ, “Itsre wɔ gbɛagba sɛ, anɔnyanɔ atɛ ba mɔ Kpaya Bukusiɔŋakɔ nedi odunu sɛ be tsodzinɛ yɛ amɔ́.”

Yohanɛsɛ 3:5

Yesu ebui lɛ nu asɛ, “Itsre wɔ kɛgbɛagba sɛ, anɔnyanɔ atɛ be tsoku Kpaya bukusiɔŋakɔ odɛ nu sɛ be ditsodzi yɛ amɔ nɛ́ buni nɛ̀ Ɔfufɔɛ.

Yohanɛsɛ 5:43

Ɛba nɛ maka nɛ nyi mɛ, klɛ nɔ dɛ yɛkɛ mɛ, pɔ onugɛ anɔ tɛli aba nɛ yɛnahwɛ nyimɛ, nɔ bɔ yɛkɛ yɛ.

Yohanɛsɛ 7:16

Yesu ebuilɛnu asɛ, “Mɛ dɔ kɛkasɛ nɛ di de mɛnahwɛ ɔkɔ. Kɛde anɔ nɛ gɛ akpɛ mɛ nɛ ɔkɔ.

Yohanɛsɛ 8:14

Yesu ebu ishu nu asɛ, “Onugɛ ɛɖɔaɖɔ nɛ mɛnahwɛ shu tsyɛ, mɛ ebuimɔɖɔ nɛ aŋa, alasɛ inyi ɔkɛlɛ gɛ ede nɛ ɔkɛlɛ gɛ ɛvɛ. Pɔ kɛma wunɔ tɔkpuimɛ ɔkɛlɛ gɛ ede nɛ ɔkɛlɛ gɛ ɛvɛ.

Yohanɛsɛ 8:26

“Ebui gelee alɛ mɛ ahwɛ gɛ ɛba kɔ klu kebhui nɛ nɔ. Pɔ agɛ akpɛ mɛ enu anɔ gɛ ba be lu awɔ̃ nɛabha, klɛ agɛ inu denɔ yɛ kɔ alɛ mɛ tsre kanɔ.”

Yohanɛsɛ 8:38

Itsre nɔ kɛdɔ nɛ gɛ ɛmɔ denɔ ma Aka nɔ kɔ, klɛ nɔ bhɛtɛ kɛ dɔnɔ gɛ nɔ nu denɔ wunɔ aka kɔ.”

Axwɛwɛwa 22:18

klɛ mɛ mɔ Apalete gɛa ɖɔ kaɖɔ. Etsre mɛ asɛ, ‘Kɔatsɔ!’ ‘Shɛ nɛ Yerusalɛm ɔtsɔ̃tsiɔ̃, alasɛ batɛ ba yɛkɛ wɔ kibuimumɔɖɔ kanyaka bha ŋa denɔ mɛ shu.’

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,

Tɛbubukasɛ 3:14

“Kɔ kpayaxwɛdɛ anɛ busɔlɛha nɛ Laodisea: Ebui ɖuɖɔa nɛ alɛ nu Tɛlɛbɛlɛm nɛ ayɛ, tɛyɛyɛkɛŋa anɛ kɛgba ebuimɔɖɔ, agɛ yɛa ŋa Kpaya kɛdɔbhɛbhɛtɛ nɛa bha.